【親子好去處】Street Fighter熱爆30年 @Mikiki

講到童年回憶，點少得街霸，簡直係我哋呢班80後嘅第一代宅爸毒爸嘅至愛！知道Mikiki有街霸展，點都要嚟打咭留念吓，原來不知不覺已經有30年！我決定今次呢篇文唔理大家感受，寫自己友先至明白嘅語言，明就明唔明就唔駛明。

(圖片來源 Timable)

咁多個經典場面，呢個風林山火街機場景就至正！仲有火炎波動拳，呢個火球好似改版先有，仲記得以前個改版再改版，打到旋風腿都可以喺空中出，簡直一流同攪笑！

兩個一於扮番個all u get!!! 街機對於佢哋兩個完全陌生，今次嚟到Mikiki睇街霸展真係感覺好特別！

以前我打機嗰陣最鍾意就係用呀Ken，其實只係見人鍾意用Ryu我就死都唔用！

同佢哋影相，佢哋起初完全唔知道呢個係咩姿勢，佢哋以為係耍太極！(因為有睇功夫熊貓)

呀妹唔知望緊D乜嘢！

我嘅開心程度就等於媽咪們見到OPPA！真係好型呀

春麗真係我諗冇咩人唔識，因為太多人COS過呢個角色，仲有睇過港產套《超級學校霸王》，一定仲記得扮春麗嘅邱淑貞，真係超靚超可愛，而且春麗呢個角色，仲影響之後好多嘅對戰Game，總會加一個中國味濃嘅打女

呢個春麗條腿真係有條腰咁粗喎！呀芊好勁呀...佢都踢到咁高喎

另外最為人熟識嘅就係春麗主場嘅場景，所以今次展覽都特別造番呢個遊戲場景出嚟！

去到最近推出的街霸V，開始有好多新角色，好似呢個叫Kolin，我就完全唔識，對佢冇咩感情，但都俾面同你影番張啦

除咗幾個主要角色之外，仲有將軍，鐵面同軍佬...不過好可惜只係紙板

另外一邊展出好多街霸手稿，真係見到都流哂口水

仲有彩色插畫

仲有鐵粉借出珍藏可以同各位街霸粉絲分享

CAPCOM呀！！！！！

仲記得街霸有個好似李小龍咁嘅角色，其實早在1993年的Super Street Fighter II The New Challengers就已經新增咗，嗰陣後期D就嚟會考，我都開始少玩喇...

戲肉嚟啦！就係有免費任玩，但係估都估唔到，排隊嘅係一班老粉絲爸爸

不經不覺已經出到SFV 街霸V，好多新角色我已經跟唔到，完全脫折；最開心都係玩番街霸 II(老實講街霸 I 我都有玩過㗎)

最特別居然今日可以同呀仔坐低一齊打機打番我舊時細個玩嘅Game！

芊芊起初都只係望住哥哥玩，跟住我俾咗一Round佢試吓，估唔到佢一玩就停唔到手

俾佢用印度佬就最開心，因為手長腳長好攪笑

仲記得以前唔讓Round會俾人yxzxzyxyzyyzx！但係佢哋兩個睬你都傻，芊芊毫不留手咁連續兩Round砌低哥哥

喺度玩咗大半個鐘...

佢哋直程想成部抬番屋企慢慢玩！各位老爸，唔嚟點對得住自己呀

Photo by CANON 5D Mark IV, Len | EF 24-70mm f/2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 10分

呀劍評語: 因為係童年回憶，所以冇得唔俾滿分，最特別感覺係自己細個時侯打嘅街霸，居然今日陪住呀仔呀女一齊打，兩個仲打到唔捨得走！

《Street Fighter熱爆30年》

日期
2017年7月17日至8月27日

地點
Mikiki地下中庭（新蒲崗太子道東638號）

時間
上午11時至晚上9時

查詢電話
3980 9930

換領mikiki獨家《Street Fighter》精品型絕街頭
日期：2017年7月17日至8月27日 (逢星期五、六及日，共18天)
時間：1pm – 10pm
換領地點：Mikiki地下顧客服務中心
換領詳情：顧客只須於Mikiki以電子貨幣消費滿指定金額，即可免費換領Mikiki獨家《Street Fighter》30週年限量版隆Figure一盒，或《Street Fighter》特別版型格運動毛巾一條，型絕街頭！

指定日期內以電子貨幣於Mikiki內即日消費滿$2000*，即可換領Mikiki獨家《Street Fighter》30週年限量版隆Figure一盒；滿$600*，即可免費換領Mikiki x 《Street Fighter》特別版型格運動毛巾一條。
*必須累積2張不同商戶發出之機印發票，每張發票金額須滿$100
*數量有限，換完即止

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。