【親子好去處】森林樂園 Forest Park

深水址太子小朋友好消息，因為在大埔道都開咗間兒童遊戲室，其實嚴格嚟講唔叫新開，EMMA PARTY HOUSE 只係劃分另一邊重新裝為親子空間。

EMMA PARTY HOUSE 前身(依家仲有一半)都係經營 Party Room，可供一班知己朋友開Party的地方，但最近老闆將部份地方重新裝修成親子空間。

店就在大埔道麥記對面，門口好明顯的閃燈招牌，不過遊戲室係在地下層，一邊仍然保留 Party Room，另一邊就係遊戲空間。

大家如果幾個家庭可以同時用房間開Party又可以到波波池玩。真的沒想過一個兒童遊戲室在地底下。呢度起名叫「森林樂園」所以整個場地都係綠油油。

場地分為幾個冒險區域

Adventure Part 1

i) Monkey 攀石場；ii) 沙灘建築師；iii) 動感投射海底奇兵

Adventure Part 2

i) 大型波波池；ii) 動感投射激戰遊戲；iii) 刺激滑滑梯

Adventure Part 3

i) 彩虹繩網樹屋；ii) 蜂巢Tunnel

Adventure Part 4

i) 大型Lego屋；ii) 迷你兵團轉山窿；iii) 森林隧道

Adventure Part 5

i) 彈彈牀

1大1細平日$150 / 假日$200

最值得介紹係呢個白色沙池，起初我行入門口一看還以為全部都是鹽，再仔細D一睇，原來全部都係半透明的細小膠粒。

睇起上嚟又感覺幾靚喎，不過重點唔係呢度。

原來係配合埋投影一齊玩，影像係一個海底世界，有好多不同海洋生物游嚟游去。

只要拎住白色碟靠近D魚蝦蟹，就可以裝住佢。(超神奇的科技呀！)

然後慢慢的將大魚大蟹搬到去投射的一個角落，這裏是一個虛擬水塘，然後將佢哋倒落去...

條大魚真係落咗去個水塘度，我就好似個鄉下佬咁企喺度「嘩嘩」聲！

哥哥同呀芊好勤力咁想將所有嘅海洋生物搬到水塘。

兩個一齊合力捉到大蟹呀！然後慢慢輕力放落去，見到都覺得好得意。(因為佢哋好似當咗個投影係真的大魚咁)

不過我覺得要提一提，始終小朋友玩嘅時侯可以去得好盡，所以在池中玩要注意自己小朋友，唔好俾佢當波波池咁瞓低，因為唔小心的話膠粒會入耳仔，同埋唔好俾佢拋起粒粒，唔小心灑向自己或對方小朋友都唔好。

旁邊都有個細小攀爬設施，最啱成隻馬騮嘅哥哥。

芊芊表示爬到最高話落唔番嚟...哈～

波波池佔地也很大，足夠小朋友在這盡情玩。

採用咗黃綠色配搭的波波，就配合番呢度嘅森林主題。

互動觸控式屏幕當然唔少得，依家好多場都會利用佢同波波池做互動，仲有好多唔同遊戲揀。

不過小朋友通常玩玩下都會由本身離遠扔個波去屏幕，變咗就咁拎實個波打落去。

呢邊都有繩網陣同跳彈床區。

走入呢條秘密小通道，估唔到有個小鞦韆玩，不過芊芊你好似坐唔落囉喎。

波波池的另一邊有個細小的瀡滑梯，適合較小的幼童玩。

彈床區空間好大，幾個小朋友同時上去跳都唔怕會撞倒。(當然要睇吓邊D小朋友啦 ^.^||| )

Photo by Sony A7III FE 28mm F/2

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 9分

呀劍評語: 雖然設施都不是有甚麼特別，但係地點夠哂就腳，而且人流必定唔會好似一般商場咁多人。不過價錢有點偏貴，老闆咁好人，相信將來會向下調一調 ^.^

森林樂園 Forest Park

地址
大埔道31-35號地庫全層

交通
港鐵石硤尾站G出口，沿窩仔街巴域街行出大埔道，麥當勞對面。

日期
2018年6月28日至2018年8月14日

營業時間

星期一至五(平日)
時段A 12:00-14:00
時段B 14:30-16:30

時段C 17:00-19:00

星期六、日
時段A 11:00-13:00
時段B 13:30-15:30

時段C 16:00-18:00
時段D 18:30-20:30

費用

Whatsapp

5646 2499

facebook專頁

https://www.facebook.com/PartyHouseEMMA/

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。