【親子好去處】葵芳 Kerokerokeroppi Forest Camping @新都會廣場

芊芊呢個女都唔知何年何月何日開始，竟然鍾意天下女人最驚嘅一種生物－蛙蛙！適逢新都會廣場攪Keropi展，雖然遲咗好多但係都要同佢嚟影番輯靚相！

平時都會睇吓去邊度順路先會去商場行吓！今日得我同芊芊兩個專程由屋企出發到葵芳新都會睇Keropi展

其實佢鍾意蛙蛙都有段故，佢應該係睇咗Disney English World裡面隻Froggy，由嗰陣時開始做咗蛙蛙控

後來我在H&M買咗件Kermit the frog衫俾佢，佢鍾意到每晚都要件衫陪住佢瞓覺，所以對佢嚟講只要係青蛙佢就有興趣，包括佢從不認識嘅Keropi~

其實我小六至中學階段都係Keropi粉絲，我用嘅筆盒文具鎖匙扣全都係佢！(諗起都覺得乸)

但係我都唔知原來佢有成個家族...

芊芊走均全場同每一隻Keropi成員影相，佢知道今次出嚟搵蛙蛙影相，專登帶埋McDonalds最近大熱嘅HelloKitty x Keropi公仔同一個Keropi文件套(套裡面係吉嘅)！

我好鍾意呢個巨型Keropi頭嘅圖書屋，兩個面豬係個窗口，咁都俾佢諗到真係勁！

主題係同Keropi去Camping，點少得搭一個帳篷出嚟呀！眼見所有男仔一嚟到呢度就係捐入去最裡面，芊芊同其他女仔一樣就只係坐係個帳篷口，女仔果然係斯文D

所有Camping用具都係唔郁得嘅！想拎起扮吓嘢影相都唔得㖭

呢張幾好幾好...真係扮得幾似，有天份！

一邊俾我影，自己都拎住小相機一邊影

場景另一個必影位就係呢架Keropi Van啦！真係超Cute呀

Keropi仲企咗喺車頂上面！唔知你有冇留意到呢？

一向同佢哋兩個影相都唔駛我教，識得自動配合！唔做Drama真係嘥哂，利害～

其實成個Keropi家族，點解剩係得媽媽個身型係咁唔啱比例嘅？好似俾人兩邊壓扁咗咁

雖然未能進入Van內，但係見到佢其他位置都做得好細緻

今日我專登幫芊芊揀嘅呢條裙真係襯到爆燈，唔讚自己都唔得！

在場內消費滿一定金額(最低$400)就可以參加場內活動遊戲(太貴了吧～)

限量版禮品仲要滿$1,500先換到，大家想換的話最好問咗件限量禮品仲有冇先去消費～哈

所以一個人都冇...拍哂烏蠅！

大家仲記得佢嘛？Keropi身邊的雨天公仔，我都好Like佢㗎！

呢個遊戲都一樣拍緊烏蠅！就算有得玩都仲要掉中先有獎...難上加難！

期間限定Popup Store! 芊芊好乖冇嘈住要我買，所以我就唔買喇～Hehehe...

其實佢有得同蛙蛙影相經已開心到飛起！

Photo by CANON 5D Mark III, Len | EF 24-70mm f2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 7分

呀劍評語: 芊芊有得同蛙蛙影相已經好興奮！但係場內遊戲的消費限額太高囉，點會有人玩！

Kerokerokeroppi Forest Camping 簡介

Keroppi會在葵芳新都會廣場露營，整個營地都是以他的主色綠色為主，讓人感覺好像置身於森林、大自然一樣，非常舒適。營地除了有5個影相區，還有Pop-up Store給大家買Keroppi精品，更有機會玩遊戲贏取他的別注禮品！

地點

葵涌興芳路223號新都會廣場3樓天晶館

日期
2016年7月9日至8月31日

時間
上午10時30分至晚上10時

消費換領Kerokerokeroppi限量版禮品
換領地點︰葵涌興芳路223號新都會廣場3樓禮品換領處
換領日期：2016年7月9日至8月31日
換領時間︰上午10時30分至換完即止

電話
2429 6500

網頁
www.metroplaza.com.hk

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。