【親子好去處】黃大仙中心「風喜動 ‧ 迎新春」

得知黃大仙中心有個巨型七彩風車陣，雖然我哋並唔迷信，絕對唔係要嚟轉運，但係當佢藝術品嚟打打卡都不錯!

黃大仙中心有分南、北兩館，呢個新年「好運風車陣」就設於北館。

入去上咗一樓就離遠見到風車陣，兩個細路都即刻嘩嘩聲!

風車陣由16,888個獨立風車組成，有成6.8米咁高，真係紅橙黃綠青藍紫，七色有齊哂!

仲有好多人唔知，其實呢個裝置造型係個8字形設計。

由黃色到紅色這段就最美美，所以係官方打卡位置。

唔好以為就係咁簡單，裡面仲有個風車拍照區，

一家大細可以走入去影張好特別既相。

不過有個簡單步驟要做咗先可以入去影，

大家只要用手機在外面打個卡，然後上載instagram或wechat等社交媒體，再hashtag #黃大仙中心，就OK

叫哥哥影呀妹先!

睇住佢哋互相影相好可愛。

影完張相再Post上去hashtag。

然後就可以進入特別拍照區。

咦! 原來係瞓喺度影架。

對住風車陣頂的Camera，瞓喺度擺出唔同甫士，每次進入有2次機會拍照。

影完之後都可以停留喺裡面一陣影多幾張相

離開拍照區，職員會俾番你揀要邊張相，然後大家用手機相機Scan QR Code就可以在自己手機出現下載。

出到嚟原來又幾靚!

我哋忍唔住要排隊再玩多次! 今次一家四口一齊影。

臨走前再同佢哋影多陣，順便俾大家參考下個甫士。

進入倒數階段啦，去到3月4日咋，大家快D去影番張靚相啦!

Photo by CANON 5D Mark IV, Len | EF 16-35mm f/2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 10分

呀劍評語: 真係好靚! 大家迷信唔迷信都好，當佢係件藝術品，過年過節同一眾風車打番張卡，真係由年頭靚到年尾。

「風喜動 ‧ 迎新春」簡介
領展黃大仙中心特別以16,888個獨立風車打造高達6.8米高的風車陣，更以彩虹色調配上8字形設計，喻意新年風生水起，好運無限來！風車陣亦會挑戰「最大規模風車展示」健力士世界紀錄，絕對是新年必到的聚腳點！

地點
九龍黃大仙龍翔道136號
領展黃大仙中心北館1樓中庭

好運風車陣
開放日期：2018年1月30日(星期二) 至3月4日 (星期日)
開放時間：下午12時至8時 (2月15日開放至下午9時)

獨一無二風車拍照區
活動期內上載任何與「最大規模風車展示」的合照到社交媒體，並hashtag #黃大仙中心，即可進入風車拍照區拍攝獨一無二的照片。
日期：2018年1月30日 (星期二) 至3月4日 (星期日)
換領時間：下午12時至8時 (2月15日換領至下午9時)
地點：領展黃大仙中心北館1樓中庭

網址
https://www.linkhk.com/tc/promotion/210?ppt=1

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。