【親子好去處】綠腳丫 X 煤氣食育學堂讀書會

今日一齊嚟做小㕑師，帶埋哥哥同埋芊芊去到煤氣烹飪中心參加一個食育學堂讀書會，有得扮Cookingmama又有得聽故事！

我哋參加咗嘅時段係晨早10:00，所以快快食過早餐嚟到，對眼仲未打得開好眼瞓！芊芊都眼腫腫好攪笑。

喺烹飪中心外有個小小㕑房造型幾得意

入到去小廚房，各位小朋友先著上小圍裙

大會已為我哋預準食材，今次活動由綠腳丫合辦，所以今次活動費用係免費，我哋只需夾番材料廿蚊就OK了！

兩個留心聽住姨姨講解，一定要注意安全！

首先每個小朋友先去洗乾淨個蕃茄

芊芊去洗車厘茄！一粒一粒咁洗乾淨，平時屋企都有做開嘅佢，一D難度都冇！

哥哥周不時要望吓隔離左右，睇吓人哋點整。喂大哥，把刀唔係咁拎㗎！

芊芊好叻豬！快快就切好車厘茄

那邊廂，姨姨準備緊煮大蕃茄，大家都知咁樣煮一煮，就容易D搣開皮

蕃茄冇咁熱後，小朋友開始將蕃茄切成茄蓉

睇佢哋好專心嘅樣真係覺得好可愛

哥哥好快就切好啦，芊芊就唔俾媽咪幫，係都要話自己嚟，當然我哋就好放心咁俾佢哋自己切，因為佢相比起哥哥，個人仲更小心更安全！

跟住要再用叉壓碎，要變得更爛更爛

自己切完要自己洗番所有工具

跟住姨姨帶每位小朋友去明火煮食爐，要將D茄蓉煮成蕃茄醬

喺等緊其他小朋友嘗試煮蕃茄嘅時侯，我哋就行埋一邊又影吓相！

白飯都預備好啦，再將剛才煮蔇蕃茄蓉倒入去，攪勻之後預備做飯團

然後再將飯放進保鮮紙，用手搓出球狀

嘩！兩個靚靚嘅飯團波波攪掂啦，跟住再放些紫菜同芝士落去裝飾下！

就變成一對好得意嘅甲蟲啦，小朋友見到即刻問「食得未食得未！」

兩兄妹嘅傑作！大功告成

將自己嘅作品拎到另一個房間，慢慢享用！之後仲有義工姨姨講故事俾我哋聽

當然食完都要自己洗番乾淨啦

講故事時間到啦，所有家長小朋友排排坐，細心聽姨姨講故事

一個教小朋友唔可以偏食同時又教家長點應付偏食小朋友嘅故事

講完故事之後，姨姨仲同大家一齊玩咗幾個小遊戲，攪到小朋友都開心到不得了，真係一個好好的親子活動

小朋友做完火車，到佢哋做山㝫，咁多位媽媽做火車啦...

媽媽嗰卡火車幾時到呢。。。

就到啦就到啦！

今次仲唔捉到媽咪

除咗太早之外，真係一個唔錯嘅活動！哈哈...一家好眼瞓嘅樣

Photo by CANON 5D Mark IV, Len | EF 24-70mm f2.8L II USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 10分

呀劍評語: 有得整嘢食又可以食住咁聽故事！真係一個不錯嘅親子活動

地點

銅鑼灣利舞台9樓，煤氣烹飪中心（請由霎東街門口入，乘𨋢上一字樓大堂轉𨋢上9樓）

活動日期及時段
11月20日 A場10:00-12:00

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。