【親子好去處】冰雪世界 @YOHO Mall

邊個話「這個冬天不太冷」？估唔到今年聖誕可以咁凍咁過，適逢YOHO MALL今年仲攪咗個《冰雪世界》活動有得玩真雪，對於呀哥呀芊從未接觸過真雪，有得去玩雪已經係超級開心嘅事！

YOHO MALL同美國專業冰雪製作團隊SnowMagic聯手在戶外廣場興建咗成4,000呎嘅「真」冰雪世界，只要你消費滿$100就可以換飛免費入場，都真係幾抵玩。

每節20分鐘，而且可以預先15分鐘進入場內換定鞋套 (鞋套超容易穿著，唔駛驚著得慢過人排唔切隊)

今次活動劃分幾個區域，分別有冰雪滑梯、冰雪樂園、童樂園及雪球遊戲

一入到嚟最想玩就係擲雪球遊戲，職員預先準備好一大堆雪球，每個人可擲5個雪球，只需將雪球掉入去分數板的洞裡取分，達指定分數就有小禮物一份

哥哥瞄準分數板，不過下下都落空，原來真係幾難掉！

最鍾意就係捕捉到小朋友呢種自然神態真性情，幾咁醜樣又可愛...(佢自己之後睇番都笑)

之後到呀芊掉，點知個樣仲肉緊過哥哥。

當然佢哋兩個都攞唔到獎品啦，但係對於未玩過雪嘅佢哋，已經玩得超開心！

然後我哋就過去玩「冰雪滑梯」，兩條堆滿真雪的冰雪滑梯，分別高2米及3.5米，要高過120cm先可以去玩3.5米高的滑梯

自己水泡自己抬，不過都真係幾重，所以去到樓梯都係要職員哥哥幫手

先係呀芊挑戰膽量，佢話要滑先！同上次爬樹一樣，都唔駛哥哥做一次俾佢睇，其實佢都真係幾膽生毛

不過斜度真係好適合小朋友，唔會太斜太驚險，而都好夠快，真係小朋友玩得開心，家長都睇得放心！

到呀哥挑戰高滑梯，其實以佢蛇"quare"性格，就有少少驚唔想玩，不過見人哋話高過120cm就應該玩條勁D嘅，所以佢最後都揀咗呢條3.5米高嘅滑梯 (其實呢個角度望落去又好似真係幾斜)

哥哥話佢玩嗰陣個心好痛，相信佢係想講有離心力...哈哈～

刺邀過後，我哋就走入「冰雪樂園」一齊砌過...講緊砌雪人啫！

一嚟見到有個雪撬，即刻坐上去拉番兩轉啦！當然係呀哥拉妹妹啦

做呀妹就最幸福啦，到調轉哥哥坐而你去拉嗰陣，拉都拉唔到郁呀哥...

利申，下圖雪人應該係官方砌，不過我哋都有份幫佢加厚D

現場雪地超多工具提供，我可以好肯定每個小朋友唔駛等隔離玩完先有工具到手

正所謂「入得嚟玩，預咗要...俾佢哋掉」當然我同媽咪自然係俾佢哋當成目標走唔甩啦，又係時侯測試一下我部相機嘅耐冷防水程度

大家見到左上角白濛濛一片就知道中咗招

真係「一波未停，一波又起」到呀哥掉我，呢個更加唔會留手，當然我可以避，但係為咗影靚相都冇辦法啦

又嚟！

都係叫佢哋自己互相廝殺好喇

大戰完一輪，突然另一邊有好多人歡呼

原來每場臨完前5分鐘，都會有噴雪機製造「真」飄雪場景，呢個都係必打咭位

但係唔夠一分鐘，兩個又開戰啦！

大家快D最後幾日嚟 YOHO MALL 玩吓啦！

Photo by CANON 5D Mark IV, Len | EF 16-35mm f/2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 10分

呀劍評語: 「雪」係呀哥呀芊一直好想見到的地方，但係我哋遲一直未有機會去，撞啱今次YOHO MALL的活動，俾佢哋可以暫時止一止渴，見佢哋玩得咁開心，連我哋都開心埋一份！

地址
元朗朗日路9號YOHO MALL I 露天廣場

日期
2017年12月1日至2018年1月1日

時段
3pm-8pm (星期一至五)
12nn-9pm (星期六、日及公眾假期)
12nn-12nn (除夕31/12/2017)

入場券換領地點

聖誕禮品換領處 (近Pandora)

入場券換領時間

11am-10pm

只要在場內以電子貨幣單次消費滿$100，即可到聖誕禮品換領處換領冰雪世界入場券一張，每人每日最多可換領4張入場券。但大家要留意，由於每節場次的入場名額有限，因此所有入場券先到先得，換完即止！

電話
(1期)2651-1861/(2期)2476-9920

網頁
www.yohomall.hk

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。