住九龍灣的小朋友真係有福了，因為九展又有新兒童樂園開幕啦！位於L3的宏美兒童樂園 Wellcome Paradise，點解可以叫佢做「樂園」，因為呢度真係好大喔！
我已經研究過點行係最快到 Wellcome Paradise，大家只要進入九展後即轉左向麥當勞方向行，見扶手電梯即上兩層就到，非常簡單方便。
上完一層見超巿，再上多層就到。
以森林為題及黃、綠為主色調的 Wellcome Paradise，主要對象為 6個月至 10歲小朋友，在入口處前已經有個電子投射互動遊戲在地上俾小朋友玩。
而且最特別嘅係鞋架係放在外面，又可以確保樂園內乾淨整潔。而且鞋架又夠高身，大人唔駛「烏」低身都可以放鞋。
大家特別注意：
- 家長及小朋友請穿着襪子
- 為確保場地清潔衛生樂園內不准飲食
樂園設有超多儲物櫃，毋須額外收費。
Locker 鎖匙可以戴在手上，另外也同樣需要戴上手帶以作識別。
其他設施仲有嬰兒車停泊處及哺乳室。
一進場就看到超巨大迷宮，呢度佔地總面績超過9,000平方呎，而且全是黃、綠色的設計，據說這是澳洲常用的主要顏色。
最具特色，亦都可以話係呢度嘅 icon 標誌設施，就係呢個分上下層的懸空繩網陣及超大波波池。
特別介紹一下設計者的心思，知唔知道點解要用黑色的網分隔開玩樂區？
用網當然係俾玩到謝哂的爸媽，一個繼續接力陪住小朋友玩，另一個可以坐係外面邊休息邊睇住入面情況。
至於用黑色的原因係因為黑色的網，不論由核心內圍望出去或者核心外圍望番入去，大家視覺上可以更清楚容易睇到內外情況。而且全係人手編織而成，同埋大部份用上兩層網，十分安全。
放電時間開始，呀哥一開閘就往上跑，上去大型懸空繩網陣「宏美林蔭」歷奇
其實整個設計係模彷森林一棵大樹，而懸空繩網就係樹的頂層，可以向下直望樹底的波波池。
呀哥同呀芊走在網上，哥哥好明顯一D都唔驚，相反呀芊就唔敢行...一味嗌救命同「唔好」「唔要」。
無論點都鼓勵唔到呀芊行出去，不過「識得驚」點都好過「唔識死」。
小朋友可以由樹頂繩網的中央通道向下爬，去到下層波波池(樹底)，好似去到另外一個境界。
特別一提呢個波波池，因為呢度原來總共有150,000個波波，連我瞓落去都可以俾所有波波蓋過，就算行在波波池中都浸到上去膝頭哥。
波波池的其中一個小角落，仲有個小小遊戲空間，設有電子投射互動遊戲，可以將波波掉向畫面玩遊戲。
波波池通向「奇幻探索」綜合攀爬設施，大型迷宮空間很寬敞，足夠我咁身型行上行落，只係我唔夠氣啫...
