【親子好去處】「Pop upon a time」立體書展＠海港城 Harbour City

今日嚟到海港城，無意中發現有一個立體書展，而且仲有個交換圖書的活動，幾得意又幾有意義喎！

交換書場地簡簡單單，書並唔多，但係足夠同小朋友喺呢度嚟個短短的親子閱讀時間

可以打得開的Backdrop! 小朋友好鍾意喺度穿穿插插

童書交換日

用舊書來帶走新歡歡迎在閱讀區內交流與分享童書，並即場交換書本，啟動快樂閱讀Mode！

換書流程

🎈以「一換一」方式換走心儀圖書。

🎈每捐出一本二手書，便可換取換書劵一張。憑一張換書劵可換取場內之二手書籍一本，或捐贈港幣20元正換取場內之二手書籍一本。

🎈所有捐款將全數轉交「香港血癌基金」支持其慈善項目。

日期 | 2016年11月11-13 ; 18-20日 (五、六及日)

時間 | 1pm-7pm

換書守則

✨歡迎任何中文或英文童書。

✨不接受任何包含色情或暴力成分的書本。

✨不接受任何不完整或缺頁的童書。

✨不接受報章雜誌。

✨全新童書，無任歡迎。

佢哋兩個喺呢個環境底下，自自然然就自己搵本鍾意嘅書坐低慢慢睇，其實小朋友都係一張白紙，你只要俾佢咩佢就會全單照收

等我同呢個咁靚嘅佈景裝置影番張相先

場內仲有呢棵聖誕樹造型嘅坐墊，小朋友可以一人佔一角坐低慢慢睇書

唔鍾意坐地下又可以坐喺一張張小圓櫈上

就咁樣充充實實咁又過咗成粒鐘！嗱，唔好話我成日帶佢哋去玩冇時間睇書呀

又話立體書展嘅，其實就喺商場沿路一個一個玻璃櫃裡面展出

剩番今個星期咋，大家快D去海港城行街之餘，再嘆番個親子閱讀時間啦！

Photo by CANON 5D Mark IV, Len | EF 24-70mm f2.8L II USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 9分

呀劍評語: 一個小小的親子閱讀時間，喺大家行行吓街去坐吓或者媽咪去Shopping嘅時侯，爸爸同小朋友喺度睇書就最一流啦！

「Pop upon a time」立體書展簡介
ohmykids 與海港城為大家帶來全港首個立體書展，於神奇的機關裡展現獨特繪本美學，讓我們打開一頁頁披著書皮的雕塑。現場將展出一系列充滿驚喜的立體書，邊睇邊玩，讓親子時間充滿玩味及藝術氛圍 !

地點

海港城海運大廈地下中庭

開放時間
10:00-22:00

Pop upon a time 故事分享
讓孩子近距離感受立體書的神奇魔力故事媽媽Money生動演釋立體繪本故事，為每一頁注入笑聲及活力！歡迎你打開立體書的神秘世界。
日期｜11月13日及20日(日)
時間｜3:00-3:30pm / 4:00-4:30pm (每日共兩節)

立體卡工作坊 DIY
屬於你的立體生物每本立體書都是由人手裝嵌而成，每本都是獨一無二的。立體卡工作坊讓小朋友發揮創意，製作屬於自己的立體卡。
日期 | 2016年11月12及19日(六)
時間 | 2pm-5pm

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。