親子遊樂, 親子旅行

【親子好去處】「印象∞香港」展覽 @展城館

12 Aug, 17

最近展城館舉辦了「印象∞香港」展覽,仲有好多活動工作坊,所以帶住呀哥同芊芊去咗參加其中一個叫「社區規劃工作坊」,聽個名好似好正經咁,其實係個親子工作坊,俾大人小朋友合力設計心目中的香港



今次展覽由四個主題展館組成,「宜 • 居」、「展 • 望」、「藝 • 文」及「樂 • 遊」。

我哋未入到去展城館,在外面已經見到個好靚嘅展區,就係「樂 • 遊」展區。展區形狀用了「∞」這個符號,象徵香港未來有無限可能性。



裡面放着好多樂高展品,全部都係用LEGO砌出嚟,有好多代表性的節日及其他香港人的集體回憶


好似「長洲飄色」、「大坑舞火龍」、「大澳棚屋」、「長洲搶包山 






集體回憶當然係香港美食「雞蛋仔+夾餅」、「蛋撻」、「燒賣」同埋「菠蘿油+奶茶」







展區中央仲有個用LEGO砌出的建築物,大家估唔估到喺邊度呢?



兩邊仲放咗兩個推盤遊戲,都係用LEGO砌出的,一個係專線小巴,一個係電車,都超有代表性!




呀哥玩咗好耐都攪唔掂




當然最後又係要我出手啦先攪得掂!其實我都係亂撞手神...^.^



唔知點解都係覺得電車的傳統顏色係綠色



這個「樂 • 遊」展區每日開朝10晚8,如果有興趣可以夜晚7點後前來參觀,因為夜晚7點後亮燈都幾靚㗎!





入到去展城館裡面,另一個展區「宜 • 居」就設於地下層



用了六段結合印象派的影象,展示香港的變遷



搭住扶手電梯直接上到三樓,「展 • 望」展區


一聽個名就知道展區講述香港多個發展項目





包括九龍東、中環至灣仔北海濱、北大嶼山及洪水橋等等







最後一個展區「藝 • 文」,就係最受爭議性的「西九文化區」M+視覺文化博物館、戲曲中心同埋故宮文化博物館



有好多視聽裝置及立體模型去介紹





仲有個VR裝置可以模擬體驗一下,裡面的影象仲識得郁,真係好真好似喺現場一樣!





參觀完新展區,我哋就上到去四樓參加工作坊,這個「社區規劃工作坊」係同藍屋創作室合作,用木製方塊及文具去拼砌設計心目中的香港




藍屋姐姐先同小朋友介紹一下藍屋歷史,然後叫小朋友出嚟一齊企喺個正方框內,話俾佢哋知以前年代就係一家八口要迫喺一個小小空間裡面生活 (不過點講佢哋都唔會明白自己依家係幾咁幸福)



好嗱!開始製作自己小社區啦




唔好誤會,呢兩個係藍屋姐姐俾大家睇的SAMPLE



嘩...個「發」字係咪麻雀館嚟?



這個迷你香港,呀哥同芊芊都用顏色筆去畫自己理想的建築物及街道



一開始兩個都畫得好好地,有馬路、噴水池同高樓大廈,但係跟住就叫我幫佢哋畫Spiderman...Iron Man,真係無佢乎...


最後將自己理想社區用熱溶膠槍緊貼在木板上



佢哋將自己創造的小社區放在灣仔地圖上,一想到將來自己規劃的社區,如果可以真的喺香港出現,都真係超有滿足感。



依家可以俾小朋友模擬體驗一下都幾唔錯!




其實除咗新展區外,其他故有展區都好吸引,我哋見仲有時間,所以去番地下層再重頭參觀,記住先問職員攞番張QRcode咭去啟動(啟動之後你就可以拎住佢到各層啟動每項電子設施)

詳細可爬文 http://bit.ly/2vrW8i7



我哋上到一樓,只係這個積木區,已經夠佢哋兩個玩成個鐘。


大熱天時,同小朋友喺呢度Hea,嘆住冷氣又唔駛錢,最緊要係少人都痺,仲要幾好玩㖭...如果同樣的積木區放咗喺大商場,一定唔知排幾耐隊先可以玩5分鐘



好有趣的可以利用積木模擬將港、九、新界、離島互相交接,好似起咗條青馬大橋咁!




仲有張用LEGO砌出的維港景



其他展區唔一一介紹,有興趣可以參考舊文 http://bit.ly/2vrW8i7










不過佢哋兩個最鍾意都係二樓展區,因為有得揸車!(上次嚟過相隔兩年仲記得...)





記住臨走可以拎番張紀念品書籤





Photo by CANON 5D Mark IV, Len | EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 9

呀劍評語: 我哋一家都好鍾意這個展城館,具備家長至愛三大條件「唔駛錢、有冷氣、夠少人」,加上有新展館可以參觀,快D帶埋小朋友嚟玩下,工作坊只剩少量名額

「印象∞香港」》
為慶祝香港特別行政區成立二十周年,發展局及規劃署特別舉辦「印象∞香港」展覽,以藝術發展進程為靈感,通過互動的展覽形式,展示香港過去的城市規劃及基建發展,同時探索未來,進一步鞏固香港作為亞洲國際都會的地位。

展覽日期及開放時間

2017 年 6 月 20 日至 2017 年 11 月 30 日 每日早上 10 時至下午 6 時;逢星期二休館(公眾假期除外) 「樂‧遊」展區於每晚 7 時至 11 時亮燈,展品開放時間為早上 10 時至晚上 8 時

地點

香港中環愛丁堡廣場 3 號展城館

導賞團
展覽期間設有導賞團。如欲了解詳情,請致電+852 3102 1242,或瀏覽 www.citygallery.gov.hk。

免費入場

(以上資料更新至文章當日)




RELATED POST