早在暑假前知道 ifc 在7月可以邀請到日本著名藝術團隊 teamLab 在商場一樓中庭舉辦 Sketch Town 活動，就已經超期待！今次仲可以獲邀請到現場率先試玩，真係萬幸萬幸！
其實 teamLab 不只有《Sketch Town》一個主題，《Light Ball Orchestra》、《Sketch Aquarium》及《Sketch Christmas》, 最有印象是一個配合瀡滑梯的《Sliding through the Fruit Field》
不過今次 ifc 選了《Sketch Town》作為這個活動的主題，原因希望小朋友可以發揮他們的創意，創造自己的作品轉化到巨型的數碼大屏幕上，明明係在平面的畫紙上繪畫，卻係3D的呈現在屏幕上。
而《Sketch Town》就是一個大城巿，裡面有不同型狀的高樓大厦，也有各樣的交通運輸工具，雖各自運作，但同時又互相影響，共同建立充滿活力的美麗城巿
簡單4個步驟就可以與《Sketch Town》互動
1. 為您喜愛的圖案填上顏色
2. 掃描您的畫作
3. 圖案會變成立體並遊走於屏幕上的城巿
4. 觸碰活動中的物件作出互動
枱上設備簡單，只有些粉彩作繪畫之用，酒精消毒液及濕紙巾供小朋友清潔雙手
哥哥芊芊強烈要求想先創作UFO，我就請工作人員先找來UFO俾佢哋兩個乖乖坐低畫
畫畫下哥哥見到大屏幕有得意嘢就忍唔住叫芊芊「快D睇吓啦！」
見到佢哋兩個咁專心畫，真係覺得兩個好可愛
完成畫作後就進入黑房間搵工作人員幫忙Scan入大屏幕裡，完成掃描後只需等幾秒，小朋友的設計就會進入《Sketch Town》大城巿
最有趣不單止係可以見到自己所創造的UFO在裡面飛，原來行埋去輕輕拍在UFO上，它會加快速度(不同的物件有不同的反應)
另外《Sketch Town》每15分鐘就會隨機出現一樣怪獸去破壞城巿裡的一切，大家要合作將手按在戰機或UFO上發射飛彈，打走東一隻西一隻的怪獸，大概中咗80發彈之後怪獸就會玩完！小朋友就會一齊嗌「好嘢！佢死咗lu」，但係在場記者及拍攝朋友都叫住「唔好咁快殺佢呀」真係睇到笑死我！
大家可能會問「D小朋友一路畫一路Scan入去大屏幕，咁咪好快爆Quota? 剛畫入去的物件可以留幾耐？」
其實個系統大概可以記錄低大約200個物件，所以小朋友的畫作都可以逗留一段好長嘅時間㗎！
之後佢哋兩個又番埋位繼續創作另一個畫作，今次哥哥揀咗畫戰機，因為佢知道可以射飛彈！呀芊就揀咗畫架吊臂車
其實當你留意整個城巿的運作，就會見到每個物件在互相幫助，除咗怪獸一定要靠戰機同埋UFO去擊退之外，好似你畫咗棟 大厦之後，原來係由UFO將大廈帶入畫面之中，再搵個空位插喺地下，真係好得意！
今次哥哥幫我喺架戰機上面寫咗個Kim字入去，不過一出場嘅時侯發現，個字原來會掉轉咗，哈哈～不過當佢相反方向飛番轉頭時侯就會變番正常！
到呀芊架吊臂車Scan入去lu
即刻把握機會同自己嘅創作影番張相先
佢哋一直玩到唔捨得走，又話要等藍色大飛龍出嚟！結果有陣時只見到另外一些怪物，好似樹精靈、冰怪咁，但係一出現場唔駛一陣就好快被打死(真可憐)
幸好我都拍得到大飛龍！真係好震撼！
最後兩個話要送層樓俾我喎！嘩，真係仲感動過真係住得人嗰D豪宅
Photo by CANON 5D Mark IV, Len | EF 24-70mm f/2.8L USM
呀劍評分: 10分
呀劍評語: 創意、創作、創造！超讚的活動，可以即畫即玩，小朋友創作出自己的專屬小玩意！Nothing is impossible
SKETCH TOWN by teamLab
為什麼喜歡創作？ 因為想像是無窮無盡的。
今個夏天，ifc商場與日本著名藝術團隊teamLab聯手呈獻「Sketch Town」，讓您突破界限，創造出無限的可能性。Sketch Town 是一個透過大家的繪畫逐漸發展而成的城鎮。在這裡，您可以為想像賦予強大的生命力，為城鎮裏的汽車、建築物、飛船等注入色彩，把紙上意念生動地轉化為巨型數碼大屏幕上活潑的動畫，讓它們由2D變成3D活動起來。城鎮內的每個物件也有各自的工作，您亦可以觸碰它們作互動。
一同發揮我們的小宇宙，在這結合科技與藝術的國度裏，盡情發揮想像力和創意，攜手建構一個充滿活力的美麗城市。
日期
11 Jul – 28 Aug
時間
10am – 9:30pm(每25分鐘一場)
地點
ifc商場一樓中庭
換領入場門票
由2017年7月11日起，於ifc 商場内同日憑合資格的電子貨幣消費，即可換領2張入場門票：
1. 消費滿港幣1,800元或以上，並且至少有一張單據來自食肆*及其他指定商戶# （最多兩間商戶的即日消費單據，每次消費需達港幣200元或以上）或
2. 單次消費達港幣10,000元或以上
Top up Tickets
於登記消費獎賞後，顧客可選擇付款港幣100元以換領額外一張入場門票，只限最多額外換領兩張。
所有現金捐款將不扣除成本全數捐予香港救助兒童會。
換領地點及詳情
服務櫃檯：ifc商場二樓 （Tory Burch 隔鄰，鋪號2065）
服務時間：上午10時至晚上9時半
Step 1 請帶同您的合資格消費單據及信用卡簽賬存根正本前往Sketch Town 服務櫃檯登記。 Step 2 即場預約場次及透過電郵或SMS取得電子入場門票。
(以上資料更新至文章當日)
Facebook專頁: 呀劍萬帥 kimfamilytravel
Blog網誌 : kimfamilytravel.blogspot.hk
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。