日本嘢你一定食過，但係好食又平又正宗嘅你又食過未，我食過，我真係食過！
今日去咗黃埔玩，玩之前梗係要去醫吓肚，我哋沿路睇吓有咩食，見到有間新開嘅日本嘢
我食完之後同老闆娘傾咗陣，原來佢哋係同日本大阪好出名嘅杵屋合作，喺香港開的店！所以佢哋大部份食材，甚至米都係每日由日本空運到港
媽咪細心揀嘢食！餐牌都做得好靚仔㗎，每款都有圖示，仲有嘢食上到枱都真係同餐牌相一樣，唔會呃人！
等食中...無聊影！
到啦到啦！牛肉飯仲跟埋個酸蘿蔔好好味呀！
濃醇汁煮牛丼 $50
豚肉烏冬 $55
真係唔好睇佢個樣好似無咩特別咁，但係剩係飯同烏冬本身都好好食，飯軟硬適中，烏冬爽彈好咬！
即使唔係天婦羅同壽司，佢側邊嘅小食雞蛋蓮藕等，都極之入味好食
壽司便當 $108
杵屋天蝦卷 $30
Photo by CANON 5D Mark III, Len | EF 24-70mm f/2.8L USM
呀劍評語: 食開日本嘢嘅朋友，我真係冇介紹錯，大家可以去試吓，我食緊嘅時侯眼見一個一個單人入座，我相信好食嘅店先至會有人唔介紹自己一支公都入嚟食！
地址
紅磡黃埔花園第3期地下32-33號舖
營業時間
星期一至日: 11:30-22:00
星期一至日: 11:30-22:00
電話
2409 9962
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。