【親子好去處】Museum CONTEXT X Harry Potter Pop-Up Store

Fans必去！Fans必去！喺銅鑼灣都可以搵到「哈利波特」呀！我哋今日到Harry Potter Pop-Up Store，店主跟英國愛丁堡的Museum Context合作，將所有「哈利波特」精品擺設，全部空運到銅鑼灣。

就喺銅鑼灣F出口向恩平道方向行，好容易就見到Pop-Up Store位置。

因為棟舊式唐樓，大家未必知道入口係邊度，其實就係過咗白沙道交界再行前少少，就會見到入口。

Pop-Up Store就位於一樓，行一層就到，門口貼咗好多告示，模彷番故事中的場景。

開店於唐樓中真係特別適合，古老味道出哂嚟。

店內周圍放滿「哈利波特」戲中的物品，每一件都熟口熟面，一見到就勾番起好多戲裡片段。

我哋算不上係超級粉絲，但係咁多集都買哂番屋企煲。

呀哥見到呢樣嗰樣，就即刻話「我記得啦...」不過大家都噏唔出係邊一集，哈哈~

咁多件精品，你又認得出幾多件?

店內有幾幅壁畫，真係靚到震！

這裡設有一個小角落，可以俾粉絲們著上「霍格華茲」學院的校服，扮下「哈利」仔開心打咭。

呀哥著上斗篷、「葛來芬多」學院的頸巾、分類帽又幾似哈利仔喎，哈哈~

如果加埋個閃電喺額頭仲似...

仲有妙麗芊一齊上堂。

哈利哥特拎住支魔法杖，妙麗芊拎住個放大鏡仲攪笑!

嘩...玩玩吓又再試另一個造型，原來除咗頂帽仲似!!!

即刻唸番幾句咒語「疾疾護法現身」、「去去武器走」、「空空遺忘」...

呀妙麗芊突然唸「胸胸遺忘」，雙手放在自己胸口上，跟住講....「射奶」笑到大家趴咗喺地。

呢個妹究竟喺邊度學番嚟...

3/4月台手錶

大家仲記得呢兩隻獸喺邊一集出現過?

金探子鏈咀

金探子

自一月開店後，有好多件貨都賣到斷哂(包括哥哥手上的金探子)，店主已積極入貨中。

呀妹呢支會發光的魔杖都同樣斷貨了。(不過應該三月尾前會到貨)

由依家到五月尾，大家快D去睇吓打吓咭啦！話唔定仲可以俾你撞到限量版精品。

Photo by CANON 5D Mark IV, Len | EF 16-35mm f/2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 10分

呀劍評語: 全家都太鍾意睇「哈利波特」，所以一定俾滿分。想上去打咭就盡量早D時間冇咩人時上去啦，唔駛太阻住人做生意！

Museum CONTEXT X Harry Potter Pop-Up Store 簡介

銅鑼灣一家復古小店就跟販賣哈利波特商品的英國愛丁堡 Museum Context 合作，推出期間限定的哈利波特 POP-UP Store！

地點

銅鑼灣恩平道19號一樓

日期
即日起至5月31日

營業時間
星期日至星期三中午12點至晚上8點
星期四至星期六中午12點至晚上9點
Facebook
@museumcontext

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。