Playright呢個大名你唔係未聽過吓話，當然我一直都很欣賞他們，而滙豐智樂遊戲萬象館也遲遲一直未就到時間去玩一玩，哥哥派咗成績表，暑假終於開始啦！終於預約到適合的日子來玩，原來比我想像中更...
滙豐智樂遊戲萬象館的位置，好方便好容易搵，只要搭港鐵到太和站，落車B出口(月台上扶手電梯上去)，出閘轉左進入商場(需要升扶手電梯落番去)，一直向前行穿過商場，到露天位置落幾級樓梯到馬路對面是了。
位於屋邨之中沒有甚麼很華麗的門面，就好似一個社區中心，但係咁樣更加貼地。
今年6月底萬象館已經開通了網上預約系統，先登記成為會員，然後再點選日子，預約非常簡單容易。
而且可以一次過購買多張「大玩券」
$400 / 10張、$750 / 20張 或 $1000 / 30張
可以成個暑假慢慢玩。
喺Receiption已經有好幾樣木製玩具吸引佢哋喇。
大家可以用$20按金就可以借用一個儲物櫃。
今個暑期新增的其中一項設施「粒粒木粒粒」好多好多細小的木粒，相比起玩那些明決子池來得更安全更放心。
整個萬像館的設施，都志在讓小孩發揮自己的創意去玩，所有玩具及設備並不會限制着孩子們的玩法。
看！芊芊玩玩下就拎起個兜裝住小木粒，扮自己食緊飯，仲要食到成地都係。
哥哥就是有整齊強迫症，搵咗紅、黃、藍、綠四個大盤嚟裝滿木粒。
大家各有各玩法，這個畫面真係好美好。
哥哥話自己係炒緊飯，仲話要炒一碗俾我食，哈哈~
然後去咗另外一個區「枕頭大戰」，我超鍾意呢個，因為就係平時喺屋企做就會被罵的遊戲。
難得攞正牌可以互掉枕頭，兩個從未試過咁盡情咁掉嚟掉去。
哥哥越掉越起勁，真係唔叫佢冷靜番少少都唔得。
不過呀芊都不甘示弱，一個重擊將哥哥壓倒，哈哈~正！
唔好以為地方細細，但係呢度都有好多攀爬設施，大人同樣可以陪小朋友爬上去，十分安全。
爬到上嚟估唔到原來有個空中繩網陣，而且用上了多層繩網非常穩陣同安全。
芊芊一向都怕玩呢種空中繩網，但係今次佢一D都唔驚，仲喺上面碌嚟碌去。
所有位置都互通，無論你邊度上邊度落都話咁易。
轉個頭嚟到「礦場冒險王」，小朋友可以喺度扮下地盤工人修橋補路。
地方細細但卻有盡好多不同小玩意，而且每場也有限制入場人數，所以絕對足夠小朋友玩唔駛爭。
哥哥對呢個情有獨種，一直待在這玩咗好耐。
哥哥比較鍾意玩D好細緻精密嘅玩具，砌到幾個立體，話佢哋摩天輪，過山車，係一個遊樂場，仲要求我要同佢哋影相^.^
芊芊喺呢邊就喺度舖路，老爸好攰呀，以後你自己條路你自己舖啦！
好可愛喔！有好多小配件，俾小朋友發吓工程師夢。
我最鍾意呢個混凝土車，睇住小朋友一路攪一路轉好攪笑。
唔單止有工程師，仲可以做救護人員同消防隊長，真係好似一個迷你Baby BOSS，最唔同嘅係呢度冇行程冇步驟，俾小朋友做自己鍾意嘅事，發揮佢哋自己創意。
芊芊收到電話有人受傷喎，點解仲咁開心嘅。
爸爸媽媽可以揀自己邊個地方受傷有咩意外好攪笑喔。
著上消防制服做消防隊目啦！
孭起個滅火筒出發去救火啦！
呢萬象館每次場與場之間都會做足清潔，好似呢個頭盔咁，大家唔駛驚會戴咗之後生頭虱呀...哈~
好忙呀...好忙呀...救完火又要做點心呀姐，「芊姐，唔該要籠燒賣呀！」
呢個小小木工區最得佢哋兩個歡心，佢哋平時喺屋企已經成日要揼嘢做小勞作。
雖然係玩樂區，但係家長都要小心照顧孩子使用槌仔等工具。
