【親子飲食】牛角日本燒肉專門店 Gyu-Kaku @奧海城

今次《區區一個KOL》跟【和牛B成長日記】一齊去食自己，咪就係去食和牛囉！不過今次見面錯漏百出，唔通和牛媽真人都係咁論盡？講笑啫...

話說我哋約好去食和牛，不過唔知食邊間先好，結果大家早一星期就分頭OP下，睇吓有邊間和牛又正又平。

最後大家都係位置得先，第朝要番工番學，因為都唔想食得太夜。

而且「牛角」咁多間分店，唔係間間都有和牛放題。

最烏龍係大家都以為對方負責訂枱，我哋一齊企咗喺門口幾分鐘，然後先發現大家都冇Book枱。

所以就死死地氣去撳No.攞飛等位。

睇見一個No.之後就到我哋，大家都超興奮作好準備要入去拆餐勁。

最好笑係我哋最後等咗大半個鐘先有得入去。

先去度一度高，不到90cm小朋友可以免費食。

小朋友當然一坐低就係畫畫，對食一D興趣都冇。

相反，大人就不停點...點...點...點滿成張枱。

由於剛才等位等到個人傻傻地，基本上我都已經忘記咗要訪問一下和牛媽。

哥哥超鍾意和牛B，仲口口聲聲話唔要芊芊，要帶和牛B番屋企。

食到咁上下，大家都開始減慢食速，係時侯入番正題，訪問一下和牛媽。

【劍】這條問題想問好耐好耐，究竟「和牛B」個名點嚟？
【牛】其實係懷孕期間我食咗一次和牛，同老公睡前傾計回味返o個次入口即溶超好味嘅和牛，BB就即刻喺個肚都狂郁。之後每次提起「和牛」BB都一樣猛郁。所以我哋就開始改其胎名為「和牛B」。

(O咀！)

【劍】你寫Blog生活係點開始？
【牛】其實最初只係想記錄低懷孕嘅點滴，之後寫寫下就成到而家了。

(非常正常的情況)

【劍】如果假如再生多個B，會有機會用咩食物嚟起名？
【牛】如果再生多個BB，我自己冇諗叫咩名呀，反而朋友話叫神戶牛B又或者飛驒牛B。

(不如簡單點「小肥牛」算吧！)

呀芊反而唔聲唔聲食咗三碗拉麵。

好在和牛爸提醒，原來最後還每人有個雪糕球食，仲係豆腐味喔！

【和牛B成長日記】一家實在非常Nice，我哋都食得好開心，希望下次真係可以食到飛驒牛啦！你哋要努力喔！哈哈～

Photo by iPhone 8 Plus

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 8分

呀劍評語: 性價比還算合理，問題在乎識唔識燒嘅你，以和牛放題來說，我認為算合格，可以值得再嚟。

地址
大角咀海庭道18號奧海城二期1樓128A號舖
電話
2702 8128
營業時間
11:30 - 23:00
招牌菜
燒肉五品盛合上級牛肋肉王樣牛腹胸肉

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。