真係超期待的一天，連埋試業都正式開張有數個月的KidsKiss Kingdom親子主題餐廳，今日終於可以約到朋友一齊去放電食餐好。
不錯喔！經都開業有半年的KidsKiss Kingdom，就位於沙田石門，相信大家都睇過唔同人介紹，算係2018上半年最紅的一家親子餐廳，知道網上預約系統一直都爆滿。(以我所知只有平日係仲有機會可以預約到)
不過我知道每次預約的朋友都總有一兩枱會放飛機，所以大家唔怕的話都可以去現場博一博。
KidsKiss簡直就係集合咗好多小朋友最鍾意的主打好玩原素，有架空七彩繩網，超深波波池，超逼真超巿同煮飯仔。
呢度佔地達9,000尺，一進場已經有個好元善的Locker供應俾所有進場朋友存放行裝。(而且所有顧客都要進場除鞋，大人唔好以為唔落場玩就唔駛除鞋呀，所以記住要著襪呀！)
因為大家都一定要穿過4大遊戲區先至可以進入用餐區。4大遊戲區分別是視覺觸感區、好動專區、認知發展區及實景發展區。
場內設有上限人數，每場最多120人入場，所以點玩都唔會覺得逼，呢樣簡直係一流。
攀爬管道滑梯同埋巨型編織繩網只係設計俾4-8歲小朋友，而繩網最多可供15個同時使用，大人唔好走上去喔，好危險的唷！
波波池同繩網顏色絕配，而且超級多波波，個波波池深到可以埋咗個小朋友，哈哈～所以大人行過波波池，要小心睇吓會唔會踢到個人。
攀上呢個繩網編織的大波波，小朋友自創玩法。
波波池真係好深呀！小心會浸親...最緊要浮番個頭上嚟，如果唔係實俾人踢親，哈哈～
架空繩網都係賣點之一，由波波池可以直接爬上去。
呢個"U"字透明管道，可以考驗一下小朋大的膽量，因為由管道向下望都幾高喔！
另外有一條刺邀度極高的透明滑梯，芊芊總共都玩咗成10-20次。
總主動要我影佢，一邊準備瀡就一邊睇吓我準備好未，哈哈～
滑梯就直接瀡到另一個投射海底世界。
但係呢個海底世界唔知點解有個汽水罐飄來飄去...
一條軟墊樓梯都可以玩餐飽...
呢度仲引入德國玩具品牌HABA及Masterkidz的優質木材製成玩具。
玩波波池玩到癲哂之後，都可以坐低同小朋友一齊油下顏色！
設計真有心思，善用場地每一個位置，在這個位置也裝上玩具 管道俾小朋友玩。
就在Locker旁邊都有個超大汽球區，充滿唔同顏色的汽球。
逼真超巿有3架手推車，可以俾小朋友Shopping，學下媽媽買餸住飯。
而且目測的確係受女仔歡迎多D。
真係魚、蛋、罐頭，應有盡有。
就連蘋果蔬菜，樣樣都超逼真。
嘩！蔬菜超新鮮，就在農田去探摘，哈哈...超萌！
天啊！還有付款區。
有小朋友還真的喜歡去做收銀員！哈哈～太攪笑了吧。這個收銀機也真的按下去會發出"Do"聲，逼真得連我都想玩。
芊芊逐樣拎上嚟俾收銀員"Do"，但係冇錢俾！
買完餸就梗係要番屋企煮重米啦！
遠遠看着我家小姐，秒覺得佢長大了許多，仲好賢良淑德喔。
佢話要沖杯奶茶俾我，真係好"時wit"呀。
後新增設的這個BB遊玩區，只適合2歲或以下的小朋友。
牆上有着許多不同款式的小遊戲。
在用餐區跟波波池之間有個寛闊的馬路供小朋友玩車。
步行車都超靚！剩係坐住打咭都開心。
加上身後超美的佈景，是咪好靚呢？！
落得場當然要踩番轉！
玩咗咁耐係時間到用餐區食下嘢！話哂都係親子餐廳，點可以只係好玩唔好食。
用餐區都係用上柔和顏色，如果有留意的話，其實跟波波池及繩網的顏色都幾似架！
仲劃分出一個Party區，可以俾大家包場用。
用餐區仲設有CCTV，家長們都可以得閒望下電視，睇下小朋友去咗邊區玩。
當然都係親眼照顧住小朋友最好啦！
老闆特別為我泡製咗4杯夏日飲品，要我試一試味！
分別係
唔知大家下次嚟到KidsKiss會唔會喺餐牌都見到可以Order呢？
炸物摩天輪，好邪惡呀！
有炸魚手指...
呀芊最鍾意的炸薯條...
我最喜愛的炸餃子！
全世界都鍾意食的炸蝦...(誇張！)
同埋最後的炸雞喔！
有炸物呀芊一定最開心！
當然唔少得鎮店之寶焗豬扒飯漢堡。
這個是KidsKiss的自家原創，真係好感動呀，估唔到除咗親子玩樂區認真設計，佢地對食物同樣執着！
小朋友識食一定食兒童餐，這個扁意粉超好食！其實大人都想食，只係份量唔夠我，哈哈～
仲有瑞士汁雞翼，超入味！(唔是講笑)
當然親子餐廳一定會有的育嬰室啦！大家可以放心喺度換片。
大家快D上網預約登記！點都要帶小朋友嚟一次。
Photo by CANON 5D Mark IV, Len | EF 16-35mm f/2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評分: 10分
呀劍評語: 紅爆一定有原因，唔單止係因為新開咁多人去，而真係地方好大好多嘢玩，食物質素仲好高。所以值得一到來到，前來玩玩！
KidsKiss Kingdom
KidsKiss Kingdom成立的理念，銳意成為一間集學習和玩樂並容的親子主題餐廳。佔地達九千尺，為父母與孩子提供廣闊無壓力、多方的玩樂暨飲食空間。
訂座連結 https://goo.gl/VKZWoc
只接受2日前及30日內的網上預約。
地址
沙田石門安群街3號京瑞廣場一期1樓162號舖 （港鐵石門站C 出口）
營業時間
星期一至日
11:00-14:00 14:30-17:30 18:00-21:00
收費
查詢電話
2882 2779
KidsKiss Kingdom
KidsKiss Kingdom成立的理念，銳意成為一間集學習和玩樂並容的親子主題餐廳。佔地達九千尺，為父母與孩子提供廣闊無壓力、多方的玩樂暨飲食空間。
訂座連結 https://goo.gl/VKZWoc
只接受2日前及30日內的網上預約。
地址
沙田石門安群街3號京瑞廣場一期1樓162號舖 （港鐵石門站C 出口）
營業時間
星期一至日
11:00-14:00 14:30-17:30 18:00-21:00
收費
2882 2779
Facebook專頁: 呀劍萬帥 kimfamilytravel
Blog網誌 : www.kimfamilytravel.com
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。