【親子好去處】美國冒險樂園(黃埔旗艦店) 彈跳迷宮+機動遊戲 JPG Maze @JUMPIN GYM USA

全港最大嘅美國冒險樂園(黃埔旗艦店)，彈跳迷宮一定唔少得，但係估唔到連大人都玩得。仲有最估唔到嘅，居然連機動遊戲都有，好似去咗海馬公園咁！

上一站>>CLICK HERE!

【親子好去處】美國冒險樂園(黃埔旗艦店) 都巿小農夫 JP Garden @JUMPIN GYM USA

居高臨下望落去成個場，真係超級無敵大！忍唔住要跑落去玩番幾手。

我哋先去彈跳迷宮玩番一陣，如果喺度參加生日會或者參與烘焙教室的，都可以全日任玩這個迷宮

最估唔到係呢個迷宮竟然係連大人都可以輕輕鬆鬆走入去玩，又可以好好咁看住小朋友

場裡面除咗迷宮之外，呢個波波池＋射波場最吸引，因為佢每把槍都係對住對面個槍手，一邊入波一邊近距離射人真係幾刺激幾好玩

呢個迷宮底層都好闊敞，小朋友跑嚟跑去嗰陣唔驚有暗位轉角互撞

每一層樓底都好高，足夠一個大人走埋入去玩

當然瀡滑梯大人就最好唔好玩啦，一瀡落嚟好易撞到其他小朋友

如果要看住小朋友嘅大人就辛苦D，因為佢一瀡嘅時侯你要即刻跑落去下一層睇住佢，哈哈！

就係好似佢哋呢D八卦小朋友，要喺下面裝番上去，如果一陣係個大肥仔瀡落嚟實撞死佢哋

場的另一邊有個小型波波池，用嘅波都係射波場嗰D綿綿波，5顏6色好靚影相一流

嚟扮個鹹蛋超人先！

同J-plus個場一樣，有呢顆旋轉椰樹，小朋友玩嘅時侯記住要小心

呢個貌似做GYM嘅單車都係第一次見，3個小朋友一齊踩推動整個轉盤

另外一種玩法，大家可以去買呢個抵玩套票，有5張代用券自由配搭想玩的機動遊戲

今日嚟個跳樓機壞咗冇得玩有D可惜！

嘩...不過唔緊要，都仲有其他機動遊戲，真係估唔到係美國冒險樂園都可以有機動遊戲玩

企喺下面睇人玩好似冇咩嘢咁，原來都真係好驚㗎，離心力都好勁！

但係佢哋兩個玩過反尋味，一D都唔驚...即刻覺得自己又老了，玩唔起！

呢個火車頭就啱我玩啦，左右搖下搖下好寫意

哥哥大個仔可以自己坐一架

我同芊芊有得坐車頭好開心呀(因為都係按排隊先後次序揀車架位置)，嚟番張Selfie先！

唔好以為得中環先有摩天輪坐，不過身高唔夠80cm就唔坐得

年紀大受唔住咁多刺激，玩咗咁多機動遊戲都係玩番D貼地嘅遊戲先

我哋唱咗D金幣去推吓鑽石，今次就冇上次咁好彩啦，推極都只係跌D細細鑽石，大大隻嘅我哋推唔中，芊芊有少少失望呵！不過都好等佢學吓唔係一定事事順利

之後就去咗掉彩虹同玩其他唔同嘅遊戲渡過咗個開心下午

最後我哋雖然唔係玩咗好耐，但係某D遊戲都總有少少飛彈出嚟，我哋就去換領處睇吓有冇禮品可以夠飛換到

Check完飛之後就喺度撳張籌同去睇吓有咩換等叫飛號

最後我哋只係換到兩包QQ糖，哈哈！兩個小朋友都超開心了

Photo by CANON 5D Mark IV, Len | EF 24-70mm f2.8L II USM

呀劍評分: 10分

呀劍評語: 所以話搶唔到40蚊飛有幾閒，去美國冒險樂園都一樣有得玩機動遊戲！

美國冒險樂園(黃埔旗艦店) 簡介

美國冒險樂園黃埔旗艦店經多月裝修後，剛以一個清新的城市綠洲面貌示人。在總面積3萬多呎的店內，可找到3個娛樂結合教育的體驗館，包括都市小農夫、Misulo韓國幼兒探索課程及烘焙教室外，還有擴大了佔地3分之1的升級巨無霸迷宮，以及增至7項的大型機動遊戲。

地址

黃埔花園十一期聚寶坊地庫

收費
$140 5張代用券(5款機動遊戲及彈跳迷宮)自由配搭
非會員 $2 一枚代幣

交通

港鐵黃埔站C1出口，步行3分鐘

電話
2362 3855

網頁
www.jumpingym.com

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。