親子室內, 親子戶外

【親子好去處】何文田一日遊懶人包 京士柏上配水庫遊樂場 + 忠義街花園 + 何文田體育館兒童遊戲室 + 何文田公園

01 Aug, 16

題到何文田,大家知道鐵路就嚟通車!究竟到時可以一家大細去邊度玩呢?等我醒個懶人包俾你啦!



京士柏上配水庫遊樂場 King's Park High Level Service Reservoir Playground


我哋由太子乘搭41號城巴,大約12個站(需時35分鐘),去到聖三一堂中學車站落車




落車之後一直向前行1-2分鐘就會見到閘口



見到指示牌寫住「京士柏食水配水庫」就係呢度行上去啦!放心,唔係好難行



行冇幾耐就見到有個休憩區!如果真係行斜路好辛苦可以坐低抖一抖!



繼續再行上見到分叉路,大家只要靠左向上行就可以了



轉過嚟沿斜路行上去!其實整條路程不到5分鐘(我只係想詳細D影咁多張相俾大家睇)



見到配水庫就到遊樂場啦!今次呢個水庫嘅年份係1960年,希望可以儲齊同水庫影嘅相^.^



沿途其實都幾多靚花睇㗎!如果細心欣賞風景植物甚至昆蟲,其實短短簡單的路程都可以很不一樣很豐富充實


配水庫隔離有條樓梯行上去,就到遊樂場㗎啦!




其實叫遊樂場都真係唔係好貼切,因為只係得兩個球場!一個兒童遊樂設施都冇!




不過地方尚算空曠,秋天時分嚟散吓步行吓山做做運動都幾好!



呢度都有少部份草地,如果喺呢度野餐都唔錯㗎!人又少,可以喺度踢吓波野吓餐hea個朝早



沿住樓梯或斜路可以上到去-忠義街花園



京士柏上配水庫遊樂場 簡介
其他設施包括1個硬地7人足球場

地址
九龍何文田忠孝街

開放時間
每日上午7時至下午6時

查詢電話
2330 1708 / 2762 2083

░░░░░░░░░░░░░░░░░░░░░░░░░░░░░░░░░░░░░░░░░░░░░░░

忠義街花園 Chung Yee Street Garden

由京士柏上配水庫遊樂場行上山頭就係忠義街花園

這個項目在2014年4月下旬正式啟用,公園沒有特別也沒有甚麼賣點

都係一貫作風插滿樹圃,幾條步行小徑及一些老人健身設施


大家可以行上這條斜路上花園(大家也可由旁邊樓梯上去)



公園不大也沒有一個比較大的空地,當然也沒有任何一個人!



從公園向下望整個京士柏配水庫球場遠景





園內多是小徑,兩邊佈滿樹圃



園內唯一比較大空間的地方







多有老友記設施俾佢哋伸展筋骨







有多個棋盤位置供老人家玩樂





公園被豪宅包圍,樓梯興建接駁天橋,何文田邨天橋伸延,直至右邊的何文田站。



設有洗手間及哺乳室,咁細小的公園反而有咁元善的設施


園內亦設有環保設備,用光熱能發電補給園內設施



行到公園盡頭見有升降機可直達天橋及地面,步行至忠義街及何文田體育館



忠義街花園

地址
九龍何文田忠義街

開放時間

24小時開放

░░░░░░░░░░░░░░░░░░░░░░░░░░░░░░░░░░░░░░░░░░░░░░░

何文田體育館兒童遊戲室 Ho Man Tin Sports Centre Children's Play Rooms

如果頭先小朋友唔夠喉,可以喺忠義街花園搭升降機落到地面,去對面嘅何文田體育館再玩過


呢度設施都幾齊全,有各樣球類場地、泳池、公園、健身室、兒童遊戲室同埋餐廳!

就連美式桌球枱都有!嘩,剩係玩呢度一半設施都夠玩全日



大門口一入到嚟就係泳池入口




體育館內裡好新好乾淨!



最特別係呢架Lift,有冇留意度門係孤形㗎!圓形升降機見得多,但係Lift門都係圓碌碌都係第一次見



一個體育館居然有條咁華麗嘅扶手樓梯行上一樓


一樓周圍都放滿植物同埋善用日光照明,令整個空間都好舒服自然!


兒童遊戲室每50分鐘一節,有10分鐘清潔!而且場內好少人



雖然呢度唔算係最新,但係佢設有兩層攀架,好似Playhouse咁可以俾小朋友走嚟走去爬上爬落!


條瀡滑梯就窄咗少少





但係真係夠哂俾佢哋兩個放電!而且好安全又唔駛太睇住佢哋










因為場內人唔多,所以可以好放心咁離遠睇住佢哋玩!

不過港鐵通車後就唔敢包!













玩咗一節都夠哂皮!跟住又可以到同層隔離的社企餐廳High番個Tea



又係一個人都冇,食得舒服自在!但係記住每個人頭最低消費$25,一般叫一個茶餐都可以達標

所以只係諗住飲杯嘢嘅各位都只可以在外面撳汽水機吧!



何文田體育館兒童遊戲室 簡介
以熱帶雨林為主題的兒童遊戲室

地址
九龍何文田忠義街1號

開放時間

早上9時至下午1時下午2時至晚上8時(每時段為50分鐘,10分鐘清潔)

查詢電話

2762 7837

░░░░░░░░░░░░░░░░░░░░░░░░░░░░░░░░░░░░░░░░░░░░░░░

何文田公園 Ho Man Tin Park

如果High完Tea小朋友仲有電剩,可以搭升降機在地下LG門口出嚟就見到何文田公園



連普通一個公園都有海洋世界做主題,真係不得鳥!



有個金字塔咁嘅小型流水池,喺度休息都有流水潺潺聲聽吓!



旁邊有個兒童遊樂場!又可以俾小朋友放電啦

因為呢度暫時都唔算方便,所以人流都比較少,兩個嘢又好似包咗個場咁任玩lu



但係原來冇其他小朋友喺度嘅時侯又真係冇咩氣氛喎,所以佢哋玩玩吓都話想走




何文田公園 簡介
適合2-5歲兒童使用(包括:2隻彈弓馬仔、4座位彈弓搖搖板、雙軌滑梯、及手腳並用轉架);1套適合5-12歲兒童使用的組件(包括:攀爬架、滑梯、及4塊遊戲板)。

地址
九龍何文田忠義街1

開放時間

每日上午7時至晚上11時

查詢電話

2716 9962

░░░░░░░░░░░░░░░░░░░░░░░░░░░░░░░░░░░░░░░░░░░░░░░


Photo by CANON 5D Mark III, Len | EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 10分



呀劍評語: 何文田站通車之後就可以試吓跟我一日遊玩轉何文田

(以上資料更新至文章當日)




搜尋

RELATED POST