兩個繼續全神貫注咁去做。
萬象館更係好多家長學習的對象，其實好多材料都係我哋每日生活中常見的，我番到屋企都可以嘗試製作呢D小玩意俾兩兄妹喺屋企玩先。
邊睇哥哥邊提心吊膽，因為佢超級輪盡唔諗後果，不過其實我哋做家長嘅都要學習放心信任孩子。
在入口對住的空間係一個「玩具圖書館」，大家可以喺布袋外的小咭上認知玩具及其玩法，合適的可以借番屋企慢慢玩。
我覺得呢度各種遊玩設施，真係好細心為小孩而設計，好似呢個五角幾何立體，設計者相信好了解小孩好喜歡利用物件玩光線反射，拎住個立體對住射燈，轉動不同角度反照在牆上。
館內右邊盡頭有個「別館」，呢度不定期會有唔同節目活動，可以留意網上最新消息，下載每月份嘅遊戲活動及優惠。
呢個小空間只適合2歲或以下小朋友玩，爸爸媽媽可以放心唔駛驚俾大小朋友撞倒。
今日嚟到玩「污糟貓天地」，但係七月下旬將會更改為「水上新巿鎮」，八月就係「飄雪樂園」究竟點玩法真係唔知道，真係超期待到時再嚟。
小朋友可以放任地好隨意的接觸顏料，最適合D平時連沙灘都唔敢落嘅小朋友玩。
唔同既顏料可以溝出唔同嘅效果，平時喺屋企可以試都唔會試，因為呀媽一定會話嘥嘢，但係喺萬象館佢哋可以點玩點溝都得。
萬象館也設有哺乳室，初生媽媽可以好舒服咁帶住哥哥姐姐嚟玩，自己就好好咁喺房裏面餵細佬妹。
洗手間都好乾淨企理。
Photo by Sony A7III FE 28mm F/2
想跟我去體驗其他活動，快D報名親子團，同埋留意專頁公佈詳情啦！
呀劍評分: 10分
呀劍評語: 萬象館俾我的感覺好好，職員同事又好Helpful，又好Playful。設計者可以利用小小的空間做出大大的宇宙(咁熟嘅呢句)，我身處館內一D都唔覺得逼，仲好多唔同嘢玩，真係好厲害。
滙豐智樂遊戲萬象館PlayScope 簡介
智樂兒童遊樂協會(智樂)推出嶄新的「遊戲萬象館」- 由日本環境デザイン研究所著名建築師仙田滿博士及其設計團隊和智樂遊樂環境設計小組共同協作，為香港兒童創建具特色及安全的優質遊樂空間，讓兒童自由探索，從多角度體驗遊戲的樂趣，創出兒童自己的、色彩繽紛的遊戲世界。
智樂兒童遊樂協會(智樂)推出嶄新的「遊戲萬象館」- 由日本環境デザイン研究所著名建築師仙田滿博士及其設計團隊和智樂遊樂環境設計小組共同協作，為香港兒童創建具特色及安全的優質遊樂空間，讓兒童自由探索，從多角度體驗遊戲的樂趣，創出兒童自己的、色彩繽紛的遊戲世界。
地址
香港新界大埔太和邨亨和樓地下 117-128 室
開放時間
大玩券套餐
大玩券（10張） $400
大玩券（20張） $750
大玩券（30張） $1,000
會員使用大玩券數量
非繁忙平日：1張
繁忙平日：2張
星期六、日及公眾假期：3張
非會員
非繁忙平日：$100
繁忙平日：$100
星期六、日及公眾假期：$140
可參考萬象館年曆表
* 星期一休館
電話
網址
http://www.playscope.org.hk
http://www.playscope.org.hk
Facebook專頁: 呀劍萬帥 kimfamilytravel
Blog網誌 : www.kimfamilytravel.com
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。