【親子飲食】和牛燒肉‧純 100%日產牛燒肉店 Japanese Wagyu Yakiniku Pure

人人都知食A5和牛要去日本，但依家話你知香港都可以食到啦，「和牛燒肉‧純」一家100%日產牛燒肉店，食過之後先知道咩叫「最高等級」。

位於銅鑼灣恩平道亨利中心的「和牛燒肉‧純」(另一家店位於尖沙咀)

A5和牛係最高等級，但係你又知唔知"A"同"5"分別代表咩? 究竟按咩法則去評定咩級數。

講少少知識俾大家知道，其實世界各地都有自己評價準則，而日本評級內容包括背肉中心的面積、腹部肉的厚度、皮下脂肪的厚度及半枝肉(枝肉：以一整頭牛隻去除皮、骨、內臟後作一個單位)的重量4個項目，而較高肉量則屬為A級。

肉質等級又係點定?

分別取決於牛肉的脂肪比例及紋理分布、顏色及光澤、肉質嫩度、脂肪色澤及質量這4項目來評價

和牛也有不同產地，常聽見的有「神戶」、「宮崎」、「佐賀」及「飛驒」

今日我哋食的就係「A5佐賀和牛」

這4款由左至右分別有佐賀牛肉眼、牛肩、紅肉跟雞肉。

這個牛肩的油花分布、肉的色澤及紋路，真係非常均勻，這就是A5了，真係望見都覺得似藝術品唔捨得食。

薄切佐賀牛紅肉，用作牛涮鍋也必定超好味。

這個厚切肉眼也十分吸引，紅肉與白色油花分布均勻，肉質好、味道濃郁。

哥哥跟芊芊當然只希望快些幫忙燒多過食。

全部佐賀牛只是輕輕的調味，就已經很美味，口感柔軟。

這佐賀牛肉眼，燒上來仍然很軟身，外觀跟普通牛肉已經很不同了。

最震撼我係這A5佐賀牛肩肉，這個算是我吃過最美味的了。

A5等級的佐賀牛食起來油脂豐潤、入口即化。

兩個食唔停口，同我爭住食...(以後多兩個對手)

Photo by iPhone 8 Plus

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 10分

呀劍評語: A5和牛這最高等級，真係冇得輸。若要評的也只能在店內環境及服務方面。

和牛燒肉純
100%日產牛燒肉店 JA 全農，即日本全國農業協同組合聯合會。是日本政府所屬的農業組織，負責收集農產品和海產，並兼任供應商，旗下有餐廳，「純」在東京開業 15 年，有 4 間分店，最近在香港開設海外分店，旨在推廣日本牛肉。

純種和牛來自佐賀、鹿兒島、宮崎、飛驒、櫪木等地，不時轉換，只取日本和牛，一切以優質行先。除了燒烤，這裏亦提供其他和牛食法，包括刺身、涮涮鍋、壽喜燒等，名副其實純——和牛專門店。

地址
銅鑼灣恩平道42號亨利中心15樓

電話
2807 0103
5220 7007

營業時間
星期一至日 12:00 - 15:00；18:00 - 23:00

推介
厚切牛舌、特上三角牛排肉、特上和牛肉眼、特上和牛西冷

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。