真係大鄉里出城，昂坪360有咗咁耐，今次都係第一次去！仲可以一搭就搭水晶車廂呀
我哋由東涌港鐵站出發，直上扶手電梯
估唔到售票處對出都有個小賣部，如果邊個頭先喺東薈城食唔夠飽又口痕，就可以喺度買番串燒賣喇
這裡都有部自製紀念幣機，其實入到昂坪巿集都會不時見到
多謝今次昂坪360嘅邀請，可以同家人朋友一齊搭水晶車廂入去巿集玩，今日最主要係去巿集欣賞世界級花繩港隊表演
我哋出發上車啦！GOGOGO!
小朋友超興奮，尤其見到車廂地下係透明玻璃，芊芊一路話自己唔驚唔驚，仲讚自己好叻！
坐玻璃駛乜驚！兩個都唔畏高真係好啦
呀芊你做咩冇咗個鼻...
我自己第一次坐，真係同海浪公園嗰D感覺差好遠！心情超興奮，大人細路都勁開心！
整整搭咗25分鐘，終於到達落車！一落車就有職員向你Sell合照，話說頭先一上纜車就有職員主動同你影合照，然後你一落車就見到佢哋拎住一張張Hard Copy咁叫你買，成$218！
不過我真心覺得好唔環保，唔買嘅相又會掉咗佢...咁每日究竟要掉幾多張？所以我哋回程時就唔肯影了
兩邊站都係一落車逼你穿過精品店
招牌景點，必影！
我哋踏入巿集啦！經過「奪金花繩360」嘅舞台，不過仲未開始，所以我哋先去下一個景點
早一陣子才舉行的花碟活動，今日嚟到仲見到少許裝飾
慳錢老爸唔肯入錢，只叫芊芊用手攪下攪下就算了
沿途有幾張3D畫，哥哥每次都扮得好似，真係有天份！
我居然鼓起勇氣同老婆去影咗呢自由行必影3D相
一場嚟到！點可以只係到此一遊，一於入去睇吓360舞臺會一會李小龍先！
即使係星期六，今日人唔算多！只要開場前5分鐘嚟排隊都入到場，開場後都未滿座
起初仲擔心芊芊見到白髮魔女會好驚嗌住想走, 但估唔到在台上表演的演員都識得攪笑!
行番出嚟本來想睇埋360動感影院，因為最近新增了「小飛蟻大冒險」好啱小朋友睇，不過原來唔係每一場都係，最近嗰場要等多30分鐘，所以就再周圍行多一陣!
呢個360纜車既公仔都幾得意喎! 不過有陣時會覺得佢似杯雪糕~
繼續在附近同其他3D畫影相! 呢張中華白海豚影起上嚟又幾似同得意喎!
先度一度高先! 小朋友一定要足夠100cm先可以入去影院! 真係要睇吓點樣5D
所有人戴上安全帶同3D眼鏡! 坐定定準備開始欣賞電影啦
10分鐘好快過，實在好好睇好刺激! 感覺就似睇VR以第一身主觀鏡頭，跟住小飛蟻飛嚟飛去冒險
除咗3D效果有水花噴出嚟，當小飛蟻走入草叢，座位下會有嘢撩你對腳，仲有嘢頂你個PatPat，好得意呀連我都想睇多次
然後我哋一直行，坐低食埋地道豆腐花同小食後，到大佛前參觀一下便行番去睇今日的重頭戲花繩表演了！
準時2:30正式開始！估唔到香港有一班咁熱血嘅年青人，仲要攞埋世界錦標賽冠軍！
真係超利害！喺度諗如果我後生嘅時侯都可以曾經咁威過就好...
之後仲有工作坊俾小朋友即值參加試跳！估唔到哥哥都可以咁勁(其實係Fing繩嘅教練勁)
雖然唔係完全係哥哥嘅功勞，但係呢個活動俾小朋友增強自信心
好似哥哥咁，本來未出場嗰陣一路話唔得唔得，但係當出去跳完之後再拎埋呢張證書，真係覺得自己威威同埋相信自己原來係做得到
最後我哋搭番360纜車番去東涌lu! 小朋友今次行程都非常開心，其實昂坪真係唔止遊客勝地咁簡單，就算我哋呢D本土都希望下次有機會可以再嚟！
Photo by CANON 5D Mark III, Len | EF 24-70mm f2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評語: 第一次到昂坪巿集就睇到咁精采既表演! 而且覺得跳繩活動真係幾適合小朋友參加, 又可以強身健體又可以學到團隊精神, 希望將來佢哋兩個有興趣學啦
奪金花繩360 簡介
奪金花繩360 簡介
作為香港重要旅遊景點之一，昂坪360一直致力推廣香港本地藝術及運動。踏入今秋，我們邀請到剛於「世界跳繩錦標賽」奪魁的香港代表隊01男團冠軍 (港隊01)，包括世界跳繩冠軍何柱霆和個人花式冠軍周永樂，親臨昂坪市集作奪冠後首次全隊公開表演，讓本地市民及環球賓客一睹來自冠軍隊的速度、耐力與技術！
36660606
網頁
www.np360.com.hk/
奪金花繩360
日期：25/9 星期日
時間：14:30/16:30
地點：昂坪市集廣場
花式跳繩工作坊
日期：25/9
時間：14:45– 15:45
地點：昂坪市集廣場
名額：每日10名，4日合共40名
報名：請到 香港花式跳繩會的官方 Facebook 查閱參加辦法
費用：全免
360舞臺
演出時間（約15分鐘一場）
時間表
平日 12:00 13:30 14:15 15:00 15:45 16:30
週末及公眾假期 12:00 13:30 14:15 15:00 15:45 16:30
360動感影院
演出時間（約10分鐘一場）
時間表
平日 11:00 - 17:00
週末及公眾假期 10:00 - 17:30
電話日期：25/9 星期日
時間：14:30/16:30
地點：昂坪市集廣場
花式跳繩工作坊
日期：25/9
時間：14:45– 15:45
地點：昂坪市集廣場
名額：每日10名，4日合共40名
報名：請到 香港花式跳繩會的官方 Facebook 查閱參加辦法
費用：全免
360舞臺
演出時間（約15分鐘一場）
時間表
平日 12:00 13:30 14:15 15:00 15:45 16:30
週末及公眾假期 12:00 13:30 14:15 15:00 15:45 16:30
360動感影院
演出時間（約10分鐘一場）
時間表
平日 11:00 - 17:00
週末及公眾假期 10:00 - 17:30
36660606
網頁
www.np360.com.hk/
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。