兆康這個地方往常都只係去屯門的必經之站，估唔到原來這裡也有好去處，今次來到一文青Cafe清山塾，一個十分清悠的地方，在這裡閒着一個下午真的不錯! 如果嫌不夠的話還可到藍地逛逛。
出口向左轉見到扶手電梯落一層
見到行人天橋
穿過行人天橋
轉右沿住彎彎斜路直行
看見一小出口轉出去
就會見到「名賢居」及「神召神學院」，再轉右直行
直行至虎地消防局
橫過對面馬路(沒有交通燈，所以大家要小心)
繼續行前幾步就會見到一斜路轉入去，向下行就會見到「清涼法苑」入口
未到入口亦會看見「清山塾」的小木牌
仲記得「塾」(同音：熟)以前都唔識呢個字! 直至有套卡通「魁!男塾」先至點讀(幣傢伙又暴露了年紀)
入到裡面有一大空地停車場，大家駕車入都可以(不過午時過後會較多人)
沿樓梯上去已經見到「清山塾」的入口
清涼法苑是個出名吃齋菜的地方，而原址於七十年代係一間佛教幼稚園。現在看見的建築特色大部份是接手的茶館留下的(九十年代經營過後結業)
最難得的這裡並非以佛教形式營運
清山塾總面積約六、七千呎，進入後就被這個奇型怪狀的石塊吸引住，看着石塊被風化的坑洞，就看見大自然的力量，居然也可以成為一件藝術品
這個位置係全塊石最幼最窄的連接位，你夠唔夠膽用手去摸摸佢?
可以話係地標的幾個大小攀架，原來這個是一藝術家的戶外裝置作品，它們不同顏色，像幾道彩虹十分美，確實係打卡景點，仲可以俾小朋友玩玩(不過記住玩的時侯要看住小朋友)
另外未行入Cafe前，都看見外園這裡有幾個戶外用餐位置
吊在天花的木製小鯊魚很特別(原來這裡也是一個小小藝術展覽的地方，稍後會再介紹)
這裡也適合各位狗友來的!
洗手間也設於門外旁邊
一行入Cafe就見到地上這狗狗造型的地燈
起初以為於清涼法苑內一定整個環境也會很中式像一間廟，結果原來同我想的相反，Cafe內一陣文青氣息超鍾意。另外也十分喜愛這尖頂屋簷，好有古舊建築特色。
除了有各種書籍及精品外
還放了一枱鋼琴在中間位置，歡迎大家可以試彈
看著一切一切就知道老闆係幾有心思!
Cafe內還有小貓坐陣，不過今日嚟我見唔到佢...可能已走出去Wet
簡單的餐牌只用幾個掛勾及框架展示，食品款式不多，但飲品卻有多款
廚房是開放式就在Cafe中間位置
如果食肉獸覺得食fusion素食悶悶地，都可以試吓他們特製的Cake
餐具、調味料及水都係自助形式，他們用的水杯都係二手的，所以隻隻杯都唔同款，十分環保!
店內環境很寬闊坐得很舒服，我哋差唔多11點半到達，至12點後開始越來越多人
還有少量書籍及Leaflet提供客人閱讀
這個很特別!! 如果設有親子工作坊教大家做就更好
午餐只有兩款，平均一個套餐70-$80再加湯及前菜就接近$100，價錢都唔平
不過如果可以坐下享受一個下午，慢活一番的話，這個價錢也很值得!
我們選擇坐在最近門口的大枱，因為光線比較充足，不過這張枱較其他高，大家可以換高櫈或BB櫈給小朋友坐
我哋各點了兩款午餐再加上一個黑糖蛋糕
這個等侯號碼牌也很特別!
這個甘荀西湯很不錯，當然味道不太重，因為冇其他添加調味料，但係我覺得都很容易接受，跟餐的焗椰菜花加上少少鹽花容易入口很美味
兩小孩都很喜歡這個湯
腰果醬蕎麥麵是一個冷盤，加上配菜蘿蔔絲、冬菇、金菇、腐竹及西蘭花，撈起來吃也十分正，絕對適合沒有食開素食的朋友，不過小朋友一定唔多習慣，但我覺得也要好好用這機會教導他們，大人不要在這情況下就隨便說「唔緊要啦一陣買麥當當你食啦」
另一個飯未上枱前，兩個就出去走一走
哥哥話要同哂每一個攀架影相
當然妹妹都唔執輸，往往哥哥做甚麼妹妹也要跟着，哥哥如也
這個角度影過去，加上古色古香的建築特色及門口的風化石，這張相真係好美! (自己讚自己)
玩完攀架我哋在庭園內走走，發現喺近門口位置的花圃，原來仲有一個小攀架!
嘩! 珍寶腸咁大的辣椒呀
仲有棵好大的大樹菠蘿樹呀!
還有很多龍骨歡迎朋友自取回家栽種
我哋又返回餐桌吃飯了，這種FREE STYLE最喜歡不過，食完又玩玩完又食。這個茄汁燴飯就比較簡單，有幾款菇類跟脆玉瓜及玉子豆腐，不過可惜的是飯只是普通白飯，我跟媽咪都以為會是紅米或其他健康米飯!
最後加上這個黑糖甘筍腰果蛋糕，都好好吃!
又食完一輪出去走走，原來這磚地有人畫了數字玩跳飛機
另外我發現原來離開清山塾，走到清涼法苑內，有個小小天地
沿樓梯上去(不過點都算係法家重地，大家不要太過嘈吵)
這裡種有很多樹同埋盆栽
仲有一個荷花池，裡面有好多芊芊至愛的蛙蛙，仲有幾隻上咗水面曬太陽，芊芊見到超開心
另外荷花池隔離又有個窿，原來裡面養咗好多龜!
另外唔好以為冇嘢睇就離開，穿過這個有蓋用餐的地方，會有寶藏發現
就係呢個舊式韆鞦
又係芊芊至愛!
兩小無猜! 這張相真的很溫馨
突然仲俾哥哥發現有隻甲蟲仔
(大家放心，芊芊最後都冇篤落去傷害小甲蟲)
韆鞦隔離有好多特別形狀的仙人掌
行過後我哋又番去Cafe! 這個午餐好像過了好幾個鐘頭。
這裡用餐後是要自己收拾的，哥哥跟芊芊都好好的分類放好餐具
最後有個小貼士，原來在擺放精品的枱底下，放着一架滑板車及滑步車
庭園還有一個藝術展品室，定期會有不同藝術家發表自己的作品
這個小喇叭會有介紹藝術家作品的故事，因為不想影響整個寧靜的環境，所以聲音很細小，大家只要挨近聽便可
除咗聽，你都可以留言向藝術家發表一下感受
小朋友都係鍾意爬來爬去，臨走前都要在攀架玩多一陣，仲要不停叫我幫他們影相
大家不妨一試來這個享受一寧靜下午!
Photo by CANON 5D Mark IV, Len | EF 24-70mm f/2.8L USM
呀劍評語: 好像一個時間停頓了的地方，在這裡只逗留了兩小時，卻好像在這裡慢活了幾個小時，除了在Cafe享用午餐，還可到其他地方走走，感覺旅程十分充實。雖然Cafe提供的都是素食，但口味也十分切合食肉獸! 不過如果可以多幾個款式及價錢便宜少少就更好!
清山塾 / Casphalt Cafe 簡介
清山塾前身為清涼法苑轄下佛教見修幼稚園，現為大家的新界西後院，以啟發個人學習和社區創意為目標。這裏提供素食餐飲，策劃社區性項目及藝術展覽，售賣書籍、影碟、唱片等，租賃展覽或活動場地，在開放時間內歡迎街坊自由進出。
地點
屯門屯富路清涼法苑內清山塾前身為清涼法苑轄下佛教見修幼稚園，現為大家的新界西後院，以啟發個人學習和社區創意為目標。這裏提供素食餐飲，策劃社區性項目及藝術展覽，售賣書籍、影碟、唱片等，租賃展覽或活動場地，在開放時間內歡迎街坊自由進出。
交通
1) 西鐵或輕鐵兆康站F出口，過行人天橋後沿斜路直落，轉左出屯富路後，沿右邊直行3分鐘（經虎地消防局後橫過馬路前方30米小路入）
2) 巴士嶺南大學站：經興德學校向西鐵方向，轉左入屯富路，沿右邊直行3分鐘（經虎地消防局後橫過馬路前方30米小路入） *勿跟Google Map上屯安里迴旋處
星期二至日 12:00-21:00 （週末私房菜時段18:30-21:00，須預訂）
*星期一休息，如星期一為公眾假期則改翌日休息。
週末私房菜晚餐每位$200，4-10歲半價，4歲以下免費。 預訂需於星期四11am前預訂，落一半訂金為準；歡迎PM或致電查詢。
Artspace 開放時間
星期四至日 12:00-18:00
*其他日子、時間可預約參觀。
*星期一至三休息，公眾假期除外。
網址
casphalt.hk
查詢電話
2461 6288
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。