親子室內

【親子好去處】九龍灣 E Cube Club 智游天地 @Megabox

26 Dec, 16

今次嚟到九龍灣Megabox的E Cube Club, 這家以Ming & Friends小巴做主題的室內遊樂場, 一樣咁好玩, 絕對係放電之選!


下晝3點嚟到玩, 一係唔玩一玩就玩到夜晚! 我就陪住兩隻馬騮玩, 俾媽咪去Shopping一下!


門口入面都係有好多精品賣, 實行未入場就先要小朋友扭買玩具!


同Ming & Friends合作的這家E Cube Club, 都有佢哋既精品玩具賣!



我哋先入場戴番條手帶先! 兩個已經急不及待跑去除鞋入場




場地佔近11,000呎, 絕對夠小朋友周圍跑, 佢哋一支箭就跑入去彈床波波池範圍, 我追都追唔到


同樣設有儲物櫃, 租金$10, 按金$100



這邊屬於較細小朋友玩(大約2-3歲), 不過哥哥咁大個其實都啱玩, 佢一於少理照入去玩


原來玻璃窗望落去見到溜冰場, 可以睇吓人溜冰都幾好!


彈床分為2-3歲及4-12歲小朋友玩, 以免產生危險


不過我都係叫芊芊去2-3歲嗰邊, 因為同11-12歲一齊跳都仲係好危險, 總之小朋友跳緊嗰陣就最好陪喺隔離




旁邊有個迷你波波池, 啱哂BB玩, 但係哥哥唔理咁多, 見冇人玩緊都跳落去沖個靚涼先




呢度用咗抗菌波波, 所以唔怕糟! 不過話雖如此, 間舖開咗一朝已經污糟哂, 都係唔好學我個女咁放喺眼度...



仲有個軟墊區, 兩個封咗個窿霸住個地盤







好多小朋友最鍾意係玩呢隻碗, 瞓落去碌嚟碌去係幾好玩既!



之後兩個跑咗去Ming小巴充氣彈床上面跳嚟跳去










佢兩個係咁要避開我個相機，所以跑嚟跑去左走右走...呢個彈彈小巴最多只可容納5個人，太多人喺上面彈都會有少少危險㗎(尤其係3歲同12歲同場跳)，所以大人都係睇實自己小朋友


唔少得嘅梗係呢個迷宮啦！有3層咁高，小朋友上咗去都唔知佢匿咗去邊，大人上去就辛苦少少，媽咪們都勉強可以上到去！









最好玩莫過於呢條瀡滑梯，兩個彎位都幾刺激㗎


終於見到佢哋兩個嘅踪影...


我發現有個嬸嬸長期都喺迷宮裡面清潔，間唔時玩玩吓就會見到佢出現！好攪笑



見到佢哋兩個玩得咁開心，自己真係好想玩埋一份！好可惜自己實在太大舊上唔到去








喺瀡滑梯嘅下底原來都有得玩，佢哋兩個發現咗呢度之後就停留喺度玩咗好耐，兩個喺度幻想呢個係鱷魚潭，叫我扮鱷魚，跟住哥哥要救妹妹爬上去...當我呢隻鱷魚捉到芊芊隻腳，兩個就已經笑到不得了





連接住迷宮仲有個小小的波波池






呢個發明真係一流，又引到小朋友過去放波入去，又可以將波引上去俾其他小朋友用槍射




佢哋兩個咁鍾意瞓波波池，其實如果屋企張床係張波波池床，唔知會點呢？





場內另一邊係一個小車場同埋砌Lego嘅地方



梳化邊仲放咗好多親子雜誌俾家長睇，真係唔怕悶親！而且仲有WIFI提供，真係冇藉口話冇嘢做，如果提供埋免費叉電就更好





離遠見到呢架有型有款嘅車即刻跳上去，點知原來只係用嚟影相冇得玩



呢度提供咗好多款唔同嘅車俾小朋友任玩！










佢哋最鍾意就係咁玩，芊芊坐喺後邊超嘆！




芊芊「哥哥唔好咁快....哈哈！」




氣墊球唔少得啦，次次嚟親室內遊樂場都一定要玩




每次玩要俾$50按金去借餅同推盤，如果多人嘅時侯只可以玩15分鐘






哥哥開始就不停贏，攪到妹妹玩到發哂脾氣，跟住我叫哥哥讓吓妹妹，估唔到哥哥之後就不停輸番哂俾妹妹，氹到妹妹超興奮！呢個哥哥今日真係做得幾好







同其他場唔同，呢度有個小賣部，玩到攰可以喺度補給一下



雖然唔係咩大餐飯意粉嗰D，但係都有魚蛋燒賣雞蛋仔等小食，價錢都唔屬正常唔算貴





其實小食都啱，因為佢哋都已經趕住快D食完出去再玩過，難為我呢個老爸冇得食仲要跟住佢哋周圍跑




最尾都終於肯靜一靜落嚟唔駛我跟出跟入喺度玩Lego


佢哋又幾有創意喎，當Lego係地磚咁舖地


又舖得幾靚喎！真係幾啱啱好...哈哈


仲拎住舊磚頭喺度扮講電話，真係冇佢哋修...





但係其實都真係幾似㗎喎！Hahaha




點解佢哋兩個可以咁專心，乜真係有嘢睇？佢哋幻想力真係咁高




Photo by CANON 5D Mark IV, Len | EF 24-70mm f2.8L II USM

想跟我去體驗其他活動，快D報名親子團，同埋留意專頁公佈詳情啦！

呀劍評分: 9分


呀劍評語: 室內遊樂場去過咁多，同iSquare個場一樣有好多車玩，而且俾車行既地方會大D,另外裡面有小賣部, 玩到攰食嘢都好方便!

E Cube Club 智游天地 簡介
全港最大的室內兒童遊樂場，佔地近11,000平方呎，集遊戲、教育及家庭樂於一身，可同時容納約400人。智游天地不僅採用「抗菌波波池」，場內還設置多個創新遊戲區，並不時舉辦主題派對及多元化的兒童課程，啓發孩子的創意。


地點
九龍灣宏照道38號，MegaBox 12樓1號舖

營業時間
星期一至四：11:00-20:00
星期五至日及公眾假期或特別日子：10:00-21:00

入場費
星期一至五(公眾假期除外)
小童(12歲或以下) + 成人  |  日票: $140(會員$125) [額外成人 +$45]; 黃昏入場票(下午六時後): $120(會員$95)  [額外成人 +$45]

特別日子(詳情參閱官方網頁)


小童(12歲或以下) + 成人  |  日票: $150(會員$135) [額外成人 +$45]; 黃昏入場票(下午六時後): $130(會員$105)  [額外成人 +$45]


星期六, 日及公眾假期


小童(12歲或以下) + 成人  |  日票: $180(會員$165) [額外成人 +$45]; 黃昏入場票(下午六時後): $140(會員$125)  [額外成人 +$45]

電話
2151 9761

網頁
http://www.e3club.com.hk/

(以上資料更新至文章當日)


Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

搜尋

標記

近期文章

文章分類

分區活動

舊文重溫

RELATED POST