『龍虎山』一聽個名就覺得江湖味好重，聚集好多勁人於一山的地方。『勁』係勁，不過唔係『勁』人，而係『勁』多動物昆蟲植物的地方。最近參加咗龍虎山環境教育中心舉辦的『龍虎山生態速查 Lung Fu Shan BioBlitz』活動，自細就好鍾意四圍探險的哥哥再一次興奮起來。
我身邊的家長朋友都話未聽過「龍虎山」呢個地方，其實就係喺HKU附近，我哋搭港鐵喺香港大學A2出口行
搭Lift上到去就係邵逸夫樓圖書館，跟住我以下圖片一直行，就好容易去到龍虎山環境教育中心，全程大約15-20分鐘
靠左行
沿有蓋通道前往
看見這塊藍色指示牌就已經一定識繼續行，因為好短距離又會有一塊指示牌教你點行
剛才指示牌靠右行就會見到「許士芬地質博物館」
繼續向前行有個露天休憩區
又見到藍色指示牌
然後上"Z"型斜路
過對面馬路上樓梯
再上這條樓梯就會到達「研究生堂」
哥哥行到呢度話要抖一抖，所以就坐咗喺個小涼亭休息一下
一直上又看見馬路，直接過對面綠色閘口上山
進入這裡，就即將到「龍虎山環境教育中心」
沿樓梯一直往上走
右手邊是一條粗粗的大水管
今次預備埋小相機俾哥哥，可以沿途拍攝記錄低自己鍾意的景象
發現這個樹景太美...所以停低打打卡
看看這個「龍虎山環境教育中心」路牌
"U" Turn 上小斜路，再行十幾級樓梯就到
終於到...
一入到嚟就俾呢座白色建築物吸引，原來係一級歷史建築物。見導賞仲未開始，忍唔住即刻同哥哥周圍打打咭
呢度唔係好大，但係都有幾個地方值得參觀，剛才介紹的白色建築物，叫「匯展堂」，係一級歷史建築，依家用作展覽廳。
一入到嚟除咗有冷氣嘆之外，仲設有一個小小的「博學庫」，有差唔多600本 藏書，內容關於雀鳥/蝴蝶/爬行 及兩棲 類動物/昆蟲/植物/哺乳類動物/全球氣候 變化/總類，其中約150本藏書專為小童而設。
仲有詳細天氣分析設備
展覽廳裡設有 兩個常設模型 – 氣候變化和溫室效應及氣候變化 的成因和後果。
溫馨提示：這裡有部小水機(見圖中)，大家可以在這裡Refill水及設有洗手間，有工作人員定時清潔，十分乾淨!
哥哥近距離細心觀察唔同種類的果實
用手摸摸不同岩石的表面，在小朋友眼中可能一直認為石頭只有一種
導賞員點完名之後，我哋就開始導賞行程啦! 我哋先喺「龍虎山環境教育中心」外花園走走
先到生機池觀賞一下池中的小蝌蚪
哥哥話自己影到蝌蚪超開心
我自己都好難影到，睇嚟我都要入番支100 Macro (好後悔之前放咗)
哥哥欣賞番自己影的相，感覺好滿足!!
導賞員搵到D四腳蛇蛋蛋，白色一粒粒嗰D，哥哥睇錯咗螺絲(笑死我)，大家都覺得好新奇
哥哥都幾專心咁聽住導賞員講解
然後我哋發現一款好得意既蟻，佢個名叫做「黃猄蟻」，佢哋可以口裡吐出白色絲，將鄰近樹葉黏埋一齊，編織一個蟻巢出嚟
不過大家唔好俾佢爬到上身，因為佢哋受到威脅都有機會咬人
仲有都睇吓其他植物...喺呢個時侯，導賞員同我哋講，有松鼠出現! 我哋即刻抬頭望，真係俾我哋見到松鼠呀, 仲好肥好大隻
不過佢實在跑得太快，所以我都對唔切焦!! 唯有俾官方相大家睇吓啦
之後大家一路沿香港大學方向落山，哥哥發現呢棵樹叫我都要影埋一份，佢話好似一個人爬咗喺棵樹度咁
最後落到「蒙國平花園」，好大棵竹樹呀!
池塘荷花都謝了，導賞員話佢哋雖然謝咗，但係佢哋儲定能量係根底部，到出年春夏時侯會再一次開得好靚
另一邊魚塘的水好清呀!!! 影得條鯉魚超靚
最後落到港鐵站就完成整個導賞旅程
臨走前發現呢棵生滿草既樹，覺得超美! 忍唔住同哥哥影多幾張相先離
Photo by CANON 5D Mark IV, Len | EF 24-70mm f/2.8L USM
呀劍評分: 8分
呀劍評語: 原來這個地方已經有了很多年歷史，一般來說要在香港看到自然生態都有點困難，所以這裡實在是港島朋友一大寶藏! 大家可以隨時帶小朋友周末假日上去走走，親親大自然。
龍虎山環境教育中心於2008年4月由香港特別行政區政府環境保護署及香港大學合作成立。中心主旨及目標是推廣自然教育及藉著互動學習鼓勵公眾人士欣賞自然及建築環境，增加公眾對可持續發展及低碳生活的認知
地點
香港半山旭龢道50號 [近大學道入口]
開放時間
星期二、四至日 10:30a.m. 至 5:30p.m.
星期三 10:30a.m. 至 2:30p.m.
星期一全日、星期三下午、新年、農曆新年及聖誕節公眾假期休息
費用
全免
查詢電話
2975 9031
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。