一班老友幾個家庭聚首一堂，找了一個我多年前已預約過但最後也去不成的餐廳，這次終於有機會到來試一試，真的是很愉快的一個晚上。
若到香港親子餐廳，焱咲自煮理平板燒概念店真的可以說是先河始祖，店內雖然地方不大，只可以坐幾枱客人，但是真的幾乎每晚也full house。
在店門口設有一LEGO牆供小孩玩。
遊戲室不不算大，但是由於每晚入座人數有限，所以小孩人數亦不會太多，可以我都好放心俾哥哥同芊芊自己在遊戲室裏面自己玩。
哥哥似乎有點大個，我就吩呼佢要作大哥哥在遊戲室內管理秩序，照顧妹妹同埋小寶及暴龍。
場內有好多唔同大大小小的玩具。
佢哋幾個最開心就係可以攬住呢幾隻大恐龍。
知唔知咩叫橫行霸道。
遊戲室外的用餐區有多部電視，可以清楚觀察遊戲室裏面小孩的情況。
鍾意打咭的朋友，仲有好多其他配件
餐廳內的設計都係由老闆娘一手包辦(包括食物的設計)。
枱上的調味料裝置都好得意。
先喝個湯及食個醒胃沙律。
兒童餐都相當豐富。
因為老闆都係一位爸爸，所以特別明白各位家長的需要，看看這兒童餐，我見到都好放心，因為唔單止照顧小孩的味覺，更照顧到媽媽擔心孩子的營養需要(最緊要係夠唔夠飽...哈～)
而且還有一個DIY壽司器，可以俾小朋友玩之餘，又可以食番自己製造的壽司，完全捉到小孩子的心理。
特別介紹是這個平板煮食爐，而且是申請了專利。
完全不需要放油，所有食物就放在平板上燒，因為食物還生時會容易黐底，所以要待食物熟才可以將食物反轉。
另一個驚喜位就是這個大手榴彈，又可以俾小朋友玩玩，哥哥一將保險針拔走，手榴彈立時打開，原來是些海鮮及蔬菜。
食物不斷的上枱，每一碟都好好味，絕無誇張！
這個貌似咖喱角的，其實餡是大蝦，超好味！
還有日式薄餅，這款薄餅往往在街外吃，都只係吃到一啖啖麵粉。但係這個真的真材實料，而且很好味道。
還有煎豬肉餅及慢煮雞脾等，全部都吃在心上，因為真係食得出來老闆的心意。
番茄洋葱蛋，又一個可以俾小孩體驗又食得的菜式。
芊芊小心奕奕的打蛋，雖然蛋黃爛咗，但至少也安全着陸。
不要誤會，下圖的是莫莉姐打的，果然完美10分。
當大家吃飽飽小孩返回遊戲室玩耍之際，老闆突然拿出甜品來。不是吧！這個是甜品嗎？我從未吃過這麼大的甜品喔！
原來是老闆特意為暴龍媽媽預備的超大甜點，老闆娘的心血結晶，她很細心的知道大家吃得飽飽，不可能再把蛋糕吃下，但是雪糕水果，還真是另一個胃，可以繼續放入肚。
實在非常愉快的一個晚上。祝暴龍媽媽生日快樂，年年15歲！
小孩這個時侯就被這個藝術品所吸引着，沒有再走回去遊戲室玩。
芊芊的眼光一直盯着這個朱古力噴泉，不見一人只見甜點。
四個小孩輪流吃，大家都變了印度人，已忘了叉放到那裏，直接用手吃！
非常有心思的設計，還把西瓜皮雕出一隻小暴龍。
芊芊食到污糟哂，成口都係朱古力。哥哥自己發揮創意，用手沾點朱古力醬到下面的木糠，自製朱古力沙，又玩得又食得。
老闆一家真的超有心經營，可惜不敵租約期滿，還是要另覓地方，希望將來找到新地方重新出發，我們一定會繼續支持！
Photo by Sony A7III FE 28mm F/2
想跟我去體驗其他活動，快D報名親子團，同埋留意專頁公佈詳情啦！
http://goo.gl/forms/CNZMEPoMIWkouK8o2呀劍評分: 10分
呀劍評語: 如果要總結整家餐廳的質素，我只可以說完全無得輸，可以大膽的說不會中伏，而物超所值。雖然今次係最後一次到來，但真心相信老闆的用心，一定能在那裏都可以成功，期待有朝一日再會，後會有期。
焱咲自煮理平板燒概念店 -香港親子餐廳
地址:
九龍荔枝角長沙灣道883號億利工業中心9樓916室 (荔枝角站D1出口步行5分鐘)
營業時間:
19：00-23：00
只收現金
whatsapp預約:
6295 0918
焱咲自煮理平板燒概念店 -香港親子餐廳
地址:
九龍荔枝角長沙灣道883號億利工業中心9樓916室 (荔枝角站D1出口步行5分鐘)
營業時間:
19：00-23：00
只收現金
whatsapp預約:
6295 0918
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。