【親子好去處】WATOTO兒童合唱團亞洲巡迴音樂會 2017 Signs and Wonders ＠聖多馬小學

一年一次嘅約會，WATOTO巡迴音樂會，又可以再同非洲烏干達的一班小朋友一齊又唱又跳

今年巡迴同樣租借了各個唔同場地，盡讓更多朋友可以接觸到 WATOTO。今晚我哋就去到一個新會場──聖多馬小學

場地唔算大，不過相反咁樣跟觀眾來得更 CLOSE

一班可愛 WATOTO 小朋友出場！我哋又見面啦！

佢哋載歌載舞，真係好叻！有D目測可能得四歲

今次巡迴的服飾沒有以往鮮艷，只係以黑白紅為主(也有少許着上黃色頗搶眼)

除咗小朋友，當然也有大人助陣，獨唱咗幾支正歌

我夠擔可以話除咗去睇「草蜢」外，去睇 WATOTO 先有呢種 "UN"身"UN"勢嘅感覺

可以唱到全場企哂起身，你話係咪厲害先！

音樂會完咗，我哋都落番去同各位 WATOTO 成員一齊影相。

再拎番前年影嘅一張相比較，哥哥真係大個咗好多

我哋仲幫襯買咗D精品及公仔，希望身體力行去支持佢哋。今年仲新出呢隻「非洲女性公仔」真係隻隻個樣都唔一樣，大家切記要入場之前購買，可能會多D選擇。

呢款就傳統咗少少，呀芊見到都唔鍾意！哈哈～

佢哋兩個都係鍾意動物多D，不過長頸鹿同大象我哋上次都已經幫襯過。而今次又見唔到獅子(因為上次園藝農場的活動，見過有獅子公仔賣)

其實佢哋手製的飾物都唔失禮㗎，全部都係當地婦女用報紙及些小吊飾拼湊而成的項鏈手鏈，都幾有板有眼，一D都唔輸蝕俾本地藝術家㗎！

如果唔講真係睇唔出係佢哋自己親手造的

埋單俾錢！希望小朋友都可以嚟欣賞音樂之餘，都學懂珍惜感恩及樂於助人。

Photo by CANON 5D Mark IV, Len | EF 24-70mm f/2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 10分

呀劍評語: 我哋自從前年欣賞過 WATOTO 的演出後，就深深愛上他們，因為佢哋唱嘅歌真係好感動到我，每次聽佢哋唱歌，就覺得世界實在很大，有太多更值得我們去關心的事，如其只執着於某些芝麻綠豆，何不伸出手去幫助更多有需要的人。

WATOTO兒童合唱團亞洲巡迴音樂會簡介
Watoto 兒童合唱團，將於 2017年10月至2018年4月在亞洲多個地點舉行巡迴音樂會，全新製作主題為「生命奇跡」。合唱團的孩子由烏干達遠道而來，為數以百萬計的非洲孤兒和寡婦發聲。他們有不同的故事，都是被遺棄、生命脆弱的一群，他們為全世界到訪演出的城市，帶來希望的訊息。音樂會製作充滿澎拜活力，演繹現代非洲音樂和舞蹈，孩子們會分享他們如何從黑暗的人生，走進充滿意義的生命，觀眾可以因此而體會到基督救恩帶來的奇跡和歡樂。

免費參觀

網址
http://www.watoto.asia

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。