Angry Birds可以話係大人細路都鍾意，相信冇人未玩過卦! 由打機到卡通再到3D電影，今日喺香港終於有屬於Angry Birds的主題遊樂場! 4月的Soft Open至今天終於正式開幕啦!
兩個小朋友對愉景新城一D都唔陌生，好似去慣去熟自己地頭咁!
Angry Birds Play Center 位於L1的童趣森林
有多個不同遊戲設施，全部設於 Angry Birds Play Center 周圍附近，最先見到的就是兩座高約3米的「越野障礙滑梯」與「堡壘彈床」
大家可以先到售票處登記，於探索基地付款後再返回 Angry Birds Play Center 領取遊戲券去玩
Angry Birds Play Center 已經見到兩個主題遊戲「彈射大激鬥」及「動感射擊場」，好心急好想快D開始玩!
芊芊有得跳彈床就特別開心，唔知點解自小就好鍾意跳，屋企張大床都俾佢跳到扁哂!
然後再玩玩隔離的「越野障礙滑梯」，這個適合身高100-130cm，哥哥就可以放心玩啦!
芊芊啱啱好100cm，所以兩個都玩得，哈哈~~
這個2米多高的吹氣滑梯真係超好玩，令佢哋兩個來來回回玩咗十幾廿轉，就算商場有冷氣都玩到佢哋兩個成身汗
吹氣梯中間仲有個小山洞可以俾小朋友玩捉! 職員會限制入場人數，所以爸爸媽媽可以放心俾小朋友追追逐逐!
妹妹一路都追唔到哥哥...呢個哥哥幾時先可以扮吓傻讓吓妹妹俾佢追到呢? >.<
就係咁追嚟追去彈嚟彈去，好快就過咗8分鐘
本來打算一次過去玩埋 Angry Birds 樹林彈床，但係佢哋兩個都話冇力(居然)...要抖一抖
所以我哋去咗玩「閃光波波池」(心諗咪又係咁攰)
呢個波波池係在一間黑房裡面，放著好多個好大的閃燈波波! 只要拍一拍個波就會閃燈
芊芊玩得超開心，我同哥哥將全部波波都掉向佢! 全部波一齊閃起上嚟真係好靚
芊芊選揀匿埋以為我哋搵唔到佢! 笑死我
唔係全部波都係白色架! 有好多個都係透明，睇你匿得去邊!
玩完閃燈波波池，終於嚟到戲肉，就係玩丫叉啦，可以直實彈隻 Angry Birds 出去射豬啦
每局都有一籃 Angry Birds 紅色愤怒鳥同黑色炸弹鳥兩款，每個位置亦有計分器，電腦系統會識別到來自那個丫叉彈出的雀，若果射中小兵猪就會有分加
大家可能會驚有危險，小朋友會彈親自己或者點，其實可以放心，好似哥哥咁拉到咁盡都唔會有事
彈到一地都係雀
如果以命中率嚟講，彈紅色憤怒鳥會機會會大D，因為佢夠哂大隻
其實真係幾好玩囉！哈
連媽咪都要玩埋一份
相信各位小朋友嚟到彈 Angry Birds 一定會超開心
兩位老細駛唔駛咁肉緊，個樣真係夠哂 Angry 喎！
彈完一輪我哋又轉去玩別外一個遊戲
就係「動感射擊場」，其實原理就好似 Play House 內迷宮的發射槍，將海綿波放入發射器內然後Pang...射低小兵豬
射中小兵豬就會亮起燈！
超級投入的臣哥＋凶神惡殺的芊妹
哥哥有24分成績不錯...妹妹就得4分....點解隔離冇人玩都有2分(滴汗)
真係玩唔停...佢哋玩完「動感射擊場」及「Angry Birds彈射大激鬥」之後，好似叉足電咁，跟住再去玩埋頭先未玩的「Angry Birds樹林彈床」，這個樹林彈床只適合80-100cm小朋友玩
兩個又再一次無限Loop爬完上去又瀡落嚟！
最後玩埋夾公仔機，之前Soft Open都未有得玩。每架夾公仔機有唔同公仔可以揀，總共四款，分別有紅色憤怒鳥、黑色炸彈鳥、黃色冲刺鳥同埋小兵豬，哥哥就揀咗紅色，呀妹就揀咗黃色
屢夾屢跌...
但係黃天不負有心人，終於最後俾哥哥夾到隻紅色憤怒鳥
到妹妹去試吓夾黃色雀
估唔到呀妹冇因為夾唔到唔開心...仍然繼續再嘗試，最後終於俾佢成功夾到隻黃色冲刺鳥
話時話呢兩隻公仔手工都超好，唔似一般深圳A貨咁粗劣，就連頭上面塊羽毛都做得咁仔細
芊芊好開心抱住黃色雀！同自己件衫襯哂色
Photo by CANON 5D Mark IV, Len | EF 24-70mm f/2.8L USM
呀劍評語: 親雖然未可以去到芬蘭玩 Angry Birds Land，但係到愉景新城 Angry Birds Play Center 一樣可以玩得咁開心。最重要係一D都唔山寨，因為係集團與Rovio正式簽署授權協議，一切互動室內兒童遊戲設施，甚至每一隻公仔，全部都係攞正牌出品。
地址
D．PARK愉景新城L1 童趣森林
營業時間
12nn- 8pm
費用
9164 5873
網址
http://www.kidgoland.com/
(以上資料更新至文章當日)
Facebook專頁: 呀劍萬帥 kimfamilytravel
Blog網誌 : kimfamilytravel.blogspot.hk
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。