【親子好去處】灣仔環境資源中心 Environmental Resource Centre

係咪以為係香港歷史博物館？文化博物館？錯錯錯...呢度係環境資源中心！館內細細都幾多嘢睇㗎喎！

仲記得中學時代已經成日見到呢座嘢但係重來都冇入過去睇，估唔到今時今日牛高馬大，竟然係帶住個囡嚟灣仔呢度玩

就係灣仔峽道隔離，同埋胡忠大廈合和中心附近

一九一三年已經建造好，仲曾經被用作為郵政局，直至一九九零年被定為歷史建築，翻新後就變為今日嘅環境資源中心，又叫「環保軒」

裡面有個互動學習室，仲有大家可能估唔到，呢度逢星期日都有兩場工作坊㗎，可以同小朋友一齊做D有關環保嘅小手作

呢個郵箱影相位真係好靚

大家估唔估到呢兩個字係咩呢？

仲有個圖書資料庫可以俾人喺度睇吓書夏天可以涼吓冷氣

枱上面仲放咗兩幅好得意嘅小遊戲，我同呀芊都坐喺度玩咗陣，都幾好玩㗎喎！

呢個係過三關，但係一個全新玩法，分別係黃色同綠色對壘，但係又有先後次序，要順住1-2-3咁樣放，當放完第3塊棋之後又未贏的話，就要拎番第1塊去繼續玩，都幾考腦筋㗎！

仲有呢幅用手指玩嘅扭扭樂！

之後又教下芊芊認識循環再用標誌(其實連我都唔知原來有分級別)

仲有一個小小的模型！又做得幾似喎

館內都有幾多得意影相位

仲有幾副砌圖任你玩

今年新年收到嘅利是封，我可以跟佢試吓咁做先！

Photo by CANON 5D Mark IV, Len | EF 24-70mm f2.8L II USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 7分

呀劍評語: 館細細，但係裡面都有D影相位同埋小小嘢玩，相信行開行埋入去打個轉都不錯，如果撞正夏日火火，入嚟涼個冷氣睇吓書就實加多D分

環境資源中心 簡介

灣仔環境資源中心所屬建築物建於一九一三年。在一九一五至一九九二年間，這座建築物被用作為灣仔郵政局，並於一九九零年宣布為歷史建築。這座建築物經翻新後，於一九九三年成為環境保護署第一間環境資源中心，又名「環保軒」。中心的設立，是香港政府致力建立一個關注環境和對環境保護有充分認識的社會其中一環工作，因為這是提高巿民環保操守的首要步驟。

地址

香港灣仔皇后大道東221號

交通

灣仔郵局舊址，由灣仔港鐵站A3出口往皇后大道東方向步行可到。

開放時間
星期一、三至日：上午十時至下午五時
星期二、公眾假期、農曆年初一及初二：休息

免費入場

(1)參觀活動:
中心開放給各界人士免費參觀。學校或社區團體可經預約，於參觀時由中心職員提供講解服務。

(2)工作坊:
《手工樂趣坊》以減少廢物「四用原則」中「物盡其用」的概念為主題。中心職員示範如何發掘都市常見廢物的價值，如把利是封、包裝紙或廢膠樽等變成裝飾品或玩具，將環保概念化成行動。
活動日期: 逢星期日
活動時間: 上午10:30至下午12:30及下午2:30至4:30
《午間工作坊》開放予公眾於午膳時間認識不同的環境議題。

查詢電話
2893 2856

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。