今個暑假細路有福啦，日砌夜砌嘅PLARAIL火車路軌，終於砌到嚟荃新天地，今日有機會仲可以嚟到參與通車儀式！一齊砌出全港最大戶外火車鐵道裝置
所有人圍住個大型鐵道情景模型，真係插針都插唔入，企喺度睇其實都幾治癒
見到呢個唔知幾多層高嘅鐵道裝置，真係只有「嘩！嘩！」聲
不過原來呢個都未係重點！傳聞仲有個全港最大戶外火車鐵道裝置搭建咗係戶外花園
講番呢個中庭的裝置都砌得好Details
如果要行勻每一條鐵道唔知要用幾耐時間呢？成個情景總共用咗6-8條並行路軌，同時行緊唔同款的列車(普通列車、特急列車、新幹線列車、貨運列車、仲有8卡港鐵及機場快線)
如果俾我屋企放得落仲砌到個咁勁嘅鐵道，真係開心死佢哋兩個！
唔知用咗幾耐時間先至可以砌到出嚟，仲要話這個場景隱藏咗神秘圖案，我諗真係要鐵道迷先至睇到
中庭仲有個鐵道員挑戰站，只要場內消費滿$100，就可得到一張遊戲券，玩吓攤位小遊戲
我哋先玩玩呢個「尋寶天地」，鬥快搵到任務卡上面的鐵道組裝配件
呀哥芊芊一組一齊去完成任務(其實係一張遊戲券只可以攞一張任務咭，所以慳家一齊玩)
搵齊哂所有組裝配件！Yeah
其實我真係唔係粉絲，原來PLARAILShinkalion新幹線可以變身機械人，所以旁邊有另外一個遊戲拼圖王，超簡單瞬間完成，完成呢兩項任務都可以各得到一張貼紙
正在排隊等緊玩免費的「火車體驗館」有個空檔，就走過嚟同展板影張Cover相先
「火車體驗館」每節15分鐘(平日10分鐘)，每次俾大概12-15人入場(包括大人小朋友)
其實平日屋企都可以玩，不過無奈屋企太細，砌得好唔暢快
雖然得15分鐘，但係都已經砌到一個見得下人嘅路軌
因為係免費，所有爸爸媽媽又好想俾小朋友喺度玩吓，所以都幾多人排隊
然後嚟到隔離的「創意設計室」幫列車填吓色(呢個活動都要遊戲券㗎)
難得小朋友仲對填色好有興趣，所以我哋就靜靜俾佢哋多少少時間填色
(註：於7月逢星期日仲有個鐵道擂台陣，可以俾小朋友比試下鬥快砌火車，點都好過鬥蛇螺)
今次展覽仲有期間限定Popup Store，今次仲限定發售透明藍色列車(只於7月8日限量600件)
見考完試佢哋又乖，今日就獎勵佢哋可以每人喺度揀番一架Tomy車仔啦，優惠價只賣$54唔算太貴呀！
離開中庭之後，我就急急腳即刻走到去戶外花園廣場，趕住要朝聖全港最大戶外火車鐵道裝置
整個裝置有四大特色場景，包括海洋館、熱帶森林、恐龍公園及大鐵橋
大鐵橋站
熱帶森林站
時光隧道
恐龍公園站
海洋館站
兩個小小工程師一齊嚟參與通車儀式
仲有頭先介紹過的PLARAILShinkalion新幹線機械人
今次仲一次過展示好多款絕版PLARAIL列車
呀芊同朋友仔呀LU一砌合作砌某一段路軌，然後再設計自己的站長
經過專業團隊的安排，所有小朋友合作砌成的路軌終於合體完成，正式通車！
Photo by CANON 5D Mark IV, Len | EF 24-70mm f/2.8L USM
呀劍評分: 10分
呀劍評語: 個個砌路軌由細砌到大，對藍色呢條路軌肯定唔會陌生，今次可以親眼見到全港最大戶外火車鐵道裝置，冇理唔去睇！俾小朋友有番個開心回憶
《PLARAIL火車鐵道城》
荃新天地 X PLARAIL火車鐵道城
日期︰6月29日-8月6日
時間︰12nn – 9pm
地點︰荃新天地1期中庭
全港首個大型戶外PLARAIL鐵道裝置
日期︰7月1日-7月16日
時間︰10am – 6pm
地點︰荃新天地1期花園廣場 (展覽或受天氣影響而暫停)
(以上資料更新至文章當日)
Facebook專頁: 呀劍萬帥 kimfamilytravel
Blog網誌 : kimfamilytravel.blogspot.hk
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。