【親子好去處】大角咀體育館兒童遊戲室

今日同妹妹跳完舞，還有點時間不知到那裏打發，忽然諗走大角咀大個體育館兒童遊戲室，所以到那裡玩玩再回家! 本以為冇咩特別，怎知道空間十分大，設施也挺特別!

於福全街巿政大厦這裡進入(不要錯進了埃華街那邊入口的街巿買餸唷!)

這裡設有一個港鐵特惠站，可以在這裡慳番$2!

電梯按"6"字進入體育館就立即見到遊戲室

這裡每節人數上限只有25人(記住係包括大人在內，所以大家想嚟免費玩都要早少少嚟排隊，建議至少早半個鐘或以上)

每節之間都有15分鐘清潔時間，確保兒童玩得開心家長又放心

一入場就有成個大鞋架足夠大人細佬放鞋，芊芊一除鞋就急住飛入去玩

場內空間都算大，冇柱位唔怕怕厭細路跑嚟跑去撞親人

場內以森林為主題，周圍都畫滿野生動物及熱帶雨林景色

場內設有洗手間，非常方便！

一眼睇哂幾個設施，適合不同年齡層。場內一旁長櫈可以俾家長坐低一眼關七𥄫住自己細路

最受歡迎都係呢個攀爬瀡滑梯設施

不過只啱小朋友爬，就算你好瘦都唔好諗住爬入去

設施雖小但設計都頗有特色

爬到呢度我只可以透過呢邊望到裡面情況

芊芊已經進入瘋狂狀態，點叫都唔應我！

隔咗一陣終於見到佢

同佢影相好似玩伏匿匿咁

終於好俾面咁望咗兩嘢鏡頭

呢個位最得意，爬到盡頭係一個好似太空艙的位置，不過俾個網隔開想影張靚相都難

嘩！呢邊仲要有個鐵閘，我估係方便入去維修之類...(心突然沉一沉)平時職員姨姨點走入去抹㗎？(喂！芊...仲成塊面貼落去塊玻璃度)

芊芊似等對呢個太空艙冇咩大興趣

都係玩番瀡滑梯好過

又無限Loop咗N次

唔好睇小呢個火箭咁樣嘅軟墊瀡滑梯，其實條瀡滑梯都有45度咁斜

起初要瀡嘅時侯都有少少畏高㗎！

經過老豆多番鼓勵(強迫)之下，終於肯獻出第一次，睇佢個驚叫程度

半秒唔駛就瀡咗落嚟，跟住就唔肯再瀡...

都有啱BB玩的設施，同大型設施距離好遠，所以唔怕有小學雞踩場，只係最驚佢哋喪跑容易撞到人

仲有兩個大Yoga波(不過係硬身的)，所以玩嗰陣都要小心打咗個筋斗扭親條頸

呢招叫「二字鋏羊馬」芊芊都食過吓夜粥

佢唔係跌親，只係玩到冇哂力

仲有僅餘的電繼續放...試盡唔同姿勢瀡滑梯

原來喺瀡滑梯外影番上去有咁靚效果喎

呢張有D恐怖...好似貞子現身

喂！瀡落嚟都早少少「單」聲呀大姐，想撞死我咩?!

玩到冇嘢好玩仲可以伏匿匿! (對我嚟講真係冇「掟」匿)

Photo by CANON 5D Mark IV, Len | EF 24-70mm f/2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 9分

呀劍評語: 康記(康文署)的室內兒童遊戲室最適合大熱天時或者落雨濕濕唔想周圍去時玩，這個大角咀場都係一個唔錯選擇，玩完可以過去奧海城行街食嘢，咁就可以Hea一日啦!

遊戲室主題

森林

面積
292平方呎

地址
九龍大角咀福全街63號大角咀市政大廈6樓

開放時間
早上9時至下午12時45分；下午2時至晚上9時45分(每時段為45分鐘，15分鐘清潔)

查詢電話
2393 1084

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。