惜食堂大家都聽過，嗱...嗱...嗱，唔好再攞「識」食嚟做爛GAG啦！當然人哋玩食字玩得好，不過估唔到佢哋最近多咗個全新體驗館又玩多次食字...粒粒皆辛「館」 。
「粒粒皆辛館」就位於深水埗海壇街，沿住九江街直入就好容易見到，今日係星期日條街都比較靜。另外今日亦係呀劍帶團，同埋專頁Friend子一齊參與呢個活動。
地下係廚房，一樓就係「粒粒皆辛館」，二樓係辦事處，三樓就係社區中心。
入去直上一樓轉右就係。
歡迎來到「粒粒皆辛館」，我好鍾意佢哋句Slogan "No Pain, No Grain"
參加朋友先被安排到一房間，一陣開始嘅時侯就係喺呢度Briefing。
同呢個招牌大字「WASTE NOT」打打卡先。
仲有幾個超萌蔬果公仔，同埋 Food Angel 米仔！
開始呢個粒粒旅程之先，等大家都認識一下惜食堂的背景先。真係唔講唔知道，原來依家每日做逾7,000個熱飯餐免費派俾老人家食。
所有小朋友都化身做「米仔鬥士」
旅程開始，我哋先入另一個房間睇一條短片，認識一下今時今日香港有幾幸福吧！只不過幸福的同時，究竟有幾多人活在貧窮之下，兩餐溫飽都仲成問題。
香港每天都製造大量廚餘，除咗你同我，仲有各大食肆、超巿、酒店商場等。究竟我哋要點樣作出改善呢？
去到另一個房間，又學到好多食物的冷知識，原來有某D方法可以延長食物的保鮮期, 又或者可以令食物快D熟, 真係好神奇!
各位小朋友都手拎住一件道具蔬果，睇吓佢哋知唔知要放喺邊度先至對蔬果最合適。原來真係有咁多學問，就算家長們一個二個都「吓！點解嘅？」(飊高音)
之後要教下各位小朋友買任何嘢之前，要學識睇「食用到期日」，咁就唔會做大嘥鬼。
然後去到「虛擬實況影片區」繼續體驗，喺呢度大家會化身做一件食物，感受一下如果自己好似食剩的食物被掉棄到垃圾筒，係點嘅一回事。
兩個見到自己將要被人食落肚嘅場面，今次真係笑到見牙唔見眼。
感受完虛擬世界，我哋轉個頭去番現實世界。
一手一腳將回收番嚟嘅菜，逐棵逐棵將黃的壞的菜葉撇走。
哥哥一開工真係快手快腳，好快就將整籃菜好快咁撇哂。
大家快快手手完合力完成咗呢個任務啦！
當然要特別讚下呢兩個好幫手。
認識了「惜食」後，我哋再到另一展區，去體驗一下獨居長者及劏房問題。究竟要踩幾多個汽水罐先可以買到一個飯盒食？
呀芊好努力咁一個一個汽水罐去數。
劏房可以有幾細？小朋友從來冇諗過呢個係一個人住的屋企，甚麼我都認真反思一下呢個問題，究竟香港今日仲出現呢D狀況？
呢個1：1的真實劏房空間，睇見內心真係有D酸。
小朋友可能仲未知$1一蚊有幾多，雖然活動完咗佢哋都未會感受到長者的苦況，不過另一邊都可以俾佢哋知道自己並非最苦的一群。
除咗汽水罐，最常見公公婆婆喺街邊就係執紙皮，其實一代又一代，時代就不斷進步，但係長者仍然係用緊呢兩個最主要方法去維持生活，真係好諷刺。
體驗完結，最後多謝各位高質團友的出席，陪埋我一齊開心玩咗個晏晝，希望大家得到的唔單止咁少，而係更認識到愛惜食物及關愛社會的長者。
Photo by CANON 5D Mark IV, Len | EF 16-35mm f/2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評分: 10分
呀劍評語: 實在係一個好有意義的活動，小朋友玩得開心之餘，大人亦從中體驗到現今社會的畸型情況，希望大小朋友都有所得益，請繼續支持「惜食堂」及「粒粒皆辛館」。
「粒粒皆辛館」是全港首間融合惜食、關愛的實體展館，在旅程中大家將會接觸惜食冷知識，更會了解到香港以至全球的食物浪費及飢餓問題。
全港每天棄置3,300公噸廚餘，其中有三分之二來自家居，即是每人每天產生0.33公斤廚餘。參加者將可挑戰自己，化身米仔鬥士，進入不同展區，透過互動遊戲、影片及實戰去發掘「粒粒皆辛苦」的真正意義，從而領略珍惜食物的重要性。
館內亦會反映香港長者現況，讓參加者更關注社會，關心有需要的長者。
我們希望參加者經歷這趟旅程後，能夠作出小改變去減少廚餘，能夠做出小行動關愛社會上有需要的人。由一段旅程，喚醒一份關愛，宣揚惜食！請與我們一起「停止浪費、解決飢餓、以愛相連」
館址
九龍深水埗海壇街235號豐盛大廈1樓
開館時間
星期一至六 (星期日及公眾假期休館）
活動時段
體驗活動每日分兩場 (每場約2小時)
上午時段：10時至12時
下午時段：3時至5時
語言
廣東話 / 英語
預約
學生體驗團
歡迎全日制辦學團體、社會服務機構、青少年組織等報名參與。學生體驗團票價只適用於年齡介乎6-24歲(以活動當日計算)人士。
收費：每位港幣100元 人數：20-40人(每團最少20人)
企業/機構體驗團
歡迎企業/商業機構報名參與，此團特設挑戰極限之旅，讓參加者在深水埗街頭來個「真」體驗，與長者「真」同行。
收費：每位港幣400元 人數：20-30人(每團最少20人)
親子體驗團
歡迎親子以團體報名參與，參加的子女年齡介乎6-15歲（以活動當日計算），每位子女最多由兩位監護人陪同出席。
收費：成人每位港幣280元，小童每位港幣180元人數：20-40人(每團最少20人)
備註： -註冊慈善團體 (依據稅務條例第88條)可申請收費減免。 -所得收益扣除成本後將撥捐本會社區服務用途，幫助有需要的人。
網址
http://www.foodangel.org.hk/foodstepjourney
電郵
[email protected]
查詢
3705 2484
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。