【親子好去處】Farmers' Market @黃金海岸商場

由今年一月開始，一直到五月在黃金海岸商場這裡都會有 Farmers' Market，大家除咗可以搵到好多 Organic 嘢之外，只要喺商場買夠$100，仲可以參加工作坊一齊整番樽四季桔果JAM，拎番屋企慢慢嘆。

如果大家錯過咗之前一月及二月份的 Farmers' Market唔緊要，仲有三月至五月份，大家千祈唔好錯過喔。

呢次由黃金海岸商場聯同 vGo Market 籌備的 Farmers' Market，搜羅全城最優質嘅農產品。

就在商場中庭有多個攤位擺放，有來自大嶼山的二澳雜貨，產品都係自家製的。

呢個自家製XO醬、辣椒蝦醬同豆豉醬，呀哥試到咀妙妙! 當然唔係難食，只係佢還少未接受到咁刺激的味道。

這個XO醬是素的，非常特別! 還有豆豉醬很鮮味，我放少少入口試一試，唔係得個「鹹」字，入口帶甜!

來到這檔專售台灣直送產品的「二三糧倉」，老闆推介的養生火龍果麵、湘湘農坊暖心薑糖。

呀哥呀芊飲過呢杯用乾檸檬片浸過的水，都好鍾意飲!

還設有分享會，配上不同主題，大家可以在商場消費指定金額，再憑發票到現場報名。

行到這家「Erickson」試試他們的傳統四季桔果醬，即摘即製又不含防腐劑、添加劑及人造色素香料等，真係超健康。佢哋仲有純正蜂蜜，同樣香港製造。

我哋跟住都真係即刻去求其買咗D嘢買夠$100，到3:00就去參加咗個鹹柑桔工作坊。

最後去到「小蜜峰農莊」，兩個小朋友好快就俾個蜜蜂箱吸引過去

我哋仲試飲咗少少峰蜜，的確好好味，經過加工後，唔會太甜又唔會太淡。

連呀芊都好似專家口吻咁話「OK...」(轉身瀟灑離開)

到咗工作坊開始，所有四季桔早就洗乾淨預備好哂，我哋要將桔個椗剪走，切記又唔可以剪走哂，因為桔一穿就好容易發霉。

我哋要做的也很簡單，只要將鹽注入樽，蓋上再打好印有日期的Chop就完成，我更期望可以有更多步驟可以俾小朋友參與。

五年後先拎出嚟飲，希望到時記得樽四季桔放咗喺邊，哈哈～

Photo by CANON 5D Mark IV, Len | EF 16-35mm f/2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 8分

呀劍評語: 放假唔好想同人逼，嚟黃金海岸商場 Farmers' Market 行下再嘆個 High Tea 真係好爽架！

Farmers 'Market 簡介
節慶期間要籌備豐富盛宴，材料新鮮優質至為重要！星期六及日，黃金海岸商場聯同 vGo Market 為你搜羅全城最優質嘅農產品，呵護你及至愛親友的五臟。

市集期間更設有製作鹹柑桔工作坊和本地農耕分享會，和你細訴本地農夫的點滴。製作鹹柑桔工作坊由 Erickson Organic Farm 主理，材料選用其自家種植的有機柑桔並配以澳洲海鹽製作。

地點
香港新界青山灣青山公路1號黃金海岸商場

活動日期
24-25/3；28-29/4；26-27/5

活動時間
12:00-18:00

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。