【親子好去處】灣仔麥當勞 McDonald's 小小麥職場體驗日 @港灣道麥當勞分店

職業角色扮演就玩得多，但係有冇做過麥記職員先！今日嚟到McDonald嘅小小麥職場扮陳豪沖咖啡，你話型唔型先！

今次小小麥職場喺全港30間指定分店舉行，「小小麥職場」分別有四個崗位的獨特「職責」包括：(4款顏色代表咗唔同崗位制服嘅顏色)

小小經理：了解餐廳管理，包括檢查食材、實習食品安全程序等

小小咖啡師：製作McCafé飲品

小小推廣代表：學習優質服務之道，在大堂與顧客互動

小小組員：為爸爸媽媽準備食物

今日我哋一早嚟到灣仔港灣道麥當勞坐低食個麥記lunch，職員見到小朋友就即刻上前送個汽球俾哥哥，氹得佢幾開心！

到咗2:30「小小麥職場」開始囉，先著番套型仔制服先！(其實我揀港灣道分店都係因為順路同埋呢度角色係小小咖啡師)

超貼心嘅服務，2-3個人走嚟幫哥哥縛圍裙...有D VIP感覺！Heeee

嘩超型仔！真係唔做得都睇得，我相信如果擺哥哥喺度做生招牌應該都會吸到唔少客

最Surprise係居然見到林嘉欣，原來佢同囡囡都參加咗「小小麥職場」又係同我一樣揀咗港灣道分店扮小小咖啡師

睇見枱上面已經預備一切用具準備落手啦...

不過大家先嚟個大合照同埋去洗洗手

好開心終於可以入到嚟麥當勞㕑房參觀吓...不過我哋入嚟係為咗洗手啫！所以冇特別周圍睇

人哋叫你洗手要洗20秒，呢個哥哥冇咩耐性求求其其洗就算，話佢要洗耐D，跟住反話番我你都係洗幾秒就算啦...冇哂面...！身教真係好重要

幾杯熱泡奶已經預備好，McCafe哥哥即場為我哋示範

McCafe哥哥先教我哋同個模隔開朱古力粉，砌出唔同造型一杯獨特嘅朱古力泡沫鮮奶！

每造出一杯小朋友同家長都在旁呼叫...太誇張了吧～哈哈！

另一個方法係用朱古力漿唧落去，再用纖畫過朱古力漿造出兩串心心圖案

到哥哥落手做啦...希望你唔好太過失禮啦

不過McCafe哥哥太錫佢啦，幾乎都係扶住佢隻手去造...不過唔緊要啦，對小朋友嚟講佢都係覺得係自己造出嚟嘅

第二杯聖誕雪鹿又整得幾靚喎

自己整完都係親自試一試味，呢D咪叫自作自受囉！佢話好苦喎...哈哈

之後未趕得及唧埋朱古力漿，所以轉頭再做過！第二個環節先去練習一下禮儀同客人講「歡迎光臨」

各位小小咖啡師在門口排好隊，姐姐教大家舉起右手齊聲講「歡迎光臨」！呢個動作對呢班咁怕醜嘅小朋友嚟講真係難....

到咗重要環節部份就係要扮收銀員為客人點餐，但係呢個火爆職員服務態度其差呀，可以炒咗佢！應該問我飲咩，佢就叫我飲「冇嘢」；應該叫我坐低等餐，我話冇位，佢叫我坐地下！有片有真相

你都有今日，仲要送餐嚟服務我...但係個餐放低唔夠半秒就同我講要去廁所，結果中途帶呢個咖啡師去小便

番到嚟McCafe哥哥補番同Hysan唧唧朱古力漿畫圖案喺泡沫鮮奶上，人哋幾個哥哥姐姐問佢想畫咩，佢衝口而出話要畫比卡超，即刻全場靜哂！然後McCafe哥哥話不如話精靈球啦，精靈球裡面都有比卡超㗎！跟住極不願意扁哂咀咁接受，笑到旁邊嘅姐姐肚痛

精靈球完成！說好的比卡超呢？要飲到去裡面先會見到㗎...哈哈

最後頒發證書，哥哥成為小小麥職場嘅小小咖啡師，你今日可以改名造陳豪啦！

最後最後一班小小咖啡師在門口俾所有家長影影影...好開心嘅一天(因為見到林嘉欣～)

