【親子好去處】九龍塘 HalloVR 感官體驗 Game Booth @又一城 Festival Walk

萬聖節又到！本來一向少玩Halloween活動，不過今次被邀請試玩呢個VR體驗，咁又唔同，仲好有興趣㖭！

今次邀請只係得我同哥哥，因為呢個VR體驗只適合6歲或以上的小朋友參與，所以妹妹跟媽咪有另一個節目

我哋嚟到又一城冰場，又見到呢個Hallow VR Game Booth! 見到左右兩間黑房...哥哥好奇即刻要伸個頭入去望吓攪乜先

先喺場外望吓有咩心理準備先，真係奉勸各位唔嚇得嘅朋友唔好去

我哋初嚟步到，梗係試咗個低Lv嘅遊戲先啦！就係咖啡杯同過山車，帶上眼罩拎住手掣，邊坐過山車邊搶糖果

不過咖啡杯嗰Part又真係玩到有少少頭暈！

跟住之後第2Part會打喪屍，哥哥好鍾意玩，拎住個手掣其實畫面上喺支槍！另外其實房裡面放咗兩個電視仔，可以睇番兩個玩家依家身處咩狀態

玩完之後我哋就離開間房，準備去到隔龍嗰間高層次D，因為哥哥都好想玩，但係我又驚佢唔知會唔會嚇親發惡夢，所以都係等我先試玩，然後再決定俾唔俾佢玩

最後得出嘅結果係...NO! 連我自己都玩到手震震，真係幾恐怖！個故事場景一開始就喺架電梯裡面，然後行入去屋邨走廊，遠處已經見到女鬼企咗喺度，救命呀，之後要跟住手機嘅任務一步一步咁去完成，中途最驚係望入塊鏡度見到我身後面有隻.....

短短地10幾分鐘，好刺激好好玩！但係唔好再攪我，今次就當應咗節啦....拜拜你條尾

Photo by CANON 5D Mark III, Len | EF 24-70mm f2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 9分

呀劍評語: 第一關玩咖啡杯同過山車有少少頭暈離心！之後第二關打喪屍就幾好玩，然後我大大膽咁去挑戰高級驚嚇度VR Game，點知真係有少少怯....頂硬上，邊玩心邊諗「幾時玩完　

HalloVR 感官體驗 簡介

今個萬聖節為大家送上一個虛擬實景鬼屋和虛擬實景萬聖節主題公園體驗。快來挑戰你的膽量！

地點

又一城UG層溜冰場側

活動時間
10月6日至13日

活動時間
12:00-21:00(星期一至五)
10:00-21:00(星期六、日及公眾假期)

費用
入場票價$60 / 探險王通行証$100(包括鬼屋靈異探索及怪異遊樂場)
🎁貼士：溜冰場票尾可有買二送一95折

電話
2844 2222/5500 2342

網頁
www.festivalwalk.com.hk

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。