【親子好去處】黃埔 Play House @Whampoa 聚寶坊

天氣唔好去邊度？Play House就係我哋其中一個最愛嘅選擇，可以俾佢哋放足一個下晝電

今個月23日黃埔站就開通啦，大家以後去Play House黃埔店就可以好方便，一出站行5分鐘就到

第一次嚟黃埔店唔知道同其他分店有咩分別呢？

黃埔分店位於聚寶坊，門外可供放BB車，入場前擺放好多玩具，對小朋友嚟講簡直係天堂

一入場就見到呢個吹氣滑梯彈彈床

呢個芊芊見到咁多小朋友喺度跳就唔敢上去，點都要等其他人走哂先肯上去

黃埔分店有個好出名嘅地標，就係呢架大火車頭啦！

係小朋友都即刻上去扮吓車長敲敲鐘先

只係啱啱開始，剩係門口附近都已經玩咗好耐，幾時先玩到入去其他設施

黃埔店都有2-3個空間提供俾大家開Party，確實係一個好地方，因為細路可以放電，大人就可以喺度慢慢抖吓同其他戰友交流

場內空間寛敞同埋間隔唔會有轉彎位，所以任由小朋友自己去玩都唔會擔心佢哋互相撞碰

佢哋好快就入咗去波波池同迷宮

呢度波波五顏六色影相出嚟都好靚

迷宮雖然得兩層，但係都好多嘢玩！夠哂小朋友跑嚟跑去

中間當然唔少得波波噴射器

玩極都唔走，再跳番入去個波波池！

如果有一日屋企可以大到放得落個波波池就好，但係就算真係有呢一日，我諗都只係留番俾個孫...哈哈

場內仲有好多唔同款式車仔玩，企喺度玩又有，坐喺度玩又有

連騎馬仔都有！

跟住哥哥又走咗去玩足球機，呢度好方便，只需要去Reception問職員攞個波就可以去玩，唔駛擺低按金等做保證。

真係睇都睇佢哋唔住，霎吓眼又唔知佢哋去咗邊，一時玩吓呢樣一時玩吓嗰樣

哥哥最鍾意就係砌Lego，仲要係最大嗰隻，砌咗成度牆出嚟！

呢度仲有攝影套餐同埋服飾造型，大家可以喺呢度玩之餘仲可以同佢哋影番輯靚靚相，最適合係嚟開Party嘅時侯預約埋，咁就真係超開心！

呢度仲有WIFI提供，如果唔想郁嘅虎爸虎媽可以坐埋一邊慢慢玩電話！heee...

當然儲物櫃都會有提供啦，只需$10同$40按金就可以啦！

然後我哋去咗玩氣墊球，芊芊勁咗好多，本來我求其應付住同佢玩，都要攪到我出全力應戰

你睇佢得戚到佢個樣，一推入咗就笑到見牙唔見眼

我居然輸咗俾芊芊....唔知廿年後呢個遊戲會唔會成為奧運項目呢Hahaha...

最後芊芊玩到唔肯放手，居然係呢架手動車，因為佢掟彎掟得好勁，真係好刺激！

呢間Party房冇活動就開放俾大家喺度玩車...一個人都冇，好似包場咁！

港鐵通車後，大家再冇藉口話嚟黃埔好麻煩啦，一於嚟黃埔Play House玩番日啦！

Photo by CANON 5D Mark III, Len | EF 24-70mm f2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 9分

呀劍評語: Play House去過好多，黃埔分店第一次嚟，只要認住個火車頭，就唔會去錯！唯一覺得最特別係空間好大又有好多唔同嘢玩，開Party就真係至啱！

Play House @Whampoa 簡介

全新的 Play House @ Whampoa 位於紅磡黃埔聚寶坊商場，佔地近 8,000 平方呎，以火車為設計主題，場內分為十二個遊戲區包括：候車站大堂、火車玩具店、小人國天地、Play House 黃埔號列車、小火車競賽場、奇趣妙妙屋、列車娛樂區、Play House 黃埔號豪華車廂、火車工程研究院、鐵路迷城、Play House 黃埔號皇室車廂及車站中央花園等。另外，場內有提供免費無線寬頻上網、舒適休閒空間及自助飲品售賣機。

地點

香港九龍紅磡黃埔花園第十一期聚寶坊商場地下G28-31號舖

營業時間
星期一至四（非公眾假期及非特別日子）：上午十時至晚上八時
星期一至五（特別日子）：上午十時至晚上九時
(2016年特別日子包括：11/2-16/2, 29/3-1/4, 11/7-31/8, 23/12-31/12)
(不包括星期六、日及公眾假期)
星期五至日及公眾假期：上午十時至晚上九時

入場費

星期一至五(公眾假期除外)

小童(12歲或以下) + 成人 | 日票: $140(會員$120) [額外成人 +$45]; 黃昏入場票(下午五時半後): $85 [額外成人 +$40]

特別日子

小童(12歲或以下) + 成人 | 日票: $150(會員$135) [額外成人 +$45]; 黃昏入場票(下午五時半後): $95 [額外成人 +$40]

星期六, 日及公眾假期

小童(12歲或以下) + 成人 | 日票: $170(會員$155) [額外成人 +$55]; 黃昏入場票(下午五時半後): $115 [額外成人 +$50]

電話
2330 3567

網頁
http://www.playhouse.com.hk/

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。