參與餐廳名單：

餐廳名稱	地址	電話	角色
香港區
山道	香港皇后大道西484-496號地下及閣樓	2540 7710	小小經理
海怡半島	香港鴨脷洲海怡路12A海怡廣場(西翼)205號舖	2580 9762	小小推廣代表
怡和街	香港銅鑼灣怡和街46-54號地下 ( 部分 ) 一樓二樓	2577 8240	小小推廣代表
港灣	香港灣仔港灣道30號新鴻基中心地下G1號店	2511 0948	小小咖啡師
美國銀行中心	香港中環夏愨道12號美國銀行中心地下G7A及G7B(2)號舖	2905 1116	小小組員
柏蕙苑	香港鰂魚涌英皇道1060號柏蕙苑地下C舖舆前舖部分	2880 9603	小小組員
筲箕灣	香港筲箕灣東大街159號東輝大廈一樓二樓及地下	2560 8884	小小組員
九龍區
長沙灣廣場	九龍長沙灣道833號長沙灣廣場二樓286B-289, 291 & 293及三樓325-328號舖	2743 4245	小小經理
鳳德	九龍鑽石山鳳德邨鳳德商場202A號舖	2352 7761	小小經理
欽州街	九龍深水埗欽州街78-86號地下及閣樓	2728 4222	小小推廣代表
海逸豪園	九龍紅墈海逸道8號漁人碼頭UG層30-32號舖位	2774 9631	小小推廣代表
北京道	九龍尖沙咀北京道12號新聲大廈地庫舆地下(部分)	2376 0170	小小推廣代表
恆盛大廈	九龍彌敦道363-373號恆盛大廈地庫高層及地下(部分)	2780 4073	小小咖啡師
鯉魚門廣場	九龍油塘鯉魚門廣場2樓201號舖	3194 0307	小小咖啡師
九龍城廣場	九龍城賈炳達道128號九龍城廣場地下上層UG02B, UG03 & UG05號舖	2718 7673	小小咖啡師
淘大花園商場	九龍牛頭角道77號淘大花園商場第二期地下G246-253號舖	2798 6967	小小咖啡師
嘉業	九龍荔枝角道一號嘉業大廈一樓及地下(部分)	2380 2850	小小組員
秀茂坪村	九龍觀塘秀茂坪邨秀茂坪商地下1號舖	2354 8506	小小組員
新界區
愉翠	新界沙田小瀝源愉翠苑愉翠商場1樓101號舖	2278 0155	小小經理
錦泰	新界馬鞍山錦泰商場一樓102號舖	3124 8656	小小經理
街市街	新界荃灣街市街10-16號地下與一樓	2493 0754	小小經理
厚德	新界將軍澳常寧路2號厚德商場西翼一樓W102號舖	2704 3722	小小經理
朗屏	新界元朗朗屏路1號朗屏邨朗屏商場1樓L116號舖	2450 8700	小小推廣代表
成誠	新界葵涌和宜合道90-114號成誠大廈地下(9&10舖)	2423 2122	小小推廣代表
粉嶺	新界粉嶺上水市地段71號名都商場二樓22號舖	2676 5792	小小咖啡師
天水圍	新界天水圍天瑞商場地下1號鋪	2445 8365	小小咖啡師
安定	新界屯門屯門鄉事會路2A號安定邨H.A.N.D. A區一樓A-144號	2430 7699	小小咖啡師
禾輋	新界沙田德厚街禾輋邨禾輋廣場二樓245-247號舖	2699 8365	小小組員
長發	新界青衣長發邨長發商場四樓405-407號舖	2433 8156	小小組員
山景	新界屯門山景邨山景商場124號舖	2464 1660	小小組員

Photo by CANON 5D Mark III, Len | EF 24-70mm f2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 8分

呀劍評語: 今年首次舉辦嘅小小麥職場，好榮幸有得參與其中，希望將來可以有番開放日直接入廚房製作漢堡飽，邊整邊食啦...哈，如果套制服有得拎埋走真係型到跌渣！

活動日期：

2016年9月25日 (星期日)

活動時間：

提供以下2個時段選擇 (每場參與之小朋友及家長合共最多10人) ：

第一場：下午2時半至4時

第二場：下午4時半至6時

報名日期：2016年8月30日至9月19日 (先到先得，額滿即止)

報名方法：需親臨全港30間參與餐廳索取申請表，並於填妥後交回餐廳。參加者必須以親子組合登記，每組由1名6歲至11歲的小朋友及1名家長或監護人組成。

費用：全免

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。