【親子好去處】LEGO® 迪士尼《美女與野獸》展覽 @朗豪坊

我家兩個妙麗小粉絲，知道佢有新戲《美女與野獸》就興奮到不得了，所以朗豪坊近期有個《美女與野獸》LEGO展覽，我哋就走過去行行街影影相打打卡!

未入到朗豪坊前，就在附近的鑽石店廚窗睇見《美女與野獸》水晶，朵紅玫瑰真係好靚!

跟住上到去朗豪坊4樓，我周圍望都見唔到個展覽，最後發現原來個展覽唔係好大

先同呢個用LEGO砌出嚟"BEAUTY AND THE BEAST"招牌影相先!

守在門口的這座巨大城堡，就係故事裡面野獸所住的! 遠睇一D都唔似係LEGO砌出! 估唔到可以逐粒積小成多咁砌出嚟!

跟住我哋就梗係搵吓兩位LEGO主角係邊先啦!

識睇一定係咁睇，大家都要仔細D咁睇，如果唔係可能大家會錯過甚麼! 可能每一個故事情節就在大家眼前

故事中的紅玫瑰! 大家還記得嗎?

如果仲有茶壼姨姨同仔仔，及其他角色就好了...

既然唔係太多嘢睇! 我哋就自己搵樂趣，我同哥哥一齊鬥快搵所有LEGO玫瑰花，同埋搵所有貝兒同野獸的LEGO版

估唔到仲有Anna Elsa同場!

其實大家覺得貝兒同野獸既LEGO版似唔似呢?

當然唔少得係POPUP Store啦! 所有粉絲又要大出血喇!

兩個粉絲爭住要同呢個紙版妙麗影相!(雖然今次叫貝兒，但係佢哋都改唔到口)

Photo by CANON 5D Mark III, Len | EF 24-70mm f/2.8L USM

呀劍評分: 7分

呀劍評語: 真係比想像中少嘢睇! 本來仲以為有個幾層樓高既城堡，同埋好大隻妙麗....唔係，係好大隻Beauty & the Beast，點知真係10分鐘唔駛就睇哂!

LEGO® 迪士尼《美女與野獸》展覽 簡介

萬眾期待的迪士尼真人版電影《美女與野獸》在3月中上映。朗豪坊邀請得英國樂高®藝術家【LEGO® Brick Artist】 Kevin Hall，於亞洲首次展出以50萬塊LEGO®顆粒拼砌而成、高達2.2米的LEGO®．《美女與野獸》城堡，邀請大家一同投入貝兒與野獸的浪漫情境。

此外，如果在該店消費滿800元，即可取得由Kevin設計的「LEGO魔法玫瑰」(限定400套)。

地址

旺角朗豪坊4樓通天廣場

日期
即日起至31/3

時間
11：00am-11：00pm

電話

3520 2800

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。