【親子好去處】海洋公園「與動物親上加親-約會海豚」

去過海洋公園咁多次，都係遠距離欣賞海豚同殺手鯨，今次難得有機會可以咁近去親親海豚，真係超興奮。話說今次機會係因為我哋之前參加咗個賽馬會贊助的習泳計劃，然後在網上參加咗個有獎遊戲，居然俾我贏咗呢個「約會海豚」的活動。

因為可以免費入海洋公園，所以都比平時自費入場遲咗去。(嘻嘻...自己俾錢先會玩得盡D嘛)

我哋見仲未夠鐘，就去咗睇吓企鵝，呢個係我哋到海洋公園指定參觀項目

我覺得企鵝真係世界上最得意唧動物之一

隻企鵝居然可以游到咁近我哋，等我幫佢影番個大特寫先。

差唔多時間我哋就出發去「約會海豚」的地點啦！「高峰樂園──海洋哺乳動物繁殖及研究中心」真係從來都未聽過呢個地方，原來要落番去越礦飛車那邊再行番上斜路先到。

好在最後都趕得切喺開始前到達。

原來平時海豚同殺人鯨就住喺呢個地方。

原來有好多朋友專程帶埋小朋友嚟呢度睇海豚，雖然佢哋冇參加到「約會海豚」活動，但係都願意隔住塊玻璃去探望海豚。

唔知點解我突然之間，覺得喺度工作嘅人應該幾開心！哥哥咁鍾意小動物，希望佢將來都可以搵到一份照顧動物的工作。

活動都幾嚴謹㗎，參加者必須要填寫一份健康申報表，同埋要簽署一份豁免責任書

好可惜！活動期間係禁止拍攝，所以我只可好活動後去購買官方為我哋影嘅相

因為活動係四人一組，所以我哋同另外一對父女去同海豚玩遊戲。職員先跟我哋一行人分成兩組，一組先去同海豚玩，另一組就同職員玩些小遊戲去認識海豚。我哋被安排先去親親海豚

雖然喺電視睇過多次護理員點樣去訓練海豚，發出指令時海豚有幾聽話，但係到真實出現喺自己眼前，仍然覺得好 Amazing！訓練員要海豚做咩動作，佢就做咩動作，想佢轉身就轉身，完全好似人一樣聽得明彼此意思。

我哋除咗可以發出指令要海豚轉圈、背泳、發聲等，仲可以親手去摸海豚身體，感覺好溫暖。然後仲可以同海豚單獨合照，海豚仲識得影相時擺出甫士

然後到我哋去玩小遊戲，基本上都係重溫番剛才訓練員提到嘅某D重點，好似海豚原來有成接近100隻牙！海豚懷孕原來仲耐過人要成年咁耐！

今日只係得我哋兩仔爺去玩，先至發現好似好少機會得我哋兩個喺埋一齊，難得嘅父子時光，當然俾佢做番D平時媽咪喺度做唔到嘅嘢啦，就係食公仔麵啦！所以哥哥今日超開心

最後再參觀咗鯊魚館先至離開，又搭番纜車過去坐港鐵番屋企，哥哥見到呢卡纜車時，好奇點解個樣特別唔同，我就呃佢話係比較大膽鍾意挑戰嘅遊客先會揀嚟坐，佢又信咗，笑死我！

難得的聖誕好節目！

剛好又撞到海豚樽樽， Match 哂我哋今日「約會海豚」的活動，梗係要即刻走埋去同佢打番張咭啦！

Photo by CANON 5D Mark IV, Len | EF 16-35mm f/2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 8分

呀劍評語: 冇滿分，因為唔俾影相囉！但係可以親手捉摸海豚，發指令同海豚玩遊戲，真係一個不錯的體驗！

地址
高峰樂園──海洋哺乳動物繁殖及研究中心

費用
$360

時間
下午2:45 - 3:25

網上報名
活動日前2天截止報名。

親臨海洋公園入口處票務部報名
活動日前1天 (下午5:00) 截止報名。

即場報名
如當天活動仍未額滿，遊客可於活動開始前90分鐘於歷奇百貨、水都儷影、熱帶雨林禮品店或北極購物村即場報名。

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。