親子生活, 親子旅行, 親子遊樂

【親子好去處】芥子園 X Faust 開學派對 Back to School Party

09 Sep, 17

今個暑假真係參加咗好多繪本活動,就算到學已開頭一個星期,我哋都參加了芥子園舉辦的開學派對。今次仲見到咁大隻小俠森森,同佢有抱抱會又打卡,真係好開心呀!


今次活動係 芥子園同埋 Faust 一齊合作舉辦,由 Faust 外籍導師跟小朋友講故事及玩遊戲 


地點在 Faust 的黑盒劇場進行,所有外籍導師平時都係教授戲劇,所以講故事嗰陣特別攪笑!


繪本Crossover戲劇,真係幾特別! 




講故事時間未開始,小俠森森就走咗出嚟先同各位小朋友見面! 呢個哥哥每次見到人扮角色出場,就切法要揭穿人,搵吓邊個位可以見到裡面個人

其實人哋好辛苦架啦已經....(立即控制住哥哥唔好攪攪震)


正正經經同小俠森森影張相咪幾好!




果然係一個戲劇學校,導師拎咗有好多唔同道具出嚟俾小朋友玩玩!





呢一場活動實在太多人啦! 外藉導師先跟小朋友玩玩遊戲,考考佢哋反應!


兩兄妹玩得超開心!




一時要小朋友跟住扮動物....






突然之間又要佢哋扮瞓覺,望住佢哋玩感覺真係好得意




古靈精怪的哥哥




終於到講故事時間,外籍導師拎起芥子園的Story Box同各位小朋友分享故事。正好最新這期故事就是講「開學日」- "ELLY GOES TO SCHOOL"




最後小俠森森又再一次出嚟同大家影相,攪到D小朋友鬼咁開心


哥哥睇嚟真係好鍾意攬佢喎!



最新一期(9月號)的小小紅蘋果、紅蘋果、Story Box、Adventure Box,全部帶番屋企同小朋友慢慢睇先!



不過佢哋兩個都等唔切,係都要即刻睇(係咪真係咁鍾意讀呀...定係想打開睇吓裡面有冇遊戲玩咋)



呀芊真係好認真咁閱讀!



但係轉個頭又開始下一Part環節,就係姐姐教大家做手工摺大笨象啦



呢兩個人聽到有得做手工不知幾開心,最快坐定定聽住老師教摺大笨象






講到摺紙一D都難唔到哥哥,所以佢都好照顧呀芊,教佢點樣摺!








大功告成,芊芊即刻拎起飲筒要吹起個象鼻



之後再幫大笨象加上眼睛同象牙




兩個又做得幾靚喎!




芊芊真係有創意,仲反轉大笨象幫佢加埋個口



然後再派上一張工作紙俾小朋友玩Photo Hunt





一個半小時的節目真係好豐富,同小朋友過咗個開心星期六!



Photo by CANON 5D Mark III, Len | EF 24-70mm f/2.8L USM


想跟我去體驗其他活動,快D報名親子團,同埋留意專頁公佈詳情啦!

呀劍評分: 9分


呀劍評語: 其實從遊戲中學習英語真係最快的途徑,鼓勵大家都多D跟小朋友閱讀芥子園的圖書,因為有得睇又有得玩,真係好適合小朋友! 

簡介

齊來參加開學派對,芥子園與Faust携手合作,免費教孩子話劇,適合3-12歲及其家長。外藉導師會以StoryBox 和AdventureBox內的精彩故事為藍本,教孩子演戲,學習溝通技巧、表達能力,及訓練孩子自信心。同場小俠森森也會出現和大家一起玩和拍照! 場內備有本社中、英、法文刊物,供家長及子女閱讀。名額有限,請勿錯過!


(以上資料更新至文章當日)






搜尋

RELATED POST