【親子好去處】Gotcha 夾公仔專門店

今次真係一個大平反，因為從來都覺得夾公仔係嘥錢的我，今天在Gotcha 夾公仔專門店玩過後，竟然180度對夾公仔改觀，開始明白點解咁受歡迎。

雖然我唔係沙田友，不過今日遠道而來附近玩，食飽飯冇嘢做，見到新店開張又做緊優惠，就陪呀芊入去玩兩手。

夾公仔雖然好似好平常冇咩特別，但係識玩一定要知道公仔來貨係邊。

好多店都係淘寶A貨，平入貴賣去賺到盡，但係 Gotcha 全部公仔都係真心日本直送，集結日本依家最人氣流行的公仔。

好似呢期就啱啱推出「柴犬三兄弟」，真係超得意！

店內設有自助兌幣機，現場冇職員駐場，所有進場朋友可以自己兌換 Coins，隨時開始夾。

咁啱今日來到店係有職員，因為剛好做期間限定推廣，一次唱$200就可以送些小禮品。

呀芊真係識貨，一來就要夾這個最新日本景品柴犬。

跟住相信大家最關心的，就係究竟呢度嘅夾公仔機容唔容易夾到公仔。

有D人又話系統設定咗逢第幾次個鉗先夾得實，有D就覺得無論點都唔會夾到。

我唔知...我剩係眼見芊芊幾分鐘就夾到兩件。

當然夾唔夾到真係要睇運氣同埋技術，落位準唔準都好緊要。

芊芊成功夾到兩次之後，突然之間認真起上嚟，可能佢都覺得自己好叻。

因為佢知道哥哥好鍾意「比卡超」，所以見到有得夾就想試下。

唔話呀芊厲害都唔得，因為佢一下夾到個「比卡超」同「木木梟」。(有片有真相)

於是佢再接再厲，想試下夾多個「柴犬」俾哥哥，不過當然唔會咁理想啦，都失手過好多次。

而且最後都夾唔到。

我都唔執輸，同埋呀芊一齊玩，自己都試下夾。

好開心呀! 好都夾到...

原來感覺很不一樣，因為當你夾嘅時侯，即使身邊有唔認識嘅朋友，即時會變咗隊友，都會同你打你氣，到真係夾到嗰陣會全場一齊尖叫，真係好興奮喔！

當然夾唔到嘅時侯，身邊嘅朋友仔就即時散場HUH.....哈哈~

芊芊夾到咁多都已經好滿足，但手上仲有幾個Coins，就最後揀吓仲有咩想夾啦！

今次真係滿載而歸呀！好興奮當然係芊芊啦！

今次同哥哥有交代啦！可以番到屋企一齊分享。

總共用咗$100，換咗25個Coins，可以夾到咁多超值啦！

Photo by CANON 5D Mark IV, Len | EF16-35mm f/2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 10分

呀劍評語: 從來都覺得夾公仔好嘥錢，不過今次同芊芊玩感覺很不一樣，原來可以好開心！平平地有時玩下也不錯。(當然一隻都夾唔到就....學下同小朋友經歷失望吧)

Gotcha
Gotcha - Get You Happy 各式各樣日本景品丶優質公仔丶靚靚精品丶熱賣玩具...... 抓得開心丶夾得滿足:)

地址
沙田石門京瑞廣場一期2樓263號店

營業時間
上午10時至晚上10時

代幣
$20: 4 coins
$50: 11 coins
$100: 25 coins

Whatsapp
9134 6884

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。