剛開接近一個月的北河街體育館兒童遊戲室，有別於一般海洋、森林為主題，而係以「糖果屋」做遊戲室的主題，整個遊戲室都被糖果包圍，色彩繽紛，真係入去玩成個人都開心哂!
因為剛開放不久的關係，試過星期日來都見到排哂長龍，甚至有人提前兩個小時來排隊，所以我哋撲了個空之後找了個星期五晚上來，而且玩最後一個時段7:00-7:50
我提前6:20來到，果然人不算多，我們也可以排在頭幾位!
每個時段只接受28人(每張櫈背後已刻有號碼，容納人數已包括大人，每小朋友必須有一位成人陪同)，即最多可容納14個小朋友，如果選擇時段滿額，大家又願意博一博的話，都可以向職員拿籌，直至有朋友離開大家就可以補替!
小朋友隔住個玻璃窗望入去口水都流埋，芊芊一路問仲有幾耐先可以入去，我就帶埋他們的功課來這裡消磨時間! ^>^
每個時段均為50分鐘，之間有10分鐘清潔時間! 每個時段完結時，職員會關燈示意該段時段結束。這個方法也好，因為往往小朋友都玩到唔捨得走很難清場
下一個時段將一要開始，職員示意大家在門外排隊，可將鞋放進櫃內(還有一個小衣物架可以放下非貴重物品)
入口玻璃門有一簡單身高量度尺
兩個排頭位的即刻衝咗入去玩!
遊戲室面積不大，但這個攀爬設施都有兩層，有點似坊間Play House，足夠小朋友跑上跑落放電，對面亦設有一間小小糖果屋，及牆上裝有益智遊戲設備
這個空間有點浪費，若可以擴大攀爬設施就更好
樓底相當高，空間感十足，周圍壁畫都是鮮艷的糖果，令整個空間都更色彩繽粉!
眼見攀爬設施有三層, 但其實第三層係冇得上去
呢個妹來來回回已經走咗N咁多次，瀡極都唔厭!
最特別係呢個海膽造型的垂吊攬枕，在其他場地真的比較少見
粉紅色的瀡滑梯看上顏色好Barbie好公主!
這兩支綿花棒棒糖好可愛!
應該係波板糖造型的小櫈
遊戲室地上同樣有糖果造型設計
這邊有好多個軟墊坐得又玩得
同場內其他小朋友玩起上嚟!
牆上安裝了多個兒童益智裝置，玩玩之餘也可動動腦筋
話明係糖果屋主題點可以冇這個糖果屋呀
其實係唔可以爬上去呢個屋頂，所以請勿模倣呢兩個人同埋我這個幫兇! 哈哈
兩個玩到唔捨得走，既然咁近我一於下次再帶你哋嚟玩啦!
Photo by CANON 5D Mark IV, Len | EF 16-35mm f/2.8L USM
呀劍評語: 康文署的體育館室內兒童遊戲室，這個也算是創新又特別，用了糖果屋來做主題，不單止令場內顏色鮮艷，玩得開心D! 仲可以借題發揮做出各樣不同的遊玩設施! 如果糖果屋那裡可以改成波波池就更好了!
遊戲室主題
糖果屋
面積
110平方呎
地址面積
110平方呎
九龍深水基隆街333號北河街市政大廈5樓
開放時間
早上9時至下午12時50分；下午2時至晚上7時50分(每時段為50分鐘，10分鐘清潔)
查詢電話
2729 1010
(以上資料更新至文章當日)
Facebook專頁: 呀劍萬帥 kimfamilytravel
Blog網誌 : kimfamilytravel.blogspot.hk
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。