今年康記新開及翻新咗幾個兒童遊戲室，元朗體育館的兒童遊戲室係其中一個，同深水埗北河街的差唔多以「糖果」為主題(唔係「糖果屋」)，再加上元朗傳統特色的壁畫特別靚!
元朗體育館及圖書館喺我哋搬走前已經起緊! 到今年終於完工
場館開放咗都差唔多2-3個月，今日天氣真係太熱，喺街度乾煎頂唔住，所以周圍都唔想去，不如索性入去避避暑。
入到體育館搭升降機直上三樓
大家如果要嚟玩，最好於開場前早半個鐘嚟排隊。每節50分鐘(10分鐘清潔)，5歲以下要大人陪同，最多接受26人進場(包括大人)。
雖然我哋嚟到啱啱開場，不過都會有家庭提早離開，所以我哋等咗一陣都有得入去玩
牆身上畫咗副元朗特色的壁畫，唔少得林村許願樹同濕地白鷺
體育館、輕鐵...
當然唔少得主角康文署圖書館及體育館
仲有聚星樓及元朗公園百鳥塔
佢哋最鍾意係呢個彩虹，就好似搖搖板咁玩
場內多個糖果造型的軟墊都幾得意，好似呢條香口膠咁，大家記得係扮緊邊個牌字嗎?
仲有幾款朱古力，又幾似三角牌喎!
真係好似去咗個糖果世界咁好得意，唔玩得都睇得!
生日蛋糕都有埋! 如果爉燭都係立體一支支企喺度就仲好玩
場中間立置放了一大堆糖果(軟墊)
薄荷糖都有，我問場內其他小朋友，佢哋都話食過! 仲話好辣架...哈~~
牆邊有幾個訓練小朋友小肌肉的裝置，每個都好特別，有部份仲比較少見
即使場裡面冇咩嘢玩，但係佢哋不停跑、跑、跑，玩捉已經超開心!
唔好以為呀芊俾支士的糖壓住，其實係佢喺度爬緊要穿過去!
玩完仲可以過隔離兒童圖書館繼續來個親子閱讀
Photo by CANON 5D Mark IV, Len | EF 16-35mm f2.8L USM
呀劍評語: 雖然設施唔多，不過大熱天時入嚟涼涼冷氣玩一玩，玩完之後仲可以過隔離兒童圖書館睇書，離開後仲可以去對面餐廳嘆番個下午茶!
遊戲室主題
地址
遊戲室主題
糖果
元朗馬田路52號元朗文化康樂大樓3樓
開放時間
早上8時30至1時20分；下午2時30分至晚上9時20分(每時段為50分鐘，10分鐘清潔)
查詢電話
2891 9207
開放時間
早上8時30至1時20分；下午2時30分至晚上9時20分(每時段為50分鐘，10分鐘清潔)
查詢電話
2891 9207
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。