呢度樓底超高，迷宮總共有四層咁多，旋轉滑梯再次通向波波池，堅有離心力超刺激好玩，大人細路都玩上癮。
一時呀哥又跑回樹頂，一時又落番波波池，我連目測都追唔到佢。
上到去更高層的迷宮，穿穿插插好不容易先搵到佢哋兩個。
但係轉個頭佢一個箭步飛身「瀡」一聲又消失咗。
在樹底的波波池及大迷宮隔離，係適合較少幼童玩的波波池，波波池的數量沒那邊多，小朋友很容易可踩到地面上，非常安全。
而且四周的軟墊都十分柔軟，全天沒見過聽過有小朋友撞倒或甚麼意外，爸媽可以超放心。
呢隻巨型甲蟲可以當車推，呀芊玩完再玩，唔捨得走！難為媽咪背後出力的推。
爬到呢邊仲有個投射滑梯，同樣有互動遊戲投射到滑梯上，細細個最啱喺呢邊玩。
Wellcome Paradise 有專用清洗波波機及空氣消毒淨化機，每日早晚及每個時段中間都會按照幼稚園清潔標準，以1:99消毒清潔劑進行清洗，同埋波波嘅塑料更係通過歐盟標準，所以大家可以放心。
除咗150,000個波嘅波波池 (乘機再提多次)，在迷宮附近仲有個巨型彈床區「天際飛躍」
這個放在最後絕對係啱...睇佢哋兩個幾 Wild！如果最後仲有電，呢度放埋佢最適合不過。
突然響了個中央廣播，究竟發生咩事？原來場內每小時都會有一段10分鐘的玩樂時間，有姐姐跟小朋友一起互動唱遊，仲有小禮物派。
跟小朋友傾吓計，問吓佢哋最鍾意玩嘅設施係咩？
當然啦，想繼續改善進步，一定要聽小客戶的小心聲，因為佢哋去玩有最切身嘅感受。
睇見小朋友舉手踴躍答問題真係好可愛，尤其係答咗都唔知佢哋答咩嗰陣。哈哈～
最後人人有份，永不落空，皆大歡喜 唏呀唏呀唏唏呀唏呀唏
其實 Wellcome Paradise 不單止係一個兒童樂園，早上更設有親子寶寶班及興趣班，極有教育意義。課程由香港著名國際幼稚園的高校監和校長親自領軍和督導，帶領一群資深的導師授課，且有分為：
1. 親子寶寶班 (1.5歲至2.5歲幼兒) 予唱歌、講故事及小遊戲去學習。
2. 集體遊戲，以互動創意遊戲啟發小朋友的情緒表達及發展他們社交能力。
獨立哺乳室
玩到唔捨得走，點算！？結果最後佢哋因為太過肚餓，所以佢哋先肯離開...
講個好消息俾大家知，依家大家只要預約時跟工作人員事先出示我呢篇Blog文 或者 呀劍萬帥 Facebook 專頁介紹呢個樂園嘅post再Like 埋Wellcome Paradise 宏美樂園 Facebook Page就可以優惠送多一個大人免費入場。
Photo by CANON 5D Mark IV, Len | EF 16-35mm f/2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評分: 10分
呀劍評語: 上下層樹頂繩網陣跟樹底波波池，實在吸晴及場內地標 icon，小朋友爬上爬落再跳入波波池，真係超讚！爸媽唔再係蹺埋對手撳住手機，坐低望住佢哋玩，因為有超大彈跳床同迷宮可以俾大人小朋友一齊玩。同場有適合較幼小兒童的另一個波波池區，免得被撞倒在一起，十分安全。
Wellcome Paradise 宏美兒童樂園 簡介
宏美兒童樂園是全港最大兒童波波池之一，位於九龍灣國際展貿中心，佔地總面績超過9,000平方呎，提供大型綜合攀爬設施及互動遊戲組合，包括容納15萬個波波的波波池，具特色設計，集遊樂設施、教育配套、表演項目於一身。此外樂園管理團隊具國際兒童教育經驗，由香港著名國際幼稚園的高校監和校長親自領軍和督導，帶領一群資深的導師，為1歲半至10歲兒童度身訂造不同類別遊戲小組、興趣班等，提供優質、安全的智能培育環境，是親子學習和歡樂的好去處。
地點
香港九龍灣展貿徑1號九龍灣國際展貿中心3樓302號舖
樂園對象
6個月至10歲小朋友
開放時間
9:00am – 7:00pm
親子寶寶班 (對象 1歲半 - 2歲半)
星期一至五 9:00am – 12:30pm
分為2節，每節1小時30分，費用為$200 (1大人1小孩)
興趣遊戲班 (對象 2歲半 - 10歲)
(星期一至五除外)9:00am – 12:30pm
分為2節，每節1小時30分，費用為$200 (1大人1小孩)
親子寶寶班 及 興趣遊戲班 詳情內容 可向宏美樂園進一步查詢
公眾玩樂 (1歲以下免費)
2:00pm – 6:30pm
分為2節，每節2小時，新張期費用為$200 (1大人1小孩)，可玩足4小時，優惠至3月23日完結。
如加1位大人，另收$60；加1位小童，另收$140
在場注意事項
家長及小朋友請穿着襪子
為確保場地清潔衛生樂園內不准飲食
電話
2155 4228
Facebook
宏美樂園 Wellcome Paradise
(以上資料更新至文章當日)
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。