人人都希望自己的小朋友大個可以做醫生律師，我就諗哥哥千祈唔好俾佢做到，一陣漏咗把刀喺人哋個肚度就慘...(講笑啫)最好就做牙醫啦，好似冇咁大壓力又好搵D。但係芊芊唔知又有冇興趣呢？等我帶佢去醫學博物館，睇佢對邊樣野有興趣先
我哋由上環A2出口一直向山頂方向行，去到荷里活道轉入四方街(當然有好多唔同方法行上嚟，不過我覺得呢條路最少人最舒服又唔駛行樓梯) 如果喺中環出發搭上至半山扶手電梯，至堅道轉右行10-15分鐘就會見到樓梯街，向下行幾級就會見到醫學博物館㗎啦！
講咗一大輪點去之後，我哋就行入去啦！入去呢層屬地下層，向上有一樓及向下有地庫總共3層展覽。俾咗入場費後，先拎咗副3D眼鏡入嚟呢個人體結構展區
呀芊見到呢D人體橫切面都完全唔知係咩嚟，只係當公仔咁睇，哈～～
佢最鍾意嘅就係骷髏骨頭囉！
大家其實都可以下載導賞團報名表格，申請不同主題的導賞團
呢度有個小小紙板模型，人仔當然好漫畫化啦，但係棟醫學博物館像真度又幾高喎！哈(邊個放咗隻貓喺屋頂咁攪笑)
轉個彎嚟到呢個小Corner居然有個得俾小朋友畫吓拼圖
仲記得SARS嗎？相信我哋每一個都唔會唔記得！當年每個醫護人員就係要著住呢套裝備，仲要記住「洗手、洗手同埋洗手」
想認識流感就要嚟呢度啦，想唔想知"H5N1"個"H"點解？咩係"N"呢？
相信若果參加咗導賞團應該會先喺這個房間做開場介紹！
番出嚟接待處可以見到有好多精品可以選購
沿住古式樓梯行上一樓
一樓展廳講述助產服務的轉變，當媽媽睇見助產的工具真係心都慌埋，好似生仔真係女人嘅惡夢咁喎...
隔離有個實驗室，芊芊見到呢兩個古裝打扮的人型公仔就嚇親，死都唔敢行入去！
這展廳介紹香港當年的鼠疫，幸好當時我都未出世！
芊芊見到呢對以為係BB腳，其實真係諗唔明點解當年紮腳會係一種「美」？
呢個磅都真係仲用得喎，芊芊上磅磅出嚟都幾準喎！
整座博物館小朋友可以拎呢份「童心看醫學博物館」，在館內指定地方蓋上印章，全館總共有4個，大家嚟到嘅時侯就仔細去搵一搵啦
最後我哋落到去低層展覽廳
呢個係舊陣時嘅矯型裝備
我諗無媽媽想見到呢張助產床
「天花」唔係解天花板呀，呢個「天花」亦都係當年既疫病，個個聽到呢兩個字都會好驚。到咗18世紀後，牛痘用作免疫接種以預防高傳染性的天花，也是免疫接種的首度成功案例。反而我覺得最勁嘅係發現呢個方法嘅人！
芊芊又以為醫生幫佢生牛BB，一係又話以為有牛扒食！
原來呢個係驗眼嘅設備！
見到呢個牙醫佈局都真係腳震，仲記得細個牙科保健要洗牙真係痛過生仔(誇張咗)，但係最近聽番呀仔講佢小一牙科保健，話牙醫咩都冇幫佢做過，只係問佢幾條簡單問題就走得喎...
中藥都係醫學上的好重要部份，今時今日都越嚟越多人開始服用中藥過於西藥。
在館外仲有個小小的中醫藥草園
拎住頭先在館內蓋的印章出嚟門口影番張靚相先！
Photo by CANON 5D Mark III, Len | EF 24-70mm f/2.8L USM
呀劍評語: 可能太過醫學性，所以未係咁適合小朋友嚟！如果館內可以多一些互動或遊戲會介紹歷史，這樣會較為活學活用！
醫學博物館 簡介
香港醫學博物館於1996年由香港醫學博物館學會成立，是一所獨立自資營運開放予公眾參觀的博物館。博物館所在的建築物是舊病理檢驗所，是香港法定古蹟之一，香港政府以特惠方式租予香港醫學博物館學會。
開放時間
星期二至星期六 早上10時至下午5時
星期日及公眾假期 下午1時至5時
星期一、聖誕日、元旦、及農曆年初一至三 休息
聖誕日前夕及農曆年前夕 上午10時至下午3時
*專題展覽舉辦期間，博物館或會延長開放時間。查詢：(852) 2549 5123
入場費
成人 HK$20
全日制學生、六十歲或以上長者、殘疾人士及六歲以下小童 HK$10
家庭套票 (包括兩位成人及最多三名兒童) HK$50
*團體參觀人數如超過15人，入場費可享有七折優惠。申請者必須於參觀日前最少四星期遞交申請。
地址
香港上環半山堅巷2號(博物館鄰近堅道及樓梯街交界)
香港醫學博物館於1996年由香港醫學博物館學會成立，是一所獨立自資營運開放予公眾參觀的博物館。博物館所在的建築物是舊病理檢驗所，是香港法定古蹟之一，香港政府以特惠方式租予香港醫學博物館學會。
開放時間
星期二至星期六 早上10時至下午5時
星期日及公眾假期 下午1時至5時
星期一、聖誕日、元旦、及農曆年初一至三 休息
聖誕日前夕及農曆年前夕 上午10時至下午3時
*專題展覽舉辦期間，博物館或會延長開放時間。查詢：(852) 2549 5123
入場費
成人 HK$20
全日制學生、六十歲或以上長者、殘疾人士及六歲以下小童 HK$10
家庭套票 (包括兩位成人及最多三名兒童) HK$50
*團體參觀人數如超過15人，入場費可享有七折優惠。申請者必須於參觀日前最少四星期遞交申請。
地址
香港上環半山堅巷2號(博物館鄰近堅道及樓梯街交界)
(以上資料更新至文章當日)
Facebook專頁: 呀劍萬帥 kimfamilytravel
Blog網誌 : kimfamilytravel.blogspot.hk
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。