美國冒險樂園全新企劃「都巿小農夫」，今日有機會嚟體驗一下，先至發現原來除咗波波池瀡滑梯，可以咁樣玩！快D齊齊嚟做個小農夫啦！
我哋整完Cup Cake跟住就過去另一邊體驗美國冒險樂園的全新課程「都巿小農夫」，估唔到唔駛到戶外都可以做一個小農夫
一入到去就俾成個綠色環境包圍住，未開始玩已經感覺好舒服好自在
裡面放了許多好靚嘅盆景，諗起一陣間我哋都會有機會製作一個拎番屋企就好開心
成個課程分為3個階段，每一堂結束都可以得到一個襟章，完成課程後仲可以得到「都市小農夫」畢業証書。
第1堂：清潔種子及播種、顯微鏡觀察種子、參觀水耕種植設置
第2堂(第1堂後，約7天左右)：顯微鏡觀察葉子及根部、育苗、學習 EC 、pH及PPFD
第3堂(第2堂後，約21天左右)：觀察已成長植物根部、光對植物影響、畢業禮、移植植物到盆景
因為我哋學嘅係水耕種植，所以要到另外一個房間進行，而且必須要進行整潔消毒無菌狀態進行！大人小朋友先要穿著鞋套，洗好手，再進入吹風系統先可以進入水耕種植實驗室
每個小朋友入到先會派發圍裙同埋護照，記住每一堂番嚟要帶番嚟Check-in同埋蓋印
哥哥妹妹兩個一入到嚟實驗室見到成枱都係工具就好奇拎上手乜都睇吓
房間內有著各樣先進設備，起初以為只供小朋友甚麼職業角色扮演唔會咁認真，今次真係大開眼界
第一堂先讓小朋友透過儀器近距離放大觀察種子，教導小朋友使用顯微鏡，提升觀察力及探索能力
然後導師姐姐開始講解及讓小朋友嘗試種植，佢哋兩個平時有咁留心聽書就好囉>.<
每個小朋友獲發10粒小種子進行種植實驗，呢個過程叫做喚醒種子「春化作用」，先將種子浸泡，然後倒進試管內，再用橡筋箍住試管
7天過後的第2堂，應該會見到自己的種子會生出苗來！
然後戴上手套可以學習育苗，原來將幼苗插進預備好的方型海綿，再放進器儀照紫外光燈便可以了(當然仲有好多其他細節我唔識啦！哈哈)
哥哥小心翼翼慢慢將幼苗夾起插進海綿
然後放進這個格格培植盆裡，霸番個地盤插番自己個名牌，如果唔係幾個禮拜後番嚟再睇就唔認得自己養大棵幼苗啦
去到第3堂(大概21天之後)，小朋友就去觀察已成長植物的根部，真係親眼睇住自己一手一腳種植培育的幼苗成長，唔知佢哋見到自己養大嘅植物係咩心情呢？
剛才插進海綿的小幼苗，幾星期後就大概會變成這樣！
呢一層的植物都係較早前小朋友努力的成果
嘩嘩嘩！水耕種植出嚟嘅植物真係好乾淨好靚！
植物全部長出了根部
這些是已經過多個星期成長後的根部
原來在這個角度都可以影到張咁靚嘅相，今日小朋友們都上了寶貴一課，原來種嘢唔一定要用泥！
完成整個課程會有小小畢業禮，每個小朋友都會得到襟章同埋證書，芊芊呆呆的接受頒獎
辛苦哂導師姐姐啦！嚟張大合照先
其實每完成一堂，都會得到印章並印在護照內
最後一個環節就係將自己
完成哂種植課程後，我哋再玩埋DIY盆景製作，場內設有團體或包場優惠，不過留意如果要包場一定要有16人或以上
首先職員姐姐派小朋友一張「點心紙」選擇自己喜愛的玻璃瓶、植物、公仔及裝飾沙！
今次真係知咩叫花多眼亂啦！連大人睇見都好開心，爭住叫呀囝呀囡揀呢個揀嗰個
真係好似去飲茶咁，頭先Tick嗰張點心紙，職員姐姐轉頭就將所有材料及用具送上
先將陶瓷粒放在盆底
然後加上泥
再將剛才揀的植物插入泥土
一邊整嘅時侯會好容易將泥土黏在植物上，所以要用工具將泥土掃番落嚟
芊芊你倒得太多了吧...
這個盆景製作真係好適合小朋友，一來冇咩難度，二來俾佢哋全神貫注咁去做一件事
芊芊「我嘅作品大功告成啦！」
都唔錯喎！相信俾小朋友自己一個好大嘅滿足感
快D帶自己小朋友嚟美國冒險樂園嘅「都巿小農夫」體驗一下啦
Photo by CANON 5D Mark IV, Len | EF 24-70mm f2.8L II USM
呀劍評分: 10分
呀劍評語: 唔駛日曬雨淋都可以體驗做小農夫，認識水耕種植，等小朋友學識愛護植物，既有意義又係一個唔錯嘅親子樂，$300三堂好抵玩！
都巿小農夫 簡介
「都市小農夫」是美國冒險樂園與外國生物科技團隊合作，將一套解決未來蔬菜供應需求之生物技術轉移到種植觀賞類植物上。 整個體驗與農莊種植不同，由我們特有的高發芽率種籽開始，用專業生物科技壓縮生長週期，令植物生長由4個月縮減至1個多月，又因為植物在全面監控空間種植；「小農夫」能短期內見證植物每個階段的成長形態。 活動中更加入多個有趣小遊戲包括: 神奇變色液、尋找植物的種子及植物與我的指紋等，令「小農夫」更易了解植物生長背後的科學原理。
地址
黃埔花園十一期聚寶坊地庫
開放時間
星期日至四 08:00-22:00
星期五至六 08:00-22:30
收費
種植體驗課程
共3堂(會員優惠價：$300)
DIY盆景製作(毋需預約)
Package A $168 (會員優惠價 $138) 指定款式玻璃瓶1個；植物1株；公仔2款；裝飾沙1款
Package B $208 (會員優惠價 $178) 指定款式玻璃瓶1個；植物2株；公仔3款；裝飾沙2款
Package C $308 (會員優惠價 $278) 指定款式玻璃瓶1個；植物4株；公仔4款；裝飾沙3款
Package D $488 (會員優惠價 $458) 指定款式玻璃瓶1個；植物6株；公仔6款；裝飾沙4款
(以上已包括所需泥，並附送澆水工具)
星期五至六 08:00-22:30
收費
種植體驗課程
共3堂(會員優惠價：$300)
DIY盆景製作(毋需預約)
Package A $168 (會員優惠價 $138) 指定款式玻璃瓶1個；植物1株；公仔2款；裝飾沙1款
Package B $208 (會員優惠價 $178) 指定款式玻璃瓶1個；植物2株；公仔3款；裝飾沙2款
Package C $308 (會員優惠價 $278) 指定款式玻璃瓶1個；植物4株；公仔4款；裝飾沙3款
Package D $488 (會員優惠價 $458) 指定款式玻璃瓶1個；植物6株；公仔6款；裝飾沙4款
(以上已包括所需泥，並附送澆水工具)
交通
港鐵黃埔站C1出口，步行3分鐘
2362 3855
網頁
www.jumpingym.com
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。