包膠！包膠！各位爸媽！又有新場，今次仲係大家就腳的銅鑼灣皇室堡。這個親子樂園有齊「Planet J Macau 冒險王國」的一班老友，呀哥同呀芊一見到就認得出，仲記得佢哋叫咩名喔！
「魔石寶寶、橙皮兔、星曈貓」，兩個細路都仲認得，我話「橙皮紋」就知係咩...「橙皮兔」真係唔記得，哈哈～
一去到皇室堡扶手電梯上到1/F，再右轉去搭升降機到13/F就是了。
未去到門口見到牆上面一個個「Planet J」角色，全部變咗Q版(原來都已經好Cute)
先睇睇個價錢，收費尚算合理，平日4點打後一大一小都係$80，即使假日最旺時段也是$180，唔好忘記呢度係銅鑼灣！
如果你哋都去過澳門玩「Planet J Macau 冒險王國」對一眾角色都唔會陌生。
好想全部角色公仔都拎哂番屋企喔！
入到場內就先是一個「休悠小島」，有化梳及些餐桌，最啱冇電嘅爸媽喺度避一避。
設有Locker及鞋櫃，大家開始出動！
場內4,000呎的空間，設有各樣適合唔同大細小朋友的設施。
先消一消毒，清潔一下手。
「Planet J Kids」係美國冒險樂園第一間以學前BB/幼童為主的遊樂場，有齊照顧嬰幼兒的設施，及超注重兒童健康安全問題，所以已經有專業公司負責去除甲醛及消毒，可以令爸媽放心俾小朋友去玩。
另外，其中最大賣點是設有6大遊戲區...
最吸睛是這個大滾筒(遊戲區：太空彈步)，兩小即捐入去碌個不停，仲記得呀芊細個成日都唱「Ten in the bed」唱到「Roll over roll over」就喺張床度左碌右碌，今次仲唔啱哂佢。
咁大個筒可以幾個小朋友同時一齊捐入去玩。
超大的波波池，兩個飛身跳入去極興奮，呀芊即刻指住前面，唔知發現咗D咩。
至愛的彈床就再一次出現，兩個有邊理由唔入去彈番轉。
原來頭先呀芊指住的，就係(遊戲區：奇幻互動地帶)，哥哥最喜愛的大型投影光幕，可以俾小朋友隨手拎起波波掉埋去打怪獸。
哥哥一直留咗喺度玩咗成粒鐘，所以之後D相都唔多見到佢。
呀芊一直在跟Flamingo玩，坐在波波池上面飛，連掉波玩互動遊戲都懶得落嚟...
咪攪成咁囉，哈哈～
身後還有個爬山牆 (遊戲區：勇者之丘)，不過只適合高度130cm以下的小朋友。
玩玩下研究出「懶人玩法」，直接拎住個波去到影幕前打怪獸
係咩玩法？
請問咁玩仲有咩意義？笑到翻肚，不如就咁用手拍影幕好過...
波...波...全部都係波波！
我家的招牌波波合照。
終於肯到其他地方玩玩，(遊戲區：創意積木城) 最適合幼童玩。
大量軟膠積木俾小朋友練練手肌，自己屋仔自己砌。
小朋友爬過身後的魔法標記，仲有個小型波波池同瀡滑梯玩。
細細個喺度玩絕對放心！
睇佢哋花幾多時間在那遊戲區，就知道嗰度適唔適合佢哋玩。
所以家長可以放一萬個心，在這裡不會遇見這麼大的小朋友。
(遊戲區：想像工作室) 有各類木製玩具、圖書及道具，想做廚師有「煮飯仔」玩，想做工程師又有相應的玩具。
如果小朋友有家姐細佬的，在這裡完全可以唔駛爭，各有各玩。
「Planet J Kids」都非常明白母乳媽媽的需要，所以特設有「哺乳室」
要換片同樣唔駛行到外面，在這就可以解決。
同時「Planet J Kids」都歡迎大家包場開Party。
一眾小朋友就來個「人日生日會」吧！
這個漂亮媽那裡來生了他個小孩！(自己親生的卻看不見臉~)
在休憩區亦不定時設有手藝工作坊，今天剛好學做狗仔手作袋，一款$30，可以到前枱報名即場參與，最啱小朋友放了半電，順便回一回氣再戰。
做小勞作是兩小最愛的吧！爸就最驚了...所以可以俾佢哋自己一手一腳去完成。
呀芊都幾好嘢喎...將耳仔反一反，狗仔又變兔仔。
一人一個手袋仔，以後去街就掛上身吧！
但佢哋好似當咗係面具。
轉個頭又番回波波池繼續放電喔！
芊芊話這碗是西米露。
哥哥突然被兩個小朋友包圍困住。( 其實係佢自己走入去)
愛錫哥哥的呀芊用力要救佢出嚟...
兩個玩到唔捨得走，最後玩到肚都餓先至肯離開，只要輕按閘上小掣便可以，毋須職員每次按掣非常方便！
記住 Planet J Kids 可以一次入場同日無限任玩。
臨走前當然要同一眾角色影張相！
Photo by CANON 5D Mark IV, Len | EF 16-35mm f/2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評分: 10分
呀劍評語: 特別為幾個月以上幼童而設的遊樂場，好適合爸媽逛街耐了上去抖一抖，小朋友可以放一放電。而且各樣設備齊全，專屬環境設施分明，幼童可以玩得開心，家長又玩得放心。
Planet J Kids 簡介
Planet J Kids是由美國冒險樂園打造的全新銅鑼灣親子樂園，設六大好玩遊戲區，讓各區小朋友與家人隨時都能方便地到來暢玩！ 場內以 Planet J Macau 冒險王國的一班可愛卡通人物為主題。魔石寶寶、雙子精靈、橙皮兔、星曈貓..都一齊由澳門過海來到Planet J Kids與大人、小朋友大玩特玩 !
Planet J Kids是由美國冒險樂園打造的全新銅鑼灣親子樂園，設六大好玩遊戲區，讓各區小朋友與家人隨時都能方便地到來暢玩！ 場內以 Planet J Macau 冒險王國的一班可愛卡通人物為主題。魔石寶寶、雙子精靈、橙皮兔、星曈貓..都一齊由澳門過海來到Planet J Kids與大人、小朋友大玩特玩 !
地址
銅鑼灣皇室堡13樓1301-1305號
營業時間
11am – 9pm (Mon – Sun)
收費
查詢電話
2441 2778
網址
http://www.jumpingym.com/planetjkids
Facebook專頁
https://www.facebook.com/PlanetJKids
(以上資料更新至文章當日)
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。