【澳門親子遊】科學館特備展覽「恐龍活現濠江」Centro De Ciencia De Macau: Living Dinosaurs

聞名而久在澳門的這個恐龍展，終於可以到此一遊(雖然今日已經係最後一日展出...^>^)

話說我哋瞓咗一晚酒店今朝自然醒，跟住去嘆個早茶食番一盅兩件，然後慢慢Check-out同埋寄存行李，然後打的$60幾蚊到科學探一探恐龍！

在館外迴旋處已經有一隻大大的長頸恐龍(佢叫咩名呀？)

跟住見到一棵心型樹好得意，我哋就好有默契地走埋去影張全家幅，我哋出嚟玩得多，對D地標好敏感！哈哈

我哋準備要入去睇恐龍展啦，好緊張！唔知同香港比較邊個好睇D呢？

我哋先去買飛！大人入場$25，小朋友$15，原來仲有2D及3D電影睇，因為我哋時間少只可以睇其中一套，所以就梗係揀3D嚟睇啦！

仲有兩張黃色咭係for展覽裡面玩的！

在正式場館外只有兩三隻恐龍裝置，全部都係電動識郁識叫！

呢個立體牆真係有少少乍囉...

原來呢度有個遊戲室，不過逢12:30-1:30係清潔時間，所以唯有一陣再嚟玩過

我哋先沿住斜路行上去場館玩！玩番上一次未玩過嘅遊戲，沿途外牆都有介紹恐龍三個時代的知識

我記得上次都係唔夠時間行到最高，所以今次嚟嘅時侯覺得有D地方好似未見過咁！

呢個炒飯炒餸機好攪笑，真係炒空氣食西北

佢哋好鍾意呢個划艇機！呢個哥哥一D都唔諗住要讓吓個妹

呢個摸擬打乒乓波遊戲，只係需要對住枱上紅色小燈發射的方向擋住就可以了！

無啦啦有半個籃球場喺度！

跟住有個wii喺度玩打拳遊戲！兩個赤手空拳去打一場硬仗

妹妹肉緊個樣好攪笑...

最後梗係又係哥哥贏啦！妹妹真係慘...成日都要輸俾哥哥

跟住嚟個道路安全遊戲(其實咪即係煉車)，橫睇掂睇呢度似間機舖多過科學館

喺呢度有個水喉樂器，同尋晚睇Blue Man Show佢哋玩嘅一樣，佢哋兩個即刻現場演奏一曲

[video]

玩到差唔多3D電影要開場，我哋就拎住3D眼鏡入場，雖然好想睇，但係知道45分鐘又覺得太長

好在呀芊都頂得住由頭睇到落尾，套電影都幾3D，不過真係睇到有D頭暈，周不時睇睇吓要除低眼鏡抖抖

跟住我哋就拎住兩張咭入正式場館睇展覽啦

你哋兩個真係扮得幾入型入格！

你太瘦喇，似隻喪屍多過恐龍！

走過呢條長走廊可以見到好多隻唔同種類嘅恐龍

哥哥真係好鍾意恐龍，幾乎都係佢主動叫我幫佢同恐龍影嘅相

呢張唔錯唔錯！兩個表情幾逼真

仲有好多細小嘅恐龍模型放喺度！

這邊有隻恐龍俾人騎上去可以影相！原理就好似平時去街巿賣BB衫舖頭外住架入$2可以坐上去搖吓搖吓嘅電動車一樣！

不過見唔駛點排隊就排吓上去影番張相啦

終於見到要用呢張咭玩嘅機啦！原來要將手上嘅咭入落去，跟住部機就會讀出你咭上嘅恐龍

跟住好似pokemon咁帶住你隻恐龍去世界各地同其他恐龍打

但係發現次次都一樣，打親都係輸...好冇癮！究竟寫呢個Game嘅人有冇自己親身玩過

不過小朋友至在有得玩吓，就算唔知發生咩事都覺得好好玩！

場館好細，好快咁行一個圈就已經出番嚟！見仲有D時間先開船，我哋就喺度玩多陣俾佢哋兩個放吓電先走

Photo by CANON 5D Mark III, Len | EF 24-70mm f2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 6分

呀劍評語: 如果諗住嚟嘅朋友們都可以唔駛嚟，真係悶過香港科學館好多！不過個恐龍展都係最後一日，所以你睇完嘅時侯都已經冇得去！期望佢哋下次展覽做好D啦

《恐龍活現濠江》 簡介

「恐龍活現濠江」是澳門科學館首個以恐龍為主題的特備展覽，由Imagine Exhibitions以及 Aurea Exhibitions設計及製作。恐龍展覽將於2016年3月23日至9月11日在澳門科學館展覽中心二號展廳展出

地點

澳門孫逸仙大馬路澳門科學館

演出日期
2016年3月23日至9月11日

開放日期時間
星期一至日早上十時至下午六時逢星期四及農曆年除夕休館（公眾假期及七、八月除外）

交通
巴士3A、8、10A、12（往觀音像方向），於澳門科學館站下車

展覽中心入場費用
標準票：MOP25元
11歲或以下、65歲或以上人士：MOP15元
2歲以下幼兒免費

天文館2D及3D節目
標準票：MOP50元11歲或以下
65歲或以上人士：MOP20元(2D)、MOP30元(3D)
2歲以下幼兒免費

網頁
http://www.msc.org.mo

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。