如有天櫻花再開...去過咁多個波波池，今次去嘅Best Neverland呢個波波終於玩得又睇得啦！
仲記唔記得Neverland喺邊度見過呢？咪就係小飛俠個夢幻島囉，呢個Party Room個名仲要係叫「Best Neverland」。呢排熱到咁，真係去街都有機會曬傷，同一班爸爸媽媽朋友，一家大細嚟呢度玩，真係啱哂呀！
坊間有好多大大小 小不同的Party Room，但係大部份都係適合年青人或大人，又或者只適合小朋友的，如果又要啱大人同時又可以俾小朋友放電，大家可以考慮一下呢個Neverland。
主打景點就係呢個櫻花樹下的波波池，哥哥一跳入去就大嗌「好深呀！」因為真係好多波波呀。
今日帶埋朋友仔嚟一齊玩，咁啱有兩個心型充氣墊，配合埋個櫻花樹真係好浪漫。
將D波放入糟內(樹根部位)，就會喺上面雀仔屋嗰邊噴番出嚟。
所有環境都好乾淨，我睇過其他Blog及Media介紹，見到D公仔都唔同哂，發現佢哋會定期更換保持衞生。
呢個透明吊椅都係值得打咭之一。
哥哥就最鍾意潛哂入波波裡面。
睇住小朋友在波波池玩得咁開心，自己都想變番細路哥。
另一角度影過去都同樣美美！
如果熄埋燈，所有透明波波配合幻彩燈光效果，感覺仲更加夢幻喔！
射籃球過三關，哥哥呀芊一見到就知道點玩！足球仲要係小朋友最鍾意的Spiderman，分開3隻顏色，睇吓邊個最先贏！
兩個笨手笨腳，唔好話要連續同色串連一齊，如果佢哋掉得入都已經好叻喇！哈哈～
搖控車都有得玩！仲要係用平板 remote！加上有障礙就更好玩刺激，有4架車可以俾兩人一組對戰。
球證，架車係打人唔係打波喎！
搖控車上仲有一行能量顯示，可以用平板發射子彈擊打對手。
好啦！帶住兩隻嘢去咁多地方玩，今次終於有啱我玩嘅嘢啦！就係咪霸至強的唱K啦！呢度設有獨立房(可同時兩人進入)，可以閂埋門自己邊點邊唱。
但係想唱之際又俾佢哋兩個霸住咗！可以話係佢哋第一次唱K喔，所以就由得佢哋讓佢哋一次啦！
佢哋好勁㗎！識得唱「慢慢喜歡你」，你唔識？咁OUT㗎！
仲可以換代幣夾公仔。
哥哥真係好厲害，由係一下就中。(BUT之後幾下都夾唔到...)
屋企已經好多公仔啦，最後哥哥都好大方夾到幾個送俾其他小朋友！
佢哋兩個期待以久嘅節目嚟啦！有部SWITCH喺度，今次唔駛走喇！
兩個當然一坐低就話要玩Overcooked啦！邊玩邊笑到碌咗喺度。
之後仲玩「街霸」、「孖寶賽車」，玩到唔捨得走。
興奮到咁，今晚唔駛瞓啦！^.^ 不過放緊暑假，就俾你哋兩個放肆一下啦！
仲有好多小玩意同埋board game，又有一塊LEGO牆可以俾小朋友發揮吓創意。
門口附近仲有一彈床，最啱呢個呀芊！
我發覺真係可以將佢一歲識企之後的所以跳彈相，集齊一套嚟慢慢欣賞。
又有電動車...究竟仲有幾多嘢玩，幾粒鐘點夠玩！
仲有張自動洗牌麻雀枱，如果有公公婆婆爺爺嫲嫲，俾佢哋打番四圈就Fit哂。
兩個見到咩都要攪一攪...
超貼心服務呀，連換片地方都有！仲咁靚咁舒服，同埋有免費尿片提供，唔記得帶都唔緊要！
小小Open Kitchen樣樣齊，仲有部爆谷機可以任食爆谷，+$20連嘢飲都包埋㗎！(係真唔係呀！超貼心)
Photo by Sony A7III FE 28mm F/2
想跟我去體驗其他活動，快D報名親子團，同埋留意專頁公佈詳情啦！
http://goo.gl/forms/CNZMEPoMIWkouK8o2呀劍評分: 10分
呀劍評語: Party Room去得多，咁適合一家大細，老少咸宜都真係少見！上至呀爺，下至呀B都一定有嘢啱玩，用嚟開Party攪Gathering真係超適合不過。
收費
$188/4hrs(大小同價，三歲以下免費)
註：平日10位起包場；星期六日及假期20位起包場
查詢/預訂Whatsapp
6389 1286
(以上資料更新至文章當日)
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。