嘉頓山大家好多朋友都去過! 我家公子公主今晚卻係第一次上去，上年中秋去石硤尾街巿熱熱鬧鬧感受中秋氣氛，今年反而想安安靜靜一家人過，原來上到去又真係幾舒服!
相信好多朋友都知點上去，最方便就係於美荷樓隔離的樓梯行上山
由於今日中秋天氣麻麻地，我決定未入夜就帶住佢哋上去，剛好可以睇埋日落入夜的深水埗景色
唔知大家又知唔知，原來嘉頓山真名係叫「白田喃嘸山」，只不過山腳有嘉頓廠，所以大家順口先叫佢做「嘉頓山」
上嚟有咩好做? 當然唔少得要帶埋最近好Hit我至愛的Faked Moon上山影相
剛好有棵樹可以俾我掠住個大月光! 今晚好多雲，真月亮就未睇得見，唯有睇住個「流」先，但係都真係好靚
好多朋友問我喺邊度買，其實我都係網購番嚟，如果大家真係想知，可以Inbox問我!
呢個老豆自己過完哂癮，小朋友已經喺度自得其樂，同媽咪玩緊燈籠食月餅!
呢度真係"0"光害，黑到不得了! 最後都要出動iPhone電筒照住先切到月餅食
我哋再坐多陣吹吹風欣賞風景，就番屋企食晚飯啦!
(後記：結果9點後時間果然落起雨嚟，好在呢個醒目老爸英明決定在飯前落街玩燈籠)
Photo by CANON 5D Mark IV, Len | EF 35mm f/1.4L USM
想跟我去體驗其他活動，快D報名親子團，同埋留意專頁公佈詳情啦！
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。