今集一班迷你兵團扮監躉置身監獄之中，所以喺青衣城都以監獄為主要故事場景，除咗設有5大營救關卡，門口仲有近3米高的迷你兵打咭
只要係MSmart 會員憑500 FUN 或 用碌咭八達通消費$500就會獲派發「Bello Bello 任務遊戲護照」去儲壞蛋印章
我哋一入場就先去「惡人波士大廳」，這裡有好多唔同款的水印貼紙，兩個一於入去先紋個身，誓要同兵團做自己友
哥哥呀芊準備化身做小壞蛋
芊芊好興奮期待姐姐幫佢貼上水印貼紙
Yeah! 攪掂，印得好靚呀!
估唔到呀芊唔夠喉，仲話要貼多張喺塊面度!
見到哥哥又貼多張，呀芊又話想貼多張，兩個貼貼埋埋，貼到手又有面又有!
哥哥揀咗個骷髏骨我都唔知道...聽日佢仲要番學架，點算呀!
「惡人波士大廳」真係佈置得好似間髮型屋咁
牆上面仲有好多劇照! 今次多咗鬍鬚柏好攪笑，扮住MJ打交好好睇!
之後過到嚟拍照區，拎住張「壞蛋出入通行證」打番張咭，準備進行秘密任務
真係見到咩都要玩一餐! 做定幾下Sit up變大隻佬去闖關啦
過到隔離的「壞蛋兵團絕地逃出任務」，要喺裡面集齊4個印章去完成任務
兩個一齊餵Carl食蕉好攪笑，佢哋成日自己隨意發揮俾我影相，真係利害!
哥哥見到同自己一樣的骷髏紋身，叫住我要同佢影一張
完成任務集齊印章，哥哥同呀芊即刻走咗去「古古惑惑扮公室」
唔知做咩一見到厠所就即刻走埋去影相，估唔到佢哋咁重口味
兩個影完張爆石相之後就去咗玩呢個拼水管小遊戲
「獎門人極速大冒險」模仿戲中犀利哥坐的極速戰車做神槍手
完成任務仲可以攞到壞蛋印章
等咗咁耐，Dave 同埋 Stuart 終於出嚟同大家見面啦!
佢哋兩個整古做怪同哥哥呀芊影相
真係超得意，仲可以同大家跳番Part舞
最後我哋都完成任務，見佢哋今日咁配合又幫得手，呢個暑假一定要同佢哋入戲院睇《壞蛋獎門人3》
7月初起仲有期間限定Popup Store，有大量《壞蛋獎門人3》精品等你嚟買番屋企
7月仲有2日亮點，可以同犀利哥、鬍鬚柏，當然迷你兵團都會同大家一齊自拍放閃，記住留意以下日期時間：
7月2日(日)
3:00pm/4:00pm 獎門人舞林快閃任務
4:15pm-5:15pm 兵GO大亂走
7月9日(日)
1:35pm-2:30pm 兵GO大亂走
3:00pm/4:00pm 獎門人舞林快閃任務
另外，如果你係MSmart會員，只要嚟現場影靚相再upload上Facebook，tag番「#Bello青衣城」，即刻就有MSmart 300FUN*
*詳情請參閱網頁或現場詳細資料
Photo by CANON 5D Mark IV, Len | EF 24-70mm f/2.8L USM
呀劍評分: 8分
呀劍評語: 如果你係兵團迷，就已經唔駛講咩評語啦！但係你如果唔係粉絲，順路經過嚟影吓相都無妨。最緊要係去睇套戲！
【MTR Malls x《壞蛋獎門人3》潛行拯救大行動Mission Despicable】
任務日期:
2017年6月25日至 9 月3 日
任務時間:
中午12時至晚上10時
任務地點:
青衣城1樓夢幻島大堂
活動內容:
MSmart 會員憑500 FUN# 或顧客於青衣城即日電子貨幣(信用卡、易辦事或八達通) 消費滿 HK$500 (最多兩組消費收據，每組收據必須滿HK$100) 可換領「Bello Bello 任務遊戲護照」。
完成壞蛋4大任務儲齊印章，躋身不同壞蛋級別，換取終極神秘寶物！
6大佈置重點:
1. 3米高終極巨型版迷你兵與你拍照
2. 惡人波士大廳 (須出示遊戲護照)-> 惡人波士當然已為你預備好專屬的壞蛋標誌，手臂、甚至臉頰，貼上紋身彩貼，證明你是「自己友」吧！
3. 迷你兵團拍照區 -> 申請「壞蛋出入通行證」，站在高牆前，通過身份檢閱關卡，隨即可進行秘密營救任務。
4. 壞蛋兵團絕地逃出任務 (須出示遊戲護照) -> 挖掘通向迷宮的秘道，蒐集四款壞蛋印章!
5. 古古惑惑「扮」公室 -> 最意想不到的地方就是最安全的地方，一於到廁所旁的水管尋找逃走貼士。
6. 獎門人極速大冒險 -> 快登上犀利哥最新的極速戰車，勇奪壞蛋印章！
「青衣城x《壞蛋獎門人3》期間限定店」搶購限量禮品
店內率先發售多款特別版電影周邊產品，包括全新迷你兵團角色新造型充電器、水槍、文具套裝等等。
營業日期: 2017年7月初至9月3日
營業時間: 上午11時至晚上10時
(以上資料更新至文章當日)
Facebook專頁: 呀劍萬帥 kimfamilytravel
Blog網誌 : kimfamilytravel.blogspot.hk
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。