【親子好去處】YAHOO「Hilda 熱搜食材 B 餐－親子烹飪教室」by YAHOO熱搜廚神梁雅琳 Hilda @Flavor Works Cooking Studio

多謝YAHOO HK的邀請，今日嚟到YAHOO熱搜廚神梁雅琳 Hilda的親子烹飪教室，學咗幾味親子菜式，原來俾D創意可以令小朋友增加食慾！

今朝同哥哥妹妹練完琴跳完舞，就嚟到銅鑼灣Flavor Works Cooking Studio，見到好多食材已經預備好，因為仲未食晏，真係想快D開始試吓Hilda嘅手勢！

未開始前哥哥拎住我部大機周圍去影，仲捉住Hilda姐姐影番張，估唔到番到嚟我一睇，嘩！影得咁準咁正嘅？唔通咁都有得遺傳！(即係咁...我唔係讚自己)

見佢影得咁靚，即刻俾個機會佢同姐姐影番張相！

廚房好靚好企理！真係五臟俱全咩都齊

今日幾款菜式的材料都喺哂度啦！

第一味係壽司，我即刻心諗「唔係呀嘛！」壽司我駛你教！

但係仔細D一睇原來壽司係彩色㗎喎！嘩，點樣可以攪到D飯5顏6色㗎

原來有D蔬果係好多色素，好似紅菜頭咁！不過最奇怪係藍色點做㗎呢？唔通係藍苺？

原來係加埋少少嘅梳打粉，在場小朋友一邊一邊嘩嘩聲，真係就算唔食得都睇得，相信做咗出嚟後小朋友一定爭住食

呢款四色壽司完成啦！仲加埋大家平時好少食嘅秋葵，因為如果就咁食滑潺潺，小朋友一定唔肯食，但係加埋落去壽司度就真係唔覺唔覺！

哥哥食得好滋味！妹妺嚟嘅途中瞓著咗，所以未有得食...

然後到第二味啦！好嘢！咁快就上甜品

Hilda教我哋自製雪榚，其實真係唔係咁難整㗎喎！雖然同大家平時出邊食開嘅雪糕感覺唔同，但係其實有D似乳酪，而且仲好健康㖭！

呢個時侯芊芊起咗身喇，即刻食番件壽司先，估唔到佢一口氣食咗3-4件！

所有小朋友都好專心咁睇住Hilda姐姐教煮餸，但係可能其實大家係喺度等食....因為佢哋一見到雪糕就已經發哂癲(包括大人都係)

到最後一味餸，係三文魚堡！將三文魚連埋洋葱一齊攪碎，之後揑成小件落去煎！

加埋蕃茄生菜，再用D得意動物造型長纖拮住個三文魚堡，小朋友一定手快快拎起咗先！

Hilda好善於用好多唔同嘅方法及工具，去幫助小朋友建立一個良好的飲食習慣

之後仲有機會自己親自落手下廚！雖然只係某幾個步驟，但係小朋友有得幫手經已好興奮好開心

Photo by CANON 5D Mark III, Len | EF 24-70mm f2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 7分

呀劍評語: 雖然呢個親子烹飪班係睇多過自己落手，但係可以見到廚神，又學到Hilda幾款親子菜式都幾大開眼界！不過最緊要有得食

地點

銅鑼灣富明街2-6號寶明大廈2樓J室Flavor Works Cooking Studio

日期
2016 年 8月20日（星期六）

時間
下午 2:00至4:00

網頁
www.flavor-works.com
www.facebook.com/hildaleungthecook
www.facebook.com/yahoofoodhk

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。