【親子好去處】將軍澳 PopWalk 天晉滙 Grand Opening

多謝 PopWalk 天晉滙的邀請，可以出席佢哋今日Grand Opening咁盛大嘅日子！不過哥哥就嚟開學只可以喺屋企同媽咪預備一下，所以就得我同芊芊兩個拍吓拖

將軍澳港鐵站C出口入到PopCorn商場轉右，一直行到最尾的扶手電梯，就喺Toast Box隔離

上到去轉右見到PopFood一直行過天橋到另一邊就係PopWalk啦！

見到咁靚5顏6色嘅設計又忍唔住同芊芊影番張相先！

見到「The Wings 天晉II」呢個招牌就冇得錯啦

沿住扶手電梯落番一層就係商場啦！

沿路都係食肆！可以由側門進入商場裡面逛逛其他商店，商場好易行容易搵到你想去的店！唔似得有D商場成個迷宮咁成日行錯(邊間？心照啦！)

右手邊係停車場！今晚我哋就會喺呢個地方度睇電影啦，好期待好興奮呀

由於今日係開幕日，所以沿路有好多表演，又有醒獅，又有魔術！成個嘉年華會咁！

梗係要同番個招牌影番張相先啦 PopWalk!

見到有部自助影相機，一於同芊芊影番張先！平時要消費滿一定金額先可以影一張架

每次影兩張，然後會列印出嚟！

小姐...咁嘅樣即係算點？好唔俾面喎

見到芊芊個樣，無奈又要老土講一句「時間過得真係快！」

我哋先去商場內兩間餐廳試食！呢間餐廳叫【Parkview】(Shop no 120-121)

原來係屬於我哋平時見到嗰間麵包店A-1 Bakery Group

一坐底就俾呢3本咁靚嘅Menu吸引咗！

當然要試一試佢哋唔同款式嘅麵包啦！經理話全部都係佢哋新鮮自製的，仲好熱辣辣香噴噴

迷你牛角酥,意大利香草包,法式芝士包,鬆軟餐包,意式軟包,種子餐包,法包 $5

跟住呢款係我同芊芊最鍾意嘅，點解？因為有雪糕食，哈哈！

焦糖合桃蜜糖丹麥盒伴焦糖雪糕 $58

焦糖雪榚唔算太甜，啱啱好適中，旁邊的杏仁焦糖脆脆真係堅好食！

呢個Tea Set就巴閉囉！三層都好吸引，絕對唔係誇張，幾乎每一樣都好想試！

English afternoon tea ：$198

Pasteur and sweets

法國KIRI草莓芝士餅

北海道純鮮奶忌廉卷蛋

四色馬卡龍

熱情朱古力慕絲杯

泡芙（原味吉士及朱古力吉士）

新鮮焗製鬆餅配玫瑰草莓醬

新鮮生果

田園沙律

法式鹹批（三文魚及煙肉）

迷你牛角三文治

其實價錢真係唔貴仲好合理，真係可以用個「抵」字嚟形容！我食嘢幾時都話唔怕佢貴最怕佢難食，好似呢碟寛條麵一樣係超出佢價錢應有嘅水準

意式肉丸配鮮製意大利寬條麵 $108

脆皮街式咸豬手 $198

烤美國安格斯西冷牛扒 $198

咸豬手同西冷牛扒都好好食！連芊芊都食唔停口就知道，最後仲Order埋呢杯日本葡萄汁，佢嘅甜唔係落咗好多糖醬嗰種感覺，經理話呢本提子汁真係由日本嗰邊製造運送過嚟，YUMMY

日本葡萄汁 Upgrade +8/+16

之後去到Coco壱番屋(Shop no103)

Coco壱番屋我都食過幾次，所以都幾熟悉佢哋嘅咖喱飯！不過今次可以試到平時好少Order的Snack

紐紋薯條 $18

睇吓呢個芊芊，媽咪唔喺度就肆無忌旦咁勁食熱氣嘢！(媽咪如果你睇到呢個blog嘅時侯已經太遲...哈哈！)

炸咖哩肉餅 $12

呢個炸咖哩肉餅好好味道，唔知就咁行入店外賣得唔得呢？

酥炸籃 $45

特製吉列豬排庵列 $83

豬扒飯類有兩款，呢款係特製的！(當然都會貴少少啦) 由麵包糠炸粉都係自己特製新鮮炸，而且要加埋佢隔離呢支專用醬油先至Perfect

呢碟紅酒牛肉庵列飯食過好幾次，仍然維持水準！不錯

紅酒燴牛肉庵列飯 $73

最後介紹呢碟溫泉蛋雞肉秋葵豆腐咖哩飯，反而有驚喜！雞肉有少少好似平時食個款雞肉棒，有少少雞軟碎骨在肉之間，食落超有層次！

另外你可能以為有秋葵一定好難食，反而配合咖哩汁除掉了那種滑潺潺感覺，可以食落仲健康！

溫泉蛋雞肉秋葵豆腐咖哩飯 $85

喺店外正正就係我哋一陣要睇電影嘅電子大屏幕

屏幕背後的組機幾咁精密！好利害呀(大鄉里出城中...)

仲有咁多部Volkswagen Beetle陪住我哋一齊睇戲！平時冇咩咁嘅機會，一於影番夠本

真係後悔今日只係求其著咗件黑色Polo恤

芊芊就當自己上咗架歡樂天地車玩(小心D呀，整爛咗要賠㗎！)

呢個Pink Girl梗係要揀番幾架Pink Beetle嚟揸啦！

我哋準備上巴士啦！快D上去霸番個靚位先，因為見到幾個大媽帶住成抽小朋友上去...

大會仲安排了一個便當俾我哋可以邊睇邊食！正

有芊芊最鍾意食嘅雞翼同腸仔！

就嚟開始啦，快D坐定定睇，喵！

帶上耳機先！仲有部芭蕉扇俾大家吹涼

呢種汽車影院都係第一次體驗！真係感覺好新鮮

就連平時坐唔定嘅芊芊，都可以坐低睇咗一大半，仲食哂成個便當！我諗佢真係覺得好嘆...

Photo by CANON 5D Mark III, Len | EF 24-70mm f2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 8分

呀劍評語: 一個全新體驗，可以坐喺巴士露天睇住妖怪手錶大電影！就連芊芊平時只係個Disney迷都會坐喺度睇咁耐，仲一邊嘆住餐盒飲橙汁，就知佢幾嘆！(好在今日唔熱...>.<)

PopWalk 天晉滙 簡介

PopWalk天晉滙是新鴻基地產旗下商場，位於香港新界西貢區將軍澳南，是天晉II項目的基座商場，連同鄰近的天晉IIIA、IIIB，以及海天晉，4期基座商場零售面積合共約24萬平方呎。

地點

香港新界東將軍澳唐賢街9號

時間
上午10時至晚上10時

電話
2679 9300

網頁
www.facebook.com/PopWalkHK

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。