終於到我哋嚟Pixar展啦! 識去的一定就完之前呢段時間去，就唔駛同人逼，可以舒舒服服咁睇。小朋友可以一次睇番哂咁多套Pixar動畫，最幣俾佢哋發現有幾套未睇過，即刻嘈住話要買碟番屋企睇。
不過好多朋友仔都扁哂咀，因為一眾角色的位置都背哂光，所以有家冇閃燈都完全影唔得靚。
先買番張飛入場，呢個Pixar展係需要收費 (成人 $20 ；小童 $10)，加埋就成$60，我哋就索性買家庭通行證 (適用於最多四人，須為親屬) 港幣 100 元，可於有效期內可無限次參觀。
今次展覽搵咗《超人特工隊》做樓梯呢個打卡位，可能大會都知道嚟參觀多數係一家大細，所以放佢哋做門口招牌位就最啱。
電梯上到嚟都有個大Backdrop可以用嚟影番張團體相。
進入展覽館參觀，一如期望可以見到一眾動畫角色模型、歷史、創作過程及其手稿。
臨離開展覽館，有一個小小的留言板，可讓小朋友畫一畫及留一留言。
在館外就有毛毛及大眼仔於《怪獸大學》的造型打卡位
已經進入倒數階段，相信最後幾日會人山人海，最理想係依家到二月尾時侯去，相信會係最合適。
除咗專題展覽館，仲有幾個位置大家千祈唔好睇漏眼，第一個就係同層的露天廣場，有McQueen可以打卡!
仲有地下層的兒童探知館，有三眼仔同巴斯光年可以影相，同埋館內的懷舊玩具專區改設為Pixar展覽放影節目，只要提早到現場攞飛就可以入場欣賞。
就係呢個「藝術風景」節目，片長只係15分鐘，大家可以跟住時間表去攞飛。
最後仲有時間可以去欣賞埋其他展館，有水墨畫、海報展、金庸館及李小龍館等等，一個地方睇咁多個展都幾抵架!
Photo by CANON 5D Mark IV, Len | EF 16-35mm f/2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評分: 10分
呀劍評語: 真係唔知幾時會再有咁大型的Pixar展覽，所以真係唔好錯過，依家進入最後倒數階段，到3月5日就完啦! 如果未去快D帶小朋友去參觀一次，留個紀念吧!
香港文化博物館於2011年曾經展出彼思動畫的精彩作品，廣受觀眾歡迎。這次我們很高興與彼思再度合作，並以「友情和親情」為主題，特別為香港觀眾策劃另一個專題展覽，作為慶祝香港特別行政區成立二十周年的其中一個文化活動。是次展覽介紹各種以傳統及數碼媒介創作的精選作品，包括手繪素描稿、彩繪、分鏡圖及雕塑等，這些既是彼思藝術家歷年創作的成果，也是每部動畫電影製作過程中不可或缺的部分，當中每個圖形、顏色和線條，都是為了表達角色的喜怒哀樂，以及發生在他們身上的故事。此外，展覽亦透過創作人的訪問片段，讓觀眾窺探原創故事的靈感來源。「彼思動畫30年：家＋友‧加油！」將為觀眾提供一個難得的機會，透過超過300件展品了解彼思電影背後的藝術技巧和創作過程。
地點
香港文化博物館
一樓 專題展覽館一、二及 地下 香江童玩展廳
日期
2017年11月18日 - 2018年3月5日
開放時間
星期一、三至五 10am - 6pm；星期六、日及公眾假 10am - 7pm；星期二休館。
入場費
$20標準票；$14團體票；$10優惠票 (持有博物館通行證免費入場)。
網址
http://www.heritagemuseum.gov.hk
查詢
2180 8188
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。