自從細細個同呀媽嚟過一次之後，大個之後從來冇諗過要入蠟像館，直至自己有小朋友再一次上到山頂，加上今個暑假新增咗兩個館 - 時尚專區 及 動漫遊戲世界，所以到此一遊
一落纜車入到凌霄閣，行兩步就見到蠟像館啦
外面放咗狼人盧根呀! 哥哥一離遠見到就嗌 Wolf Man呀! 佢哋兩個楝起三隻手指又扮得幾似喎
我哋好快就拎到四張飛入去玩啦! 對於小朋友嚟講，相信見到 Marvel 角色就最開心，媽咪就應該最想見到 OPPA，咁我呢?
一入場館會有成龍大哥蠟像，不過只接受官方相機影及買(心諗好在係成龍啫...)
沿樓梯一落去第一個見到既原來係獎門人!
實在有太多明人蠟像，如果要同小朋友影哂都冇乜可能，除非全部都係 Marvel 啦!
所以我都係隨心影，俾佢哋自己揀D有興趣的嚟影，我話俾哥哥知佢係飾演奇異博士，佢就走埋去影lu
所以呢篇blog見唔到古天樂，吳彥祖等靚仔，因為佢哋對靚仔冇咩興趣，但係哥哥就好鍾意靚女(咁我都可以放心D...哈~ ~)
叫哥哥去吸吓D靚仔仙氣!
兩個走埋去唔係為咗朗朗...而只係想彈琴
入到去近期新增的時尚專區，有好多國際明星喺度呀!
你哋兩個小心D呀! 唔好攪到人哋個樣花哂
試吓做今期雜誌封面先
仲有條 Catwalk 天橋可以俾大家學吓做 Model，不過有幾多人夠膽好放咁來回行 Catwalk 呢!?
習主席呀! 好在今日我哋冇著維尼衫啫...(一額汗)
傳聞話草間彌生個蠟像像真度極高，原來真係超爆似真人...
我同哥哥講呢個叔叔好多金句，係佢話「唔可以空肚食早餐」
進入功夫專區，哥哥除咗知道邊個係李小龍之外，今日就識多一個叫做葉問
希望喺體壇猛將同劉翔、姚明影過相都會大隻D啦
做咩攪姚明個Pat Pat呀...(妹妹呢個時侯已經話唔想影)
哥哥唔知咩時侯認識咗楊芊嬅，一見到佢就即刻走埋去叫我幫佢影，呢D係咪就係叫做親和力?
點解芊芊又走番出嚟影，因為佢見到佢既至愛 MJ 囉!
呢個哥哥點解又會識得宇宙GEM? 仲居然做樂壇巨星壓軸出場既蠟像
娜姐呀! 哥哥走去扮打鼓又扮得幾似喎
行咗咁耐，兩個問一路問我點解咁耐都見到 Marvel...
嗱! 我哋依家嚟到動漫遊戲世界啦，第一個就係 Spiderman啦
我一入到嚟以為係美少女戰士，但係望多兩眼先知唔係，是但啦....都係美少女、都係水手Look、都係露長腿啫!
香港本土一定要支持!
仲有個好得意既互動遊戲!!
新設「妖怪手錶」專區，可以喺景太間房度影相呀!
佢哋兩個好鍾意地縛貓...但係我見到張床就想喺度瞓陣
房間隔離仲有得打機
三仔乸玩到唔捨得走
估唔到最後守住出口既係 Hello Kitty
最後再精品區逛一逛就離開lu
Photo by CANON 5D Mark IV, Len | EF 24-70mm f/2.8L USM
呀劍評分: 8分
呀劍評語: 始終以前去過，本來覺得冇咩新意，但係比我想像中得意，同埋唔知係咪技術勁咗，真係9成以上似真身! 而且加插咗兩個新區，真係大人小朋友都啱睇
香港杜莎夫人蠟像館
受歡迎程度不減的杜莎夫人蠟像館自200年來已招待超過過百萬賓客，而好奇心亦成為杜莎夫人歴久不衰的主要原因之一。時至今日賓客從聞名及强大的國度要求具有獨特及震撼力的旅程，而舊式的博物館形式的圍欄經已拆除，賓客可與名人巨星、體壇猛將、政治人物及世界偉人等所近距離接觸及重温昔日的事情。
位置
P1樓P101 - 5號
門票
由於組合太多，請自行網上搜尋最抵價
電話
(852) 2849 6966
營業時間
早上10時至晚上10時 (星期一至日及公眾假期)
網址
www.madametussauds.com
(以上資料更新至文章當日)
Facebook專頁: 呀劍萬帥 kimfamilytravel
Blog網誌 : kimfamilytravel.blogspot.hk